ដោយសារ​ពុក​គល់ អាជ្ញាធរ​រាជធានី នឹង​កាប់​ដើមឈើ ៣​ដើម នៅលើ​សួន​កាណាឌីយ៉ា នៅក្នុង​សប្តាហ៍​ក្រោុយ

ដោយៈ រ៉ា​ម៉ន / ភ្នំពេញៈ ដើមឈើ​ធំៗ​ជាច្រើន​ដើម នៅលើ​សួន​កាណាឌីយ៉ា​នៅមុខ មន្ទីរពេទ្យ អង្គឌួង ស្ថិតក្នុង​ខណ្ឌដូនពេញ មាន​អាយុកាល​ជាង ៣០០ ឆ្នាំ​ហើយ​ហើយ​ក្នុង ចំនួន​នេះ ដើមឈើ​ចំនួន ៣ ដើម អាជ្ញាធរ​រាជធានី ដោយមាន​ការឯកភាព​ពី ក្រសួងកសិកម្ម រុក្ខាប្រមាញ់ និង​នេសាទ គ្រោង​នឹង​កាប់​យកចេញ នៅក្នុង​សសប្តាហ៍ក្រោយ​ដោយសារតែ ដើមឈើ​ទាំង ៣​ដើម​នេះ ពុក​គល់ ប្រហោង​ក្នុង ទុក​យូ​ទៅ​នឹងមាន​ហានិភ័យ​ដល់​ប្រជា ពលរដ្ឋ ជា​អ្នកដំណើរ ។​

​លោក សំ សាមុត ប្រធាន​អង្គភាព​សួនច្បារ និង​រុក្ខជាតិ នៃ​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ បានឱ្យដឹង នៅ​ព្រឹក​ថ្ងៃទី​៨ មករា​នេះ​ថាៈ ដើម​ឈឺ​ធំៗ នៅ​សួន​កាណាឌីយ៉ា មុខ​មន្ទីរពេទ្យ​ព្រះអង្គ​ឌួង​នេះ មាន​ចំនួន​ប្រមាណ ៥០ ដើម និង​មាន​អាយុកាល ប្រមាណ​ជា ជាង ៣០០ ឆ្នាំ​មកហើយ ហើយ​ក្នុង​ចំនួន​ដើមឈើ​ធំៗ​ទាំងនេះ អាជ្ញាធរ​រាជធានី​ភ្នំពេញ ដោយមាន​ការឯកភាព ពី​ក្រសួងកសិកម្ម រុក្ខាប្រមាញ់ និង​នេសាទ គ្រោង​នឹង​កាប់​យកចេញ នៅក្នុង​សប្តាហ៍​នេះ ដោយសារតែ​ដើមឈើ ទាំង​៣​ដើម​នោះ ពុក​គល់ ប្រហោង​ក្នុង ដើម្បី​កុំ​ឲ្យ​គ្រោះថ្នាក់ ដល់​ប្រជាពលរដ្ឋ ជា​អ្នកដំណើរ ជាយថាហេតុ​។ ក្រោយពី​កាប់​យក ចេញ​ហើយ អាជ្ញាធរ​រាជធានី​ភ្នំពេញ និង​ដាំ​ដើមឈើ​ថ្មី ជំនួស​វិញ​។ ចំណែក​ដើមឈើ ដែល​នៅសល់ ក្រៅពី​បី​ដើម​នេះ អង្គភាព​របស់លោក នឹង​កាត់​ក្រី (​លះ​មែក​ចេញ​) ផងដែរ ដើម្បី​កាត់បន្ថយ​ទម្ងន់​ដើមឈើ ហើយក៏​ជាការ​លើក​សោភ័ណភាព រាជធានី​ភ្នំពេញ ឲ្យ​កាន់​តែមាន​សោភ័ណភាព ស្រស់បំព្រង​ផងដែរ ។​

​លោក សំ សាមុត ក៏បាន​បន្ថែមទៀតថាៈ សម្រាប់​ដើមឈើ នៅ​រមណីយដ្ឋាន​វត្តភ្នំ​វិញ គឺមាន​ចំនួន​ដើមឈើ សរុប​ប្រមាណ​ជា ៨០០ ដើម ហើយ​ដើមឈើ​ទាំងនេះ ភាគច្រើន គឺមាន​អាយុកាល ប្រមាណ​ជាង ៥០០ ឆ្នាំ​ហើយ ក្រោម​ការមើល​ថែទាំ ជាប្រចាំ ពី​អាជ្ញាធរ​រាជធានី​ភ្នំពេញ​។​

​គួរ​បញ្ជាក់ថា រាជធានី​ភ្នំពេញ ត្រូវបាន​កកើត ជា​លើកដំបូង នៅក្នុង​សតវត្សរ៍​ទី​១៥ ក្នុងអំឡុង រជ្ជកាល​ព្រះបាទ ស្រី​សុរិយោ​ព័រ (​ពញាយ៉ាត​) នៅពេលដែល​ព្រះ អង្គ បាន​បោះបង់ចោល រាជធានី​អង្គរ ហើយ​បានមក​សាងសង់ រាជធានី​ថ្មី មួយទៀត នៅ​ទួល​បា​សាន ក្នុង​ខេត្ត​ស្រី ស ឈរ ដែល​សព្វថ្ងៃ ត្រូវបាន​គេ​ស្គាល់​ថា ជា​ស្រុក​ស្រី​សន្ធរ ខេត្តកំពង់ចាម ។ ព្រះអង្គ បាន​គង់នៅ​ទីនោះ បានតែ​មួយឆ្នាំ​គត់ ដោយសារ​តែមាន​ទឹកជំនន់ រាល់រ​ដួ​វ​វស្សា ព្រះអង្គ បាន​ផ្លាស់ប្តូរ​រាជធានី ហើយ​បានមក​សាងសង់ រាជធានី​ថ្មី មួយទៀត​តាម​បណ្តោយ​មាត់ទន្លេ ចតុមុខ (​ទន្លេ​មុខ​បួន​) នៅក្នុង​ឆ្នាំ ១៤៣៤ ដែល​សព្វថ្ងៃ ជា​រាជធានី​ភ្នំពេញ នេះឯង​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular