លោកស្រី​ប៉េ​ឡូ​ស៊ី ប្រាប់​ទៅ​អនុ​ប្រធានាធិបតី​អោយប្រើ​ច្បាប់​បណ្តេញ​ត្រាំ​ភ្លាម ក្រោយ​ការបះបោរ​ប្រដាប់អាវុធ​ប្រឆាំង​នឹង​អាម៉េរិក​

ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រធាន​សភា​លោក​ស្រី​ណាន់​ស៊ី ប៉េ​ឡូ​ស៊ី​បាន​និយាយ​ថា​ប្រធានាធិបតី​ដូណាល់​ត្រាំ​គួរតែ​ត្រូវបាន​ដកចេញ​ពី​តំណែង​ជាបន្ទាន់​ឬ​សភា​អាច​បន្ត​នីតិវិធី​ចោទ​​ប្រកាន់​រូបគាត់​។​

​លោកស្រី​ប៉េ​ឡូ​ស៊ី​បាន​ចូលរួម​ជាមួយ​អ្នក​ដែល​អំពាវនាវ​អោយ​ក្រុម​សមាជិក​គណៈរដ្ឋមន្ត្រី​បច្ចុប្បន្ន​ដឹកនាំ​ដោយ​អនុ​ប្រធានាធិបតី ម៉ៃ ផេន​យកមកប្រើ​នូវ​វិសោធនកម្ម​លើកទី ២៥​ដើម្បី​បង្ខំ​ឱ្យ​លោក​ត្រាំ​​ចុះចេញ​ពី​តំណែង​។​

​រឿង​នេះ​កើតឡើង​មួយ​ថ្ងៃ​បន្ទាប់ពី​ហ្វូង​អ្នកគាំទ្រ​ដ៏​ឃោរឃៅ​របស់លោក​ត្រាំ​បាន​សម្រុកចូល​វិមាន​កា​ពី​តូ​ល​ដោយ​បង្ខំ​ឱ្យ​អគារ​នេះ​ត្រូវ​ចាក់សោ​បិទទ្វារ​។ លោក​ត្រាំ​បាន​ហៅ​ពួកគេ​ថា​ជា “​មនុស្ស​ពិសេស​” ហើយ​និយាយ​ថា​គាត់​ស្រឡាញ់​ពួកគេ​។​

​លោកស្រី​ប៉េ​ឡូ​ស៊ី​និយាយ​នៅ​ឯ​វិមាន​កា​ពី​តូ​ល​កាលពី​ថ្ងៃ​ព្រហស្បតិ៍​ថា​”​ប្រធានាធិបតី​អាម៉េរិក​ញុះញង់​ឱ្យ​មាន​ការបះបោរ​ប្រដាប់អាវុធ​ប្រឆាំង​នឹង​អាម៉េរិក​។​គាត់​អាច​បង្ក​គ្រោះថ្នាក់​បន្ថែមទៀត​ដល់​​ប្រទេស​នេះ ៖ “​ថ្ងៃ​ណាមួយ​ច្បាស់​ជា​មាន​ឈុត​ឆាក​ដ៏​រន្ធត់​សម្រាប់​អាម៉េរិក​”​។​

​សមាជិក​សភា​បក្ស​ប្រជាធិបតេយ្យ​និង​គណបក្ស​សាធារណរដ្ឋ​មួយចំនួន​ចង់​ឱ្យ​ដក​លោក​ត្រាំ​មុន​អាណត្តិ​របស់​លោក​នឹង​បញ្ចប់​នៅ​ថ្ងៃទី ២០ ខែ​មករា​ស្របពេល​លោកចូ បៃ​ដិន​សម្ពោធ​កាន់តំណែង​។​

​វិសោធនកម្ម​លើ​ក​ទី ២៥ អនុញ្ញាត​ឱ្យ​អនុ​ប្រធានាធិបតី​និង​គណៈរដ្ឋមន្ត្រី​ភាគច្រើន​ប្រកាសថា​ប្រធានាធិបតី​មិន​សម​នឹង​តំណែង​។ អនុ​ប្រធានាធិបតី​ពេល​នោះ​នឹង​ក្លាយ​ជា​ប្រធានាធិបតី​ស្តីទី​៕

​លោកស្រី​ប៉េ​ឡូ​ស៊ី​ប្រាប់​លោក​ម៉ៃ ផេន(ឆ្វេងលើ) អោយប្រើ​អំណាច​របស់​លោក​ជា អនុ​ប្រធានាធិបតី ដើម្បី​ដក​ត្រាំ​ចេញពី​តំណែង​

ទីតាំងផ្សាយពាណិជ្ជកម្ម

- Advertisment -

Most Popular