Home ព័ត៌មានជាតិ សន្តិសុខ បញ្ជូន​អ្នក​ប...

បញ្ជូន​អ្នក​បើកឡាន ដឹក​ជនដៃដល់ បាញ់សម្លាប់ នាយរង​ការិយាល័យ ព្រហ្មទណ្ឌ​កម្រិត ស្រាល មក​តុលាការ​

ដោយៈ ស​រិ​ទ្ធ​/ ភ្នំពេញៈ អ្នក​បើកឡាន ដឹក​ជនដៃដល់ បាញ់សម្លាប់​លោក រ៉េត ស៊ី​ណែ​ត នាយរង​ការិយាល័យ ព្រហ្មទណ្ឌ​កម្រិត​ស្រាល ត្រូវបាន​សមត្ថកិច្ច បញ្ជូនមក​អយ្យការ អម​សាលាដំបូង រាជធានី​ភ្នំពេញ នៅ​ថ្ងៃទី​៨ ខែមករា ឆ្នាំ​២០២១ នេះ ដើម្បី​ចាត់ការ​តាមច្បាប់ ។​

​លោក គុជ គឹម​ឡុង អ្នកនាំពាក្យ​អយ្យការ អម​សាលាដំបូង រាជធានី​ភ្នំពេញ បាន​ថ្លែងថាៈ ជនសង្ស័យ​រូបនេះ ត្រូវបាន​លោក ឆាយ ហុង ព្រះរាជអាជ្ញារង អម​សាលាដំបូង រាជធានី​ភ្នំពេញ ចោទប្រកាន់​ពីបទ សមគំនិត ក្នុង​អំពើ​ឃាតកម្ម និង ជួញដូរ​គ្រឿងញៀន រួច​បញ្ជូន​សំណុំ​រឿងនេះ ទៅ​ចៅក្រម​ស៊ើបសួរ ចាត់ការ​បន្ត តាម​នីតិវិធី ។ ទោះបីយ៉ាងណា ជនដៃដល់ ដែល​បាញ់សម្លាប់​ជនរងគ្រោះ សមត្ថកិច្ច ពុំទាន់​ចាប់ខ្លួន បាន​នៅឡើយ​ទេ ។ អ្នក​បើកឡាន រូបនេះ ឈ្មោះ កែ ចាន់​មាន រស់នៅ​ចំណុច​ផ្ទះជួល ជិត​ប​ច្ឆា​វត្ត​ទួល​តា​ឯក ស្ថិតក្នុង​ភូមិ​អូរ​តា​គាំ​១ សង្កាត់​ទួល​តា​ឯក ក្រុង​បាត់ដំបង ។​

​តាម​ចម្លើយ​យ​សារភាព​បឋម របស់​ឈ្មោះ កែ ចាន់​មាន បានអោយដឹងថាៈ កាលពី​យប់ ថ្ងៃទី​២៩ ខែធ្នូ ឆ្នាំ​២០២០ ខ្លួន​បាន​ចេញពី​ផឹកស៊ី ហើយ​បាន​បើករថយន្ត ខាងលើ ជូន​ឈ្មោះ រ៉េ​ន ទៅផ្ទះ​នៅ​ម្តុំ​កំបូល ទាំង​ស្រវឹង ។ ពេលមកដល់​កន្លែងកើតហេតុ ខ្លួន​បាន​បើករថយន្ត បុក​គូថ​រថយន្ត ជនរងគ្រោះ​ពីក្រោយ ។ បន្ទាប់មក ជនរងគ្រោះ បាន​បើក​ករ​ថយ​ន្ក កាក់​រថយន្ត​ខ្លួន និង​បាន​យក​អាវុធខ្លី ភ្ជង់​ខ្លួន ដើម្បីអោយ​អែប​កៀន ព្រមទាំង​ប្រើពាក្យ​សម្តី ជេរប្រមាថ មកលើ​ខ្លួន​ទៀតផង ទើប​ឈ្មោះ រ៉េ​ន មាន​កំហឹង ហើយ​ប្រាប់​ខ្លួន​អោយនៅ ស្ងៀម ចាំ​ធ្វើ​តែ​តាម​ឈ្មោះ រ៉េ​ន ប្រាប់​បាន​ហើយ ។​

​ពេល​កំពុង​ចរចារ​គ្នា រឿង​គ្រោះថ្នាក់​ចរាច​ណ៍ ខាងលើ ដោយ​ឃើញ​ជនរងគ្រោះ​ធ្វេស ប្រហែស ឈ្មោះ រ៉េ​ន ក៏បាន​ដក​អាវុធខ្លី ដែល​សៀត​នៅ​នឹង​ចង្កេះ បាញ់​ទៅលើ​ជនរងគ្រោះ រួច​ប្រាប់​ឲ្យ​ខ្លួន បើ​កក​រថយន្ត គេច​ពី​កន្លែងកើតហេតុ តែម្តង ។​

​សូមបញ្ជាក់ថា អំពើ​បាញ់ប្រហារ​នេះ បានកើត​ឡើង កាលពី​វេលា​ម៉ោង ១២ និង ០៥​នាទី រំលងអធ្រាត្រ ឈានចូល​ថ្ងៃទី​៣០ ខែធ្នូ ឆ្នាំ​២០២០ នៅ​ចំណុច​មហាវិថី សហព័ទ្ធ​រុស្ស៊ី ភូមិ​ក្បាលដំរី​២ សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular