Home ព័ត៌មានជាតិ សង្គម អំណោយ​អំពូល​ភ...

អំណោយ​អំពូល​ភ្លើង​សឡា​អបអរសាទរ​ទិវា​ជ័យជំនះ​៧ មករា​

​ដោយៈ​យោធិន​/​កណ្តាលៈព្រឹក​ថ្ងៃទី​៧ ខែមករា ឆ្នាំ​២០២១ ដែលជា​ទិវា​ប្រជាពលរដ្ឋ​កម្ពុជា​ក្នុង​ទូទាំងប្រទេស​រំ​ឮ​ក​ខួប​លើក​ទី​៤២ ថ្ងៃជ័យ​ជំនះ​៧ មករា​ក្នុងការ​ផ្តួលរំលំ​បន​ប្រល័យពូជសាសន៍​ប៉ុល នាយ​ឧ​ត្ត​ម​សេនីយ៍ សែម​សុវណ្ណនី អនុប្រធាន​គណៈកម្មាធិកា​រ​ជាតិ​និង​ជា​អគ្គនាយក​មជ្ឈមណ្ឌល​ជាតិ​គ្រប់គ្រង​កងកម្លាំង​រក្សា​សន្តិភាព​បោសសម្អាត​មីន​និង​កាកសំណល់​សង្គ្រាម បាន​អញ្ជើញ​ជា​អធិបតី​ក្នុង​ពិធី​កាត់​ខ្សែបូរ​សម្ពោធ​ដាក់​ឲ្យ​ប្រើប្រាស់​អំពូល​សឡាចំ​នួន​១៧០​ដើម​ស្ថិតក្នុង​មូលដ្ឋាន​អង្គស្នួល​ទី​៣ ដែលជា​ចំណងដៃ​ថ្មី​មួយទៀត​របស់​សម្តេច តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​ក​ម្ព​ជា​ជូន​ដល់​ប្រជាពលរដ្ឋ​ស្រុក​អង្គស្នួល​។​

​លោក​ឧ​ត្ត​ម​សេនីយ៍​ទោ លីវ​ណ្ណា​រ៉ា សមាជិក​ក្រុមការងារ​រាជរដ្ឋាភិបាល​ចុះ​មូលដ្ឋាន​ឃុំ​ពើក​បាន​បញ្ជាក់ថាៈ​អំពូល​ភ្លើង​សឡា​ខាងលើនេះ​ត្រូវបាន​ដាក់​អម​សងខាង​ផ្លូវ​ចាប់ពី​ដើមផ្លូវ​បំបែក​ផ្លូវជាតិ​លេខ​៤​ដែល​ឆ្លងកាត់​ភូមិ​អង្គស្នួល​ទី​៣ ភូមិ​ព្រៃ​ពពេល ឃុំ​ពើក និង​ឃុំ​ព្រៃ​ពួច ស្រុក​អង្គ​ស្នួ​ុ​ល ខេត្តកណ្តាល ដើម្បី​អបអរសាទរ​ខួប​ទី​៤២ នៃ​ទិវា​ជ័យ​ជំ​ន​:៧​មករា ។​

ពិធី​កាត់​ខ្សែបូរ​សម្ពោធ​ដាក់​ឲ្យ​ប្រើប្រាស់​អំពូល​ភ្លើង​សឡា​ប្រារព្ធ​ធ្វើឡើង​នា​ចំណុច​ផ្លូវបំបែក​ផ្លូវជាតិ​លេខ​៤​ទល់មុខ​ផ្សារ​អង្គស្នួល​ក្រោម​កិច្ច​សាទរ​ពី​ប្រជាពលរដ្ឋ​មូលដ្ឋានចំនួន​១១៧​នាក់ ក្នុងនោះ​ម្នាក់ៗ​ទទួលបាន​ក្រមា​១​ផងដែរ​៕-R

ទីតាំងផ្សាយពាណិជ្ជកម្ម

- Advertisment -

Most Popular