Home ព័ត៌មានជាតិ សន្តិសុខ ឃុំខ្លួន​ជនសង...

ឃុំខ្លួន​ជនសង្ស័យ​ម្នាក់​ដែល​លួងលោម​ក្មេងស្រី​អាយុ​១៤​ឆ្នាំទៅ​រួមភេទ​បានសម្រេច​ជាច្រើនលើក​

 

​ដោយៈ​ស​រិ​ទ្ធ​/​ឧ​ត្ត​រ​មានជ័យ​: ជនសង្ស័យ​ម្នាក់​ដែល​លួងលោម​ក្មេងស្រី​អាយុ​១៤​ឆ្នាំទៅ​រួមភេទ​បានសម្រេច​ជាច្រើនលើក​ត្រូវ​លោក​វេ​ង ហ៊ត់​ចៅក្រម​ស៊ើបសួរ​សាលាដំបូង​ខេត្ត​ឧ​ត្ត​រ​មានជ័យ​សម្រេច​ឃុំខ្លួន​ដាក់ពន្ធនាគារ​នៅ​រសៀល​ថ្ងៃទី​៧ ខែមករា ឆ្នាំ​២០២១​។​

​ជនសង្ស័យ​រូបនេះ​ឈ្មោះ ឡូត យ៉េ ភេទ​ប្រុស អាយុ ៤៤​ឆ្នាំ រស់នៅ​ភូមិ​ស្រះស្រង់ ឃុំ​គោក​ខ្ពស់ ស្រុក​បន្ទាយ​អំពិល ខេត្តឧត្ដរមានជ័យ​។​

​នគរបាល​ខេត្ត​ឧ​ត្ត​រ​មានជ័យ បាន​ឲ្យ​ដឹងថា កាលពី​ថ្ងៃទី​៦ ខែមករា ឆ្នាំ​២០២១ ក្រោយពី​ទទួល​ពាក្យបណ្ដឹង​ពី​ឈ្មោះ លន់ ឡា​ត់ ភេទ​ប្រុស អាយុ​៤៦​ឆ្នាំ រស់នៅ​ភូមិ​ស្រះស្រង់ ឃុំ​គោក​ខ្ពស់ ស្រុក​បន្ទាយ​អំពិល ខេត្ត​ឧ​ត្ត​រ​មានជ័យ (​ត្រូវជា​អ៊ុំ​ប្រុស​ជនរងគ្រោះ​) កម្លាំង​ជំនាញ​នៃ​អធិការដ្ឋាន​នគរបាល​ស្រុក​បន្ទាយ​អំពិល សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​គោក​ខ្ពស់ បានធ្វើការ​ស្រាវជ្រាវ​ឃាត់ខ្លួន​ជនសង្ស័យ ដែល​បានធ្វើ​សកម្មភាព​រំលោភ​សេពសន្ថវៈ ទៅលើ​ជន​រង​គ្រោ​អាយុ ១៤​ឆ្នាំ កាលពី​ថ្ងៃទី​៩ ខែសីហា ឆ្នាំ​២០២០ រហូតដល់​ថ្ងៃទី​២២ ខែវិច្ឆិកា ឆ្នាំ​២០២០ បានសម្រេច​ជាច្រើនលើក ។​

​បន្ទាប់ពី​ធ្វើការ​ឃាត់ខ្លួន​បាន ជនសង្ស័យ​ឈ្មោះ ឡូត យ៉េ បាន​ឆ្លើយ​សារភាព​នៅ​ចំពោះមុខ​សមត្ថកិច្ច​ថា​រូប​ខ្លួន​ពិតជា​បានរួម​ភេទ​ជាមួយ​ក្មេងស្រី​អាយុ​១៤​ឆ្នាំ បានសម្រេច​ជាច្រើន​ដង​ពិតប្រាកដ​មែន ដោយ​គិត​ចាប់ពី​អំឡុង​ខែសីហា ឆ្នាំ​២០២០ រហូតដល់ ខែធ្នូ ឆ្នាំ​២០២០៕-R


ទីតាំងផ្សាយពាណិជ្ជកម្ម

- Advertisment -

Most Popular