Home ព័ត៌មានសំខាន់ៗ អ្នកស្រុក​សៀម...

អ្នកស្រុក​សៀម​ប៉ាង ជាង ២០០ គ្រួសារ រុះរើ​លំនៅ ដើម្បីឱ្យ​អាជ្ញាធរ អភិវឌ្ឍន៍​ទីប្រជុំជន​ស្រុក​

ដោយៈ ទេព មង្គល / ស្ទឹងត្រែងៈ អ្នកស្រុក​សៀម​ប៉ាង ជាង ២០០ គ្រួសារ កំពុង​រស់នៅ​តាម​ជួរ​មាត់ទន្លេ​សេកុង​នោះ បាន​ស្ម័គ្រចិត្ត រុះរើ​លំនៅ​របស់ខ្លួន ចាក​ចេញពី​តំបន់​នោះ ជា​បន្តបន្ទាប់​គ្នា ដើម្បី​រួមចំណែក​ជាមួយ​អាជ្ញាធរ​ដែនដី អភិវឌ្ឍន៍​ទីរួមស្រុក ឲ្យ​មាន​សោភ័ណភាព សំដៅ​ទាក់ទាញ​អ្នកទេសចរ​។​

​អ្នកស្រុក​ទាំងនោះ បាន​ប្រាប់​អ្នកសារព័ត៌មាន រស្មី​កម្ពុជា​ឱ្យដឹងថាៈ ក្រោយ​ទទួលបាន​សំណូមពរ ពី​អាជ្ញាធរ​ស្រុក​រួចមក អ្នកស្រុក​ទាំងអស់ បាន​យល់ព្រម នាំគ្នា​រុះរើ​ផ្ទះសម្បែង ចាក​ចេញពី​តំបន់ ជួរ​មាត់​ទ​ន្ល​សេកុង​នេះ ព្រោះ​នៅ​ខែវស្សា ម្តងៗ​ទឹក ទន្លេ​ឡើងមក​ខ្លាំង និង​ហូរ​ច្រោះ​បាក់​ដី បង្ករ​ឲ្យ​កើតមាន​ហា​នី​ភ័យ និង​រង​ផលប៉ះពាល់ ដល់ផ្ទះ​សម្បែង​ថែមទៀត ។ ពួកគាត់​គាំទ្រ​នូវ​គោលការណ៍ របស់​អាជ្ញាធរ​ស្រុក ដែល​ចង់បាន​តំបន់ ជួរ​មាត់ទន្លេ​នេះ អភិវឌ្ឍន៍ ព្រោះ​បើ​នាំគ្នា​បង្ខំ រស់នៅ​តទៅទៀត ក៍​គ្មាន​សុវត្ថិភាព​ដែរ ដោយសារ​ដី​ច្រាំងទន្លេ ចេះតែ​បាក់​ទៅ​បន្តិច​ម្តងៗ និង​បង្ករ​ឲ្យ​ខូច​ដល់​ផ្លូវថ្នល់ ថែម​ទៀតផង ។​

​លោក សំ ប៊ុនធិន អភិបាលរង​ស្រុក​សៀម​ប៉ាង បាន​មានប្រសាសន៍ថាៈ បញ្ហា​ប្រឈម​នេះ ពិតជា​បង្ករ​ការគ្រោះថ្នាក់ ខ្លាំងណាស់ ដល់​ប្រជាពលរដ្ឋ ដែល​អាស្រ័យ​លំនៅដ្ឋាន នៅតាម​ជួរ​មាត់ទន្លេ​នេះ ។ លោក​បាន​បន្តថាៈ នៅពេលដែល​ប្រជាពលរដ្ឋ និង​បងប្អូន អាជីវករ ព្រម​ផ្លាស់ប្តូរ​លំនៅ​ហើយ​នោះ អាជ្ញាធរ​ស្រុក នឹង​រៀបចំ​ទីតាំង តាម​ជួរ​មាត់​ទន្លេសេកុង​នេះ ឲ្យ​ប្រែ​ក្លាយទៅជា​សួនច្បារ កន្លែង​អង្គុយ​លំហែ កន្លែង​ហាត់ប្រាណ ជាដើម ដើម្បី​ឲ្យ​មាន សោភ័ណភាព​ស្អាត និង​លើកមុខ​មាត់​របស់​ស្រុក ក៏ដូចជា​ទាក់ទាញ​អ្នកទេសចរ ផងដែរ ។​

​សូមបញ្ជាក់ថាៈ ការផ្លាស់ប្តូរ​លំនៅ​នេះ ចំពោះ​ប្រជាពលរដ្ឋ និង​អាជីវករ ដែលមាន​លំនៅដ្ឋាន តាម​ជួរ​មាត់​ទន្លេសេកុង​នេះ គឺ​ក្រុមការងារ បាន​ដោះស្រាយ ផលប៉ះពាល់ ដោយបាន​ស្រង់​បញ្ជី​ឈ្មោះ រួចរាល់​ហើយ​នោះ អាជ្ញាធរ​ស្រុក នឹង​ផ្តល់​ដី​សម្បទាន​សង្គមកិច្ច ក្នុង​មួយ​គ្រួសារ ទទួលបាន​ក្បាលដី ស្មើនឹង ២៥ ម៉ែត្រ ជម្រៅ ៤៥ ម៉ែត្រ សម្រាប់​សាងសង់​លំនៅដ្ឋាន និង​មាន​រៀបចំ​ទីផ្សារ ឲ្យ​លក់ដូរ​ត្រឹមត្រូវ​៕/V​

អ្នកស្រុក​សៀម​ប៉ាង ជាង ២០០ គ្រួសារ រុះរើ​លំនៅ ដើម្បីឱ្យ​អាជ្ញាធរ អភិវឌ្ឍន៍​ទីប្រជុំជន​ស្រុក​

អ្នកស្រុក​សៀម​ប៉ាង ជាង ២០០ គ្រួសារ រុះរើ​លំនៅ ដើម្បីឱ្យ​អាជ្ញាធរ អភិវឌ្ឍន៍​ទីប្រជុំជន​ស្រុក​

អ្នកស្រុក​សៀម​ប៉ាង ជាង ២០០ គ្រួសារ រុះរើ​លំនៅ ដើម្បីឱ្យ​អាជ្ញាធរ អភិវឌ្ឍន៍​ទីប្រជុំជន​ស្រុក​

អ្នកស្រុក​សៀម​ប៉ាង ជាង ២០០ គ្រួសារ រុះរើ​លំនៅ ដើម្បីឱ្យ​អាជ្ញាធរ អភិវឌ្ឍន៍​ទីប្រជុំជន​ស្រុក​

ទីតាំងផ្សាយពាណិជ្ជកម្ម

- Advertisment -

Most Popular