លោក​ត្រាំ​នឹង​មិន​ចូលរួម​ពិធី​ស្បថ​ចូលកាន់​តំណែង​របស់​លោកបៃ​ដិន​ទេ

ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រធានាធិបតី​ដូណាល់ ត្រាំ បាន​និយាយ​កាលពី​ថ្ងៃ​សុក្រ​ថា​លោក​នឹង​មិន​ចូលរួម​ពិធី​សម្ពោធ​កាន់តំណែង​ជា​ផ្លូវការ​របស់​ប្រធានាធិបតី​ជាប់ឆ្នោត​ចូ បៃ​ដិន​ទេ ដោយ​បដិសេធ​មិន​បំពេញ​តួនាទី​ជា​ប្រពៃណី​របស់​ប្រធានាធិបតី​ដែល​ត្រៀម​ចុះចេញ​នៅក្នុង​ការផ្ទេរ​អំណាច​ដោ​យ​សន្តិវិធី ។​

​លោក​ត្រាំ ដែល​មិន​បាន​បង្ហាញខ្លួន​ជា​សាធារណៈ​ចាប់តាំងពី​ហ្វូង​អ្នកគាំទ្រ​ដ៏​ឃោរឃៅ​របស់គាត់​ឡោម​ព័ទ្ធ​វិមាន​កា​ពី​តូ​ល​កាលពី​ថ្ងៃ​ពុធ​និង​ព្យាយាម​បញ្ឈប់​ការផ្ទេរ​អំណាច​នោះ​នឹង​ក្លាយ​ជា​ប្រធា​​នា​ធិបតី​ក្នុង​តំណែង ដែល​មិន​បាន​ចូលរួម​ពិធី​បើកសម្ពោធ​ស្នង​តំណែង​ពី​គាត់​ចាប់តាំងពី​លោក អេន​ឌ្រូ ច​ន​សុន​។​

​លោកបៃ​ដិ​ននិយាយថា គាត់​មិន​មាន​បញ្ហា​អ្វី​ទាំងអស់​ជាមួយ​រឿង​នោះ ដោយ​ហៅ​វា​ថា​ជា “​រឿង​មួយ​ក្នុងចំណោម​រឿងរ៉ាវ​មួយចំនួន​តូច​ដែល​យើង​មិន​ឯកភាព​គ្នា​”​។​

​លោក​បាន​បន្ថែមថា “​វា​ជា​រឿង​ល្អ​ដែល​គាត់​មិន​បង្ហាញមុខ​” ដោយ​ហៅ​ប្រធានាធិបតី​នេះ​ថា​ជា “​ក្តី​អាម៉ាស​” ចំពោះ​ប្រទេសជាតិ​និង​មិន​ស័ក្តិសម​កាន់តំណែង​បន្ត​។​

​ជា​ប្រពៃណី​ប្រធានាធិបតី​ចូល​និង​ចេញពី​តំណែង​តែង​ជិះ​យានជំនិះ​ទៅកាន់​វិមាន​កា​ពី​តូ​ល​អាម៉េរិក​រួមគ្នា​នៅ​ថ្ងៃ​សម្ពោធ​កាន់តំណែង​ដើម្បី​ជា​ការបង្ហាញ​ឱ្យឃើញ​នូវ​ការផ្លាស់ប្តូរ​មេដឹកនាំ​យ៉ាង​រលូន​។​

​លោកបៃ​ដិ​ននឹង​ក្លាយ​ជា​ប្រធានាធិបតីនាថ្ងៃ​រសៀ​ល​ថ្ងៃទី ២០ ខែ​មករា​ដោយ​មិន​ខ្វល់​ថា​ត្រាំ​មាន​ផែនការ​អ្វី​នោះឡើយ​។​ប៉ុន្តែ​អវត្តមាន​របស់​លោក​ត្រាំ​គឺ​តំណាង​ឱ្យ​សកម្មភាព​ចុង​ក្រោយ​មួយ​នៃ​ការ​​ប្រឆាំង​នឹង​បទដ្ឋាន​និង​ទំនៀមទម្លាប់​របស់​ទីក្រុង​វ៉ាស៊ីនតោន​ដែល​គាត់​បាន​ប្រមាថមើលងាយ​រយៈពេល​បួន​ឆ្នាំ​មកនេះ​៕

​លោក​ត្រាំ​នឹង​មិន​ចូលរួម​ពិធី​ឡើងកាន់​តំណែង​របស់​លោកបៃ​ដិន​ទេ

ទីតាំងផ្សាយពាណិជ្ជកម្ម

- Advertisment -



Most Popular