អភិបាលខេត្ត យក​អំណោយ​ផ្តល់ជូន ពលរដ្ឋ​មាន​ជីវភាព​ខ្វះខាត ៣០ គ្រួសារ​

ដោយៈ សៅ​វ៉ាន់ឌី / ព្រះ​វិហារៈ លោក​ប្រាក់ សុវណ្ណ អភិបាលខេត្ត និង​ជា​ប្រធាន​គណៈកម្មាធិការ សាខា​កាកបាទក្រហមកម្ពុជា ខេត្តព្រះវិហារ នៅ​ព្រឹក​ថ្ងៃទី​៧ ខែមករា ឆ្នាំ​២០២១ នេះ បាន​នាំយក​អំណោយ ទៅ​ផ្តល់ជូន​ពលរដ្ឋ ចំនួន ៣០ គ្រួសារ ក្នុងនោះ ពលរដ្ឋ​មាន​ជីវភាព​ខ្វះខាត ១២ គ្រួសារ​, ស្ត្រី​ម៉េ​ម៉ា​យ មានកូន​ច្រើន ៦​គ្រួសារ​, កុមារកំព្រា ១ គ្រួសារ​, ជនពិការ ២ គ្រួសារ​, ចាស់ជរា​គ្មាន​ទីពឹង ៩ គ្រួសារ​, មកពី ៧ ភូមិ ក្នុង​ឃុំ​ស្រអែម ស្រុក​ជាំ​ក្សាន្ត ។​

​លោក ប្រាក់ សុវណ្ណ បាន​ពាំ​នាំនូវ​ប្រសាសន៍ ផ្តាំផ្ញើ​សាកសួរ​សុខទុក្ខ ពីស​ម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន ប្រធាន​កាកបាទក្រហមកម្ពុជា ដែល​សម្តេច​តែងតែ​គិតគូរ ពី​សុខទុក្ខ​របស់​បងប្អូន​ជានិច្ច គឺ​ទីណា​មានការ​លំបាក ទីនោះ​មាន​កាកបាទក្រហមកម្ពុជា​។​

​សម្ភារ​ផ្តល់ជូន​ក្នុងៗ​គ្រួសារ រួមមាន​អង្ករ​, មី​, ត្រីខ​, ទឹកស៊ីអ៊ីវ​, សារុង​, មុង​, ភួយ​, ក្រមា​, ទឹក​សុទ្ធ​, អាហារ​បំប៉ន​, និង​ថវិកា​មួយចំនួន​។ ជាមួយគ្នានេះ សាខា​កាកបាទក្រហមកម្ពុជា​ខេត្ត ក៏បាន​ប្រគេន​ព្រះសង្ឃ គង់នៅ​វត្ត​កែវ​គី​រី​សិក្ខា​ស្វរៈ អង្ករ ១០០ គីឡូ មី​៦​កេស ទឹកក្រូច​២​កេស ទឹក​សុទ្ធ​២​កេស និង​ថវិកា​សប្បុរសជន ចំនួន ១.៦៨២.០០០ រៀល​៕/V​

ទីតាំងផ្សាយពាណិជ្ជកម្ម

- Advertisment -

Most Popular