គីម​កា​ដា​សៀន​និង​កេន​យ៉េ វេស​កំពុង​ឈ្លោះ​គ្នា​ដណ្តើម​ភូមិគ្រឹះ​តម្លៃ​៦០​លាន​ដុល្លារ

​ប្រែ​សម្រួល : កញ្ញា​ដា​លី​ស ៖ នាង គីម កា​ដា​សៀន និង លោក កេន​យ៉េ វេស មាន​ទ្រព្យសម្បត្តិ​រួមគ្នា​ចំនួន ២,២ ពាន់​លាន​ដុល្លារ​ដែល​អ្នក​ទាំង​ពីរ​អា​ចនឹង​ឈ្លោះ​ដណ្តើម​គ្នា​ចំ​ពេល​មាន​របាយការណ៍​​អំពី​ការ​លែងលះគ្នា​នា​ពេល​ឆាប់ៗ​ខាងមុខនេះ​។​

​ហើយ​សញ្ញា​សួរ​ដ៏​ធំ​បំផុត​មួយ​នៅក្នុង​ការ​លែងលះ​ដែល​បាន​រាយការណ៍​គឺថា​អ្នក​ណា​នឹង​ទទួលបាន​ភូមិគ្រឹះ​ទំហំ ១.៤៥៥ ម៉ែត្រការ៉េ​នៅក្នុង​តំបន់​ផ្តាច់មុខ “​កាឡា​បា​សាស​” នៅ​ជើងភ្នំ​ហ៊ី​ដ​ដិន​ហ៊ីល​។​

​តារា​ទូរទស្សន៍​អាយុ ៤០ ឆ្នាំ​និង​តារាចម្រៀង​រ៉ែ​ប​អាយុ ៤៣ ឆ្នាំ​បាន​ទិញ​ផ្ទះ​នេះ ដែល​ធ្លាប់​ជា​កម្មសិទ្ធិ​របស់​លោក​ស្រី​លីហ្សា ម៉ា​រី ប្រេ​ស្លី កាលពី​ឆ្នាំ ២០១៤ ក្នុងតម្លៃ ២០​លាន​ដុល្លារ​ហើយ​បាន​ចំណាយ​​ពេល​រស់​នៅ​ទីនោះ​ជាមួយគ្នា ៣ ឆ្នាំ និង​ចំណាយ​បន្ថែម ២០ លាន​ដុល្លារ​ទៀត​ដើម្បី​ជួសជុល​វា​។ ឥឡូវ​នេះ​វា​មានតម្លៃ ៦០ លាន​ដុល្លារ​។​

​ប្តី​ប្រពន្ធ​ដែល​មាន​អំណាច​ទាំង​ពីរ​ត្រូវ​គេ​និយាយ​ថា​កំពុង​ឆ្ពោះទៅ​រក​ការ​លែងលះគ្នា ដោយ​នាង​គីម​បាន​ជួល​មេធាវី​ល្បីល្បាញ ឡូ​រ៉ា វ៉ាស​សឺ រួចហើយ​។​

​វេបសាយ Us Weekly ថែមទាំង​បាន​អះអាងថា នាង​គីម​បាន​ជួល​មេធាវី​ខាង​ដោះស្រាយ​ករណី​លែងលះ​ដ៏​ល្បីល្បាញ​រូប​នេះ​អស់​រយៈពេល​ជា​ច្រើន​ខែ​មក​ហើយ​។​

​ប្រភព​មួយ​បាន​ប្រាប់​វេបសាយ Page Six ថា “​នាង​គីម​ចង់​ឱ្យ​ការដោះស្រាយ​ករណី​លែងលះ​បានបញ្ចប់​មុន​ពេល​ដាក់​បណ្តឹង​លែងលះ​ជា​ផ្លូវការ​។ ការចរចា​អំពី​ដំណោះស្រាយ​កំពុង​បន្ត​។​នាង​គីម​ចង់​​គ្រប់គ្រង​យុទ្ធនាការ​ផ្សព្វផ្សាយ​ការ​លែងលះ ហើយ​នាង​មិនទាន់​បាន​ឃើញ​ការ​លេច​ធ្លាយ​របាយការណ៍​លែងលះ​តាម​អន​ឡាញ​នៅឡើយ​ទេ​។ ​នាង​គីម​កំពុង​ព្យាយាម​ធ្វើឱ្យកេន​យ៉េ​ប្រគល់​ផ្ទះ​នៅ​កាឡា​បា​សាស​ឱ្យ​នាង ពី​ព្រោះ​នោះ​ជា​កន្លែង​ដែល​ក្មេងៗ​ស្នាក់នៅ​និង​ធំធាត់​ឡើង​។ នោះ​ជា​ផ្ទះ​របស់​ពួកគេ​”​។​

​មនុស្ស​ផ្ទៃក្នុង​ម្នាក់​នោះ​បន្តថា “​ការ​លែងលះ​គ្នា​កំពុង​តែ​កើត​ឡើង​ដោយសារតែ​គីម​ឯករាជ្យ​ខ្លួនឯង​ច្រើនឡើង​។ នាង​កំពុង​យកចិត្តទុកដាក់​ប្រឡង​ច្បាប់​និង​ក្លាយ​ជា​មេធាវី​។​នាង​កំពុង​យកចិត្ត​​ទុកដាក់​យ៉ាងខ្លាំង​ចំពោះ​យុទ្ធនាការ​កែទម្រង់​ពន្ធនាគារ​។ ទន្ទឹមនឹងនេះ​ដែរ កេន​យ៉េកំ​ពុង​និយាយ​អំពី​ការ​ឈរ​ឈ្មោះ​ធ្វើ​ជា​ប្រធានាធិបតី និង​និយាយ​រឿង​ឆ្កួតៗ​ហើយ​នាង​ឆ្អែតឆ្អន់​គ្រប់គ្រាន់​ហើយ​​ចំពោះ​រឿង​នេះ​”៕

​កេន​យ៉េនិ​ង​កា​ដាសៀន​កំពុងដណ្តើម​ផ្ទះ​តម្លៃ​៦០​លាន​ដុល្លារ​នៅ​តំបន់ “​កាឡា​បា​សាស​”

ទីតាំងផ្សាយពាណិជ្ជកម្ម

- Advertisment -



Most Popular