Home ព័ត៌មានសំខាន់ៗ លី​ក​អឺរ៉ុប​ច...

លី​ក​អឺរ៉ុប​ចុង​សប្តាហ៍ ៖ Atl. Madrid, Barcelona, Real Madrid សង្ឃឹម​រកបាន​៣​ពិន្ទុ ខណៈ​នៅ​អង់គ្លេស​លេង FA Cup ជុំ​ទី​៣

​ប្រែ​សម្រួល : កញ្ញា​ដា​លី​ស​/​បាល់ទាត់ ៖ ការប្រកួត​បាល់ទាត់​លី​ក​កំពូល​តំបន់​អឺរ៉ុប​ចុង​សប្តាហ៍​បាន​ចូល​មក​ដល់​ទៀតហើយ ដោយ​មាន​ការប្រកួត​លី​ក​ធំៗ​ក្នុងប្រទេស​ដូចជា​បារាំង អេ​ស្ប៉ាញ អាល្លឺម៉ង់ និង អ៊ីតាលី ប៉ុន្តែ​នៅ​អង់គ្លេស​ចុង​សប្តាហ៍​នេះ​ពុំ​មាន​ការប្រកួត​លី​ក​ទេ គឺ​ជំនួស​វិញ​ដោយ​ការប្រកួត​ដណ្តើម​ពានរង្វាន់ FA Cup ជុំ​ទី​៣​។​

​ក្រុម​ដែល​រំពឹង​ទទួលបាន​៣​ពិន្ទុ​ចុង​សប្តាហ៍​នេះ​មានដូចជា Atl. Madrid, Barcelona, Real Madrid, Hoffenheim, Leverkusen, AC Milan, Juventus, Atalanta, PSG, Lyon និង Marseille​។

​ហើយ​គូ​សង្ឃឹម​ឈ្នះ​នៅ FA Cup មានដូចជា Everton, Leicester, Arsenal, Man Utd, Chelsea និង Man City​។​

​ថ្ងៃនេះ​យើង​សូម​លើកយក​៣​គូ​នៅ​លី​ក​កំពូ​លអេ​ស្ប៉ាញ​មក​វិភាគជូន​ដូចខា​ង​ក្រោម ៖

– La Liga : Atl. Madrid vs Bilbao ៖ Atl. Madrid ជា​ក្រុម​ល្អ​ដូច​ផ្កា​នៅ​រដូវ​កាល​នេះ​ក្នុង​លី​ក​កំពូល La Laga របស់អេ​ស្ប៉ាញ ដោយ​ឥឡូវ​ឈរ​នៅ​កំពូល​តារាង ត្បិត​នៅសល់​ពីរ​បី​ប្រកួត​នៅក្នុង​ដៃ និង​ទុក​ឱ្យ Real Madrid និង Barcelona ដេញតាម​ពីក្រោយ​ទាំង​ត្រដាបត្រដួស​។

​រដូវ​កាល ២០២០-២០២១ គឺជា​ឱកាស​ដែល​ក្រុម​របស់​លោក​ឌី​ហ្គោ ស៊ី​ម៉ូ​ណេ បង្កើត​ប្រវត្តិសាស្ត្រ​ដូច​រដូវ​កាល ២០១៣-១៤ ពេល​ពួកគេ​ដណ្តើម​យក​ជ័យជម្នះ​លើ​ក្រុម​យក្ស​ទាំងពីរ​របស់អេ​ស្ប៉ាញ​ដើម្បី​លើកពាន La Liga​។ មកទល់​ពេល​នេះ​ពួកគេ​ទើប​ចាញ់​១​ប្រកួត​គត់ ហើយ​ចាញ់​គូប្រជែង​ស្តេច​ស Real Madrid ទៀត​។ ១៥​ប្រកួត​មក​នេះ​ពួកគេ​របូត​តែ​៦​គ្រាប់​គត់ ខណៈ​ដែល​ក្រុម​ដទៃ​ទៀត​ក្នុង​លី​ក​កំពូ​លអេ​ស្ប៉ាញ​សុទ្ធតែ​របូត​លើសពី​១០​គ្រាប់​ឡើង​។

​ចំណែក Bilbao កំពុង​ធ្លាក់ចុះ​ទម្រង់​លេង​នៅ​ប៉ុន្មាន​ប្រកួត​ចុងក្រោយ ជា​ពិសេស​កំពុង​អន់​នៅ​ក្រៅ​ទឹកដី និង មាន​ប្រវត្តិ​មិន​ល្អ​នៅ​ទឹកដី​របស់ Atl. Madrid ទៀត​។ ដោយហេតុនេះ​ហើយ Atl. Madrid រំពឹង​ទទួល​ជ័យជម្នះ​យ៉ាងតិច​ក៏​២​គ្រាប់​ដែរ​។​

– La Liga : Granada vs Barcelona ៖ ក្រុម​អ្នក​មាន​បុណ្យ Barcelona ឆ្នាំ​នេះ​ធ្លាក់ចុះ​ទម្រង់​លេង​ចម្លែក​មិន​ធ្លាប់​មាន​ពីមុនមក ដោយ​ឈរ​នៅ​លេខ​៥​គិត​មក​ទល់​ឥឡូវ ខណៈ​សព្វមួយដង​ឱ្យតែ​ឈាន​ដល់​ពាក់កណ្តាល​រដូវ​ដូច្នេះ ពួកគេ​កំពុង​ឈរ​លើ​កំពូល​តារាង​ដាច់​ពិន្ទុ​យ៉ាងច្រើន​។

​កូនក្រុម​របស់​លោក​រ៉ូ​ណាល់ ខូ​មែន មិន​អាច​បន្ត​ជ្រុះ​ពិន្ទុ​តាម​ផ្លូវ​រហូត​ដល់​ចុង​រដូវ​កាល​បានទេ ពួកគេ​ត្រូវតែ​ធ្វើ​អ្វី​ម្យ៉ាង​ដើម្បី​ដើរ​លើ​វិថី​ឈ្នះៗ​វិញ​។ ដើម្បី​ធ្វើដូច្នេះបាន ពួកគេ​ត្រូវ​លេង​ឱ្យ​ល្អឥតខ្ចោះ​ដើម្បី​ស្តារ​ពិន្ទុ​ដែល​បាន​បាត់បង់​។

​ចុង​សប្តាហ៍​នេះ​ពួកគេ​លេង​ទល់នឹង​ក្រុម Granada ដែល​កំពុង​ធ្លាក់ចុះ​ទម្រង់​លេង​យ៉ាង​គំហ៊ុក​។ ពួកគេ​របូត​គ្រាប់​បាល់​ច្រើនសន្ធឹក និង មាន​ប្រវត្តិ​ខ្សោយ​បំផុត​ពេល​ប៉ះ​ក្រុម​អ្នក​មាន​បុណ្យ​។

​ដោយ​ពិចារណា​លើ​កត្តា​នេះ Barcelona រំពឹង​ទទួលបាន​ជ័យជម្នះ​យ៉ាង​អន់​ណាស់​ក៏​១​គ្រាប់​ដែរ​។

– La Liga : Osasuna vs Real Madrid ៖ Osasuna ស្ថិតក្នុង​ចំណោម​ក្រុម​យ៉ាប់​បំផុត​នៅ La Liga និង​ឈរ​នៅ​លេខ​២​រាប់​ពី​បាត​តារាង និង​ឈ្នះ​៣​ដង​ប៉ុណ្ណោះ​តាំង​ពី​បើក​រដូវ​កាល​មក​។

​ទន្ទឹមនេះ ស្តេច​ស Real Madrid គឺជា​ក្រុម​ការពារ​តំណែង​ជើងឯក​និង​ឈរ​នៅ​លេខ​២​តាម​ប្រកៀក​ប្រកិត​លេខ​១ Atl. Madrid ដែល​លើស​ខ្លួន​តែ​២​ពិន្ទុ​ប៉ុណ្ណោះ​។ ដូច្នេះ​ឱកាស​សម្រាប់​ស្តេច​ស​ដណ្តើមយក​៣​ពិន្ទុ​ចុង​សប្តាហ៍​នេះ​គឺ​មាន​ខ្ពស់បំផុត ពេល​ពួកគេ​ប៉ះ​ជាមួយ​ក្រុម​ដែល​កំពុង​អន់​ស្រាប់​។

​ដោយហេតុ​ថា Real Madrid មាន​ប្រវត្តិ​ល្អ​ជាមួយ Osasuna ពួក​គេ​រំពឹង​ឈ្នះ​យ៉ាងតិច​ក៏ ២ គ្រាប់​ដែរ​៕

​តារាង​ការប្រកួត​លី​ក​អឺរ៉ុប​ចុង​សប្តាហ៍ ៖

ទីតាំងផ្សាយពាណិជ្ជកម្ម

- Advertisment -

Most Popular