Home ព័ត៌មានសំខាន់ៗ ក្រសួង​អប់រំ ...

ក្រសួង​អប់រំ ចេញ​សេចក្តីប្រកាស ពី​ការបើក​បវេសនកាល ឆ្នាំ​សិក្សា ២០២០-២០២១ សម្រាប់​គ្រឹះស្ថានសិក្សា ចំណេះ​ទូទៅ​សាធារណៈ​

ដោយៈ ដេប៉ូ / ភ្នំពេញៈ នៅ​ថ្ងៃទី ៨ ខែមករា​ឆ្នាំ ២០២១ នេះ ក្រសួង​អប់រំ យុវជន និង​កីឡា បានចេញ​សេចក្តីប្រកាស​ព័ត៌មាន​មួយ ស្ដីពី​ការបើក​បវេសនកាល ឆ្នាំ​សិក្សា ២០២០-២០២១ សម្រាប់​គ្រឹះស្ថានសិក្សា ចំណេះ​ទូទៅ​សាធារណៈ ដែល​នឹង​ប្រព្រឹត្តទៅ នា​ថ្ងៃទី​១១ ខែមករា ឆ្នាំ​២០២១​។​

​យោងតាម​សេចក្តីប្រកាស​ព័ត៌មាន របស់​ក្រសួង​អប់រំ បានបញ្ជាក់​ថាៈ គ្រឹះស្ថានសិក្សា​សាធារណៈ នឹង​ចាប់ផ្តើម​អនុវត្ត បវេសនកាល​ឆ្នាំ​សិក្សា ២០២០-២០២១ នៅ​ថ្ងៃទី​១១ ខែមករា ឆ្នាំ​២០១១ ស្របតាម​ខ្លឹមសារ​លិខិត​លេខ ១១០៩.​ស ណ ចុះ​ថ្ងៃទី​២៩ ខែធ្នូ ឆ្នាំ​២០២០ របស់​ទីស្តីការគណៈរដ្ឋមន្ត្រី ។​

​ក្រសួង​អប់រំ បាន​បន្ត​ឱ្យដឹងថាៈ ក្នុង​ដំណើរការ ឆ្នាំ​សិក្សា​ថ្មី​នេះ ក្រសួង​បាន​ជំ​រុញឱ្យ​គ្រឹះស្ថាន សិក្សា​សាធារណៈ​ទាំងអស់ ឱ្យ​បន្ត​យកចិត្តទុកដាក់ លើ​ការអនុវត្ត​វិធានការ សុវត្ថិភាព​សុខភាព​សិក្សា តាមរយៈ​ការអនុវត្ត គោលការណ៍​ប្រតិបត្តិ​ស្តង់ដា (SOY) សម្រាប់​ដំណើរការ សាលារៀន​ឡើងវិញ ក្នុង​បរិបទ​កូ​វីដ​-១៩ និង​គោលការណ៍ ប្រតិបត្តិ​ស្តង់ដា​(SOP) ស្តីពី​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា សកម្មភាព​សិល្បៈ និង សេវា​អាហារ​ដ្ឋា​ន នៅតាម​គ្រឹះស្ថាន សិក្សា​សាធារណៈ និង​ឯកជន ក្នុង​បរិបទ​ជំងឺ​កូដ​-១៩​។​

​ជាមួយគ្នានេះ ក្រសួង​បានចេញ​សេចក្តីណែនាំ ស្តីពី​ការអនុវត្ត កម្មវិធីសិក្សា​បង្រួញ និង​កាលវិភាគ​សិក្សា សម្រាប់​គ្រឹះស្ថាន​ម​ត្តេ​យ្យ​សិក្សា ម​ត្តេ​យ្យ​សិក្សា សហគមន៍ គ្រឹះស្ថាន​បឋមសិក្សា និង​គ្រឹះស្ថាន​មធ្យមសិក្សា សាធារណៈ សម្រាប់​ឆ្នាំ​សិក្សា ២០២០-២០២១ ដោយ​ផ្តោតលើ​ការរៀបចំ សិស្ស​ក្នុង​ថ្នាក់ ការបែងចែក​កម្មវិធី​សិក្សា និង​មេរៀន​សិក្សា និង​ការអនុវត្ត​កម្មវិធី សិក្សា​បង្រួញ​។​

​ក្រសួង​អប់រំ បាន​បន្ត​ឱ្យដឹង​ដែរ​ថាៈ ដើម្បី​ធានា​ដំណើរការ គ្រឹះស្ថានសិក្សា​សាធារណៈ ប្រកបដោយ​ប្រសិទ្ធភាព និង​សុវត្ថិ ភាព​ក្នុង​បរិបទ​កូ​វីដ​.១៩ ព្រមទាំង​ចូលរួម​បង្ការ និង​ទប់ស្កាត់ ការរីក​រាលដាល នៃ​ជំងឺ​កូ​វីដ​១៩ ក្នុងអំឡុងពេល ការអនុវត្ត​វិធានការ​សុវត្ថិភាព​សិក្សា ក្នុង​បវេសនកាល ឆ្នាំ​សិក្សា ២០២០-២០២១ សម្រាប់​គ្រឹះស្ថានសិក្សា ចំណេះ​ទូទៅ​សាធារណៈ​។​

​តាមរយៈ​សេចក្តីប្រកាស​ព័ត៌មាន​នេះដែរ ក្រសួង​អប់រំ បាន​អំពាវនាវ​ឱ្យដល់ គណៈ​គ្រប់គ្រង​គ្រឹះស្ថានសិក្សា បុគ្គលិក​អប់រំ សាធារណជន មាតាបិតា អ្នកអាណាព្យាបាល និង​សិស្សានុសិស្ស ជ្រាប​ជា​ព័ត៌មាន និង​អនុវត្ត ឲ្យ​មាន​ប្រសិទ្ធភាព​ខ្ពស់​៕/V

ក្រសួង​អប់រំ ចេញ​សេចក្តីប្រកាស ពី​ការបើក​បវេសនកាល ឆ្នាំ​សិក្សា ២០២០-២០២១ សម្រាប់​គ្រឹះស្ថានសិក្សា ចំណេះ​ទូទៅ​សាធារណៈ​

ទីតាំងផ្សាយពាណិជ្ជកម្ម

- Advertisment -

Most Popular