Home ព័ត៌មានសំខាន់ៗ សម្តេច ស ខេង​...

សម្តេច ស ខេង​៖គិតយក​គោលនយោបាយ​ភូមិ ឃុំ មាន​សុ​វត្ថិភាព​រៀបចំ​ជា​បុ​ព្វបទ​បំរើ​ឲ្យ​យុទ្ធនាការ​ឃោសនាបោះឆ្នោត​

ដោយៈ​តារា​រិ​ទ្ធ​/​ភ្នំពេញ​៖​សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​បានលើកឡើង​ថា​លោក​ចង់​រៀបចំ​គោលនយោបាយ ភូមិ ឃុំ សង្កាត់​មាន សុវត្ថិភាព ឲ្យ​ទៅជា​បុ​ព្វបទ​មួយ​សម្រាប់​បំរើ​ឲ្យ​យុទ្ធនាការ​ឃោសនាបោះឆ្នោត​នៅ​ឆ្នាំ​២០២២​និង​ឆ្នាំ​២០២៣ ខាងមុខ ។​សម្តេច​បាន​សង្កត់ធ្ងន់​ថា​ប្រសិនបើ​យើង​ធ្វើ​បានល្អ គោលនយោបាយ ភូមិ ឃុំ សង្កាត់​មាន​សុវត្ថិភាព​នេះ​គឺ​បានសេចក្តីថា​យើង​នឹង​ឈ្នះ​ដោយ​ស្រួល ។​

​សម្តេច​ក្រឡាហោម ស ខេង បានលើកឡើង​បែបនេះ​នៅក្នុង​កិច្ចប្រជុំ​ដើម្បី​ពិភាក្សា​កែសម្រួល​លក្ខណៈសម្បត្តិ​គោ លនយោបាយ​ភូមិ ឃុំ សង្កាត់​មាន​សុវត្ថិភាព​នៅ​ទីស្ដីការ ក្រសួងមហាផ្ទៃ នា​ព្រឹក​ថ្ងៃទី ៨ ខែ មករា ២០២១ នេះ​។​

​សម្តេច​ក្រឡាហោម​ស ខេង បាន​លើកឡើងថា​៖«​តាមពិតទៅ​ខ្ញុំ​មានគំនិត​វែងឆ្ងាយ​ចង់​រៀបចំ​គោ​លន​យោ​បាន​ភូមិ ឃុំ សង្កាត់​មាន​សុវត្ថិភាព​នេះ​ជា​បុ​ព្ធ​បទ​មួយ​បំរើ​ឲ្យ​យុទ្ធ នា​ការឃោសនាបោះឆ្នោត​ឆ្នាំ​២០២២​និង​ឆ្នាំ ២០២៣ ។ អញ្ចឹង​នាំគ្នា​ធ្វើទៅ​ធ្វើ​តែ​គោលនយោបាយ​ភូមិ ឃុំ សង្កាត់​មាន​សុវត្ថិភាព​នេះ​ឲ្យ​បានល្អ​ទៅ​និយាយ​តិច​ធ្វើ​ច្រើន​។​»

​យោងតាម​សេចក្ដីព្រាង​គោលនយោបាយ​ភូមិ ឃុំ សង្កាត់​មាន​សុវត្ថិភាពថ្មី​បានកំណត់​ល​ក្ខ​ណ​សម្បត្តិ៨​យ៉ាង​៖១. គ្មាន​បទល្មើស​គ្រប់​ប្រភេទ​ពិសេស​សកម្មភាព​លួច​ឆក់​ប្លន់ ។​២. គ្មាន​បទល្មើស​គ្រឿងញៀន​។ ៣. គ្មាន​អំពើ​អនា ចារ​គ្មាន​ការជួញដូរ​មនុស្ស ពិសេស​ស្ត្រី និង​កុមារ គ្មាន​អំពើហិង្សា​ក្នុង​គ្រួសារ គ្មាន​ក្មេង​ទំនើង​។ ៤. មាន​អនាម័យ​មាន សោ​ភណ្ឌ​ភាពល្អ​និង​បរិស្ថាន​ល្អ​។​៥. ឆ្លើយតបបាន​ទាន់ពេលវេលា​ចំពោះ​គ្រោះមហន្តរាយ​ករណី​ប្រធាន​សក្ដិ​និង​រាល់​ជ​ម្អឺ​ឆ្លង​រាតត្បាត​កាច​សាហាវ​ប្រកបដោយ​ប្រសិទ្ធភាព​ ។ ៦.ផ្ដល់​សេវា​រដ្ឋបាល​និង​សេវាសាធារណៈ​ប្រកប ដោយ ​គុណភាព តម្លាភាព​និង​ទទួលបាន​ជំនឿ​ទុកចិត្ត​។ ​៧. ដោះស្រាយ​វិវាទ​នៅ​មូលដ្ឋាន​ក្រៅ​ប្រព័ន្ធតុលាការ​ប្រកបដោយ គុណភាព​និង​ប្រសិទ្ធភាព​និង​ទី​៨.គ្មាន​គ្រោះថ្នាក់​ចរាចរណ៍​។​គោលនយោបាយ​ភូមិ ឃុំ មាន​សុវត្ថិភាពមុននេះមាន ៩ ចំណុច និង​មិនមានពាក្យសង្កាត់ទេ ។

​សម្តេច​ក្រឡាហោម​បាន​បន្តទៀតថា​៖«​យើង​មិនចាំបាច់​ទៅធ្វើ​ការឃោសនា​ច្រើន​នោះទេ​យើង​ធ្វើ​បានតែ​ប៉ុន្មាន​ចំណុច​នេះ ភូមិ ឃុំ សង្កាត់​មាន​សុវត្ថិភាព ដែល​ធ្វើ​ថ្មី​នេះ​គឺ ពេល​ឃោសនា​ស្រួល​ហើយ ព្រោះ​យើង​ធ្វើ​អស់ហើយ ដូចនេះ​ទោះបី​អ្នកឯង​មក​ធ្វើ​ក្រោយ​ក៏​មិន​លើស​ហ្នឹង​ដែរ​» ។

​សម្តេច​ក្រឡាហោម​បន្តទៀតថា យើង​បំរើសេវា​បានល្អ​និង​ការដោះស្រាយ​បញ្ហា​ទំនាស់​នៅ​មូលដ្ឋាន​តែ​ម្តងនេះ​ជា​ចំណុច​គន្លឹះ​សម្រាប់​យើង ។​

​សម្ដេច​ក្រឡាហោម ស ខេង ឧបនាយករដ្ឋមន្ត្រី​បាន​មានប្រសាសន៍​គូសបញ្ជាក់ថា​ពាក់ព័ន្ធ​នឹង​ការលើក​កម្រិត​ចេញ​ជា​គោលនយោបាយ​នេះ​គឺ​ដោយសារ​មាន​សំណូមពរ​និង គោលនយោបាយ​របស់​រា​ជ​រដ្ឋាភិបាល​ដូច្នេះ​ការងារ​នេះ​ត្រូវតែ​ធ្វើ​ឡើងជា​សមូហភាព​ដោយមាន​ស្ថាប័ន​ទាំងអស់​ចូលរួម​ដើម្បី​បាញ់​ឆ្ពោះទៅ​មូលដ្ឋាន​។​សម្ដេច​បន្តថា​ពេលនេះ យើង​សរសេរ​គោលនយោបាយ ភូមិ ឃុំ សង្កាត់​មាន​សុវត្ថិភាព ហើយ​ការ​ថែម​សង្កាត់​នេះ​គឺ​ដោយសារ​បណ្ដា​ក្រុង​តាម​ខេត្ត​ក៏មាន​សង្កាត់​ដែរ​ម្យ៉ាង​នៅ​រាជធានី​ភ្នំពេញ​ក៏មាន សង្កាត់​ដូចគ្នា​ដែរ ។ សម្ដេច​បន្តថា​គោលនយោបាយ​នេះ​បាន​សរសេរ​ច្បាស់ៗ​គ្មាន​ពាក្យ​បង្ការ​លុបបំបាត់ ឬ កាត់បន្ថយ​អ្វី​ទេ ។

​សម្ដេច​បាន​ពន្យល់​ទៀតថា​ការដាក់​ច្បាស់ៗ​នូវ​អ្វីដែល​ចង់បាន​ក្នុង​គោលនយោបាយ​នេះ​គឺ​ដើម្បី​បញ្ចប់​ភាពស្រពិចស្រពិល​ដូច្នេះ​គោលនយោបាយ​កែសម្រួល​នេះ​បានកំណត់ ឱ្យ​ច្បាស់​តែម្ដង​ដូចជា​ពាក្យ​គ្មាន​បទល្មើស​គ្រប់​ប្រភេទ ជាពិសេស​សកម្មភាព​លួច​ឆក់​ប្លន់ ឬ គ្មាន​បទល្មើស​គ្រឿងញៀន​ជាដើម ដោយមាន​ផ្នែក​បន្ទាប់​ពន្យល់​យ៉ាង​លម្អិត ។​

​យោងតាម​សេចក្ដីព្រាង​លក្ខណសម្បត្តិ​គោលនយោបាយ​ភូមិ ឃុំ​សង្កាត់​មាន​សុវត្ថិភាព​មាន​គោលបំណង​បន្ត​កសា ង​និង​ពង្រឹង​សន្តិសុខ​សណ្ដាប់ធ្នាប់​សង្គម​លើកកម្ពស់​អ​នាម័​យ បរិស្ថាន សុខមាលភាព​ប្រជាជន​និង​កាត់បន្ថយ​គ្រោះថ្នាក់​ដែល​បណ្ដាលមកពី​គ្រោះ​មហា​ន្ត​រាយ​និង​ជម្ងឺឆ្លង​រាតត្បាត​គ្រប់​កាលៈទេសៈ​ព្រមទាំង​លើកទឹកចិត្ត​ឱ្យមាន​ការ ដោះស្រាយ​វិវាទ​ក្រៅ​ប្រព័ន្ធតុលាការ​នៅ​មូលដ្ឋាន ។

​គ្រប់​ចំណុច​នៃ​គោលនយោបាយ​នេះ​គឺ​ដើម្បី​បង្ក​ភាពអនុគ្រោះ​ដល់​ដំណើរការ​អភិវឌ្ឍ​សេដ្ឋកិច្ច​សង្គមកិច្ច​នៅ​មូល ដ្ឋាន​និង​ឈានទៅ​បង្កើនល្បឿន​នៃ​ការកាត់បន្ថយ​ភាពក្រីក្រ ព្រមទាំង​កសាង​បានជា​កម្លាំង​សរុប​វិធាន​ការសរុប​និង​មធ្យោបាយ​សរុប​ដោយ​បំផុស​ឱ្យមាន​កិច្ចសហការ​ចូលរួម​ពី​ជាមួយ​សមត្ថកិច្ច​ផ្នែក​សាធារណៈ​ផ្នែក​ឯកជន​ផ្នែក​ពាក់ព័ន្ធ និង​ប្រជាជន​ទូទាំងប្រទេស ៕​

ទីតាំងផ្សាយពាណិជ្ជកម្ម

- Advertisment -



Most Popular