ការសិក្សា​រកឃើញថា ការជក់បារី​បង្កើន​ហានិភ័យ​នៃ​ការវិវត្ត​រោគសញ្ញា​កូវី​ដ​១៩​ធ្ងន់ធ្ងរ​

​ប្រែ​សម្រួល : កញ្ញា​ដា​លី​ស​/ ដេលី​មែ​ល ៖ ការសិក្សា​មួយ​អះអាងថា ការជក់បារី​បង្កើន​ហានិភ័យ​ទ្វេដង​នៃ​ការវិវត្ត​មេរោគ​កូរ៉ូណា​ធ្ងន់ធ្ងរ និង​ត្រូវការ​សម្រាក​ព្យាបាល​នៅ​មន្ទីរពេទ្យ​។​

​ការស្រាវជ្រាវ​នេះ​ផ្តល់​នូវ​ភស្តុតាង​កាត់សេចក្តី​ដំបូងបង្អស់​ផ្អែក​លើ​ទិន្នន័យ​ជាក់ស្តែង ដែល​បង្ហាញ​ថា​ការជក់បារី​ធ្វើឱ្យ​មនុស្ស​មាន​ហានិភ័យ​ខ្ពស់​ក្នុង​ការ​ធ្លាក់ខ្លួន​ឈឺធ្ងន់ធ្ងរ​ជាង​អ្នក​មិន​ជក់បារី​។ អ្នក​ជក់​​បារី​មាន​ឱកាស ១៤ ភាគរយ​ក្នុង​ការវិវត្ត​រោគសញ្ញា​សំខាន់​បី​នៃ​ជំងឺ​កូវី​ដ​១៩ ដូចជា គ្រុ​នក្តៅ ក្អក​ឥត​ឈប់ និង ដង្ហើម​ខ្លី​។​

​ប៉ុន្តែ​អ្នក​ជក់បារី​ក៏​មាន​ហានិភ័យ​ខ្ពស់ ៥០ ភាគរយ​ក្នុង​ការវិវត្ត​ទៅរក​រោគសញ្ញា​លើសពី ១០ ក្នុងពេល​តែមួយ​ផងដែរ រួមមាន ក្អក គ្រុ​នក្តៅ បាត់បង់​ឃានវិញ្ញាណ បាត់បង់​ចំណង់​អាហារ រាគ​រូស អស់កម្លាំង​ល្ហិតល្ហៃ វង្វេងស្មារតី ឬ ឈឺ​សាច់ដុំ ជាង​អ្នក​ដែល​មិន​ជក់បារី​សោះ​។​

​អ្នកជំនាញ​ជឿថា ការវិវត្ត​នៃ​រោគសញ្ញា​ច្រើន​បែប​នេះ​ជារឿយៗ​គឺ​បង្ហាញ​ពី​ការឆ្លង​មេរោគ​កាន់តែ​ធ្ងន់ធ្ងរ​។​

​ទិន្នន័យ​ត្រូវបាន​ប្រមូល​ពី​ជនជាតិ​អង់គ្លេស​រាប់លាន​នាក់​តាមរយៈ​កម្មវិធី​ស្មា​ត​ហ្វូន ZOE របស់​សាកលវិទ្យាល័យ​ឃី​ង​ស៍​ខូលិច​ឡុន​ដុន​។​

​ការរកឃើញ ដែល​ចេញផ្សាយ​នៅក្នុង​ទស្សនា​វ​ដ្តី Thorax គឺ​ផ្ទុយស្រឡះ​ពី​ការសិក្សា​មុនៗ ដែល​ភាគច្រើន​បាន​រកឃើញថា​អ្នក​ជក់បារី​ហាក់​មិន​ងាយ​ឆ្លង​មេរោគ​កូរ៉ូណាឬ​ធ្លាក់ខ្លួន​ឈឺធ្ងន់ធ្ងរ​នោះទេ​៕

​អ្នក​ជក់​បារី​មាន​ឱកាស ១៤ ភាគរយ​ក្នុង​ការវិវត្ត​រោគសញ្ញា​សំខាន់​បី​នៃ​ជំងឺ​កូវី​ដ​១៩ ដូចជា គ្រុ​នក្តៅ ក្អក​ឥត​ឈប់ និង ដង្ហើម​ខ្លី​

ទីតាំងផ្សាយពាណិជ្ជកម្ម

- Advertisment -

Most Popular