Home ព័ត៌មានអន្តរជាតិ ៦​នាក់​ស្លាប់...

៦​នាក់​ស្លាប់ និង​ជិត​៥​ម៉ឺន​នាក់​ត្រូវបាន​ជម្លៀស​ដោយ​ទឹក​ជំនន់​នៅ​ម៉ាឡេស៊ី​

​ប្រែ​សម្រួលៈ​វាសនា​/​គូ​ឡា​ឡាំ​ពួរ​៖​មនុស្ស​យ៉ាង​ហោច​ណាស់​៦​នាក់​បាន​ស្លាប់​និង​ជិត​៥០.០០០​នាក់​ត្រូវបាន​ជម្លៀស​នៅ​ម៉ាឡេស៊ី ក្រោយ​ពី​ភ្លៀង​រដូវវស្សា​ធ្លាក់​ស្រោច​ជោកជាំ​នៅ​តំបន់ឆ្នេរ​ខាងកើត​ប្រទេស​​ដែល​អ្នកស្រុក​ពណ៌នា​ថា​ជា​ជំនន់​អាក្រក់​បំផុត​នៅក្នុង​រយៈពេល​កន្លះ​សតវត្សរ៍​មក​នេះ​។​

​អាជ្ញាធរ​កាលពី​ថ្ងៃ​សុក្រ​បាន​បង្កើន​ប្រតិបត្តិការ​ជួយសង្គ្រោះ​ក្រោយពី​អ្នកស្រុក​ត្អូញត្អែរថា ពួកគេ​ត្រូវ​ពឹង​លើ​ខ្លួនឯង​ដើម្បី​ការពារ​ខ្លួន​នៅ​សប្តាហ៍​នេះ​។​

​ការ​ធ្លាក់ភ្លៀង​ខ្លាំង​បាន​បន្ត​វាយប្រហារ​តំបន់​នេះ​កាលពី​ថ្ងៃ​សុក្រ នាំ​អោយ​ប្រជាជន​បោះបង់​ចោល​ផ្ទះសម្បែង​កាន់តែ​ច្រើន​រហូត​ដល់​ជាង​៤៧.០០០​នាក់​។​

​ភ្លៀង​រដូវវស្សា​តែង​បង្ក​ការ​ជន់​លិច​និង​ជម្លៀស​មនុស្ស​ជា​រៀងរាល់ឆ្នាំ តែ​ពួក​អ្នកស្រុក​និយាយថា ជំនន់​នៅ​ឆ្នាំ​នេះ​មាន​សភាព​អាក្រក់​ខ្លាំង​បំផុត​ដែល​ពួកគេ​មិនដែល​ឃើញ​នៅ​ប៉ុន្មាន​ទសវត្សរ៍​មក​នេះ​។​

​ផ្លូវ​ជា​ច្រើន​រួម​ទាំង​ផ្លូវ​ជាតិ​ដែល​ភ្ជាប់​រដ្ឋ​ភាគ​ខាងកើត ត្រូវ​បាន​បិទ​ដោយសារ​ទឹក​ជន់​លិច​ជា​កង់ៗ​។​រងគ្រោះ​ខ្លាំង​ជា​គេ​គឺ​រដ្ឋ ប៉ា​ហាំង ដែលនាំអោយ​មាន​ការជម្លៀស​មនុស្ស​ប្រមាណ​២៧.០០០​នាក់​៕

​ភ្លៀង​រដូវវស្សា បង្ក​ការលិចលង់​តំបន់ឆ្នេរ​ខាងកើត​ម៉ាឡេស៊ី និង​បណ្តាលអោយ​ជម្លៀស​មនុស្ស​ជិត​៥០.០០០​នាក់​

 

ទីតាំងផ្សាយពាណិជ្ជកម្ម

- Advertisment -

Most Popular