Home ព័ត៌មានសំខាន់ៗ កូវី​ដ​១៩​នៅ​...

កូវី​ដ​១៩​នៅ​ថៃ​ឡើងដល់​១០.០០០​នាក់​នៅ​ពេល​២១២​នាក់​ទៀត​ឆ្លង​នៅថ្ងៃនេះ​

​ប្រែ​សម្រួលៈ​វាសនា​/​បាងកក​(​បាងកក​ប៉ុស្តិ៍​)៖​រដ្ឋាភិបាល​ថៃ​នៅ​ថ្ងៃ​សៅរ៍​នេះ​បាន​រាយការណ៍​ករណី​ឆ្លងកូវី​ដ​១៩​ថ្មី​ចំនួន​២១២​នាក់​បន្ថែមទៀត ក្នុងនេះ​១៨៧​នាក់​ឆ្លង​នៅក្នុង​ស្រុក និង​១៩​នាក់​ជា​អ្នកដំណើរ​​ចូលមក​ពី​ក្រៅ​ប្រទេស ។​ចំនួន​នេះ​ធ្វើអោយ​ថៃ​មាន​អ្នក​ឆ្លង​ជំងឺ​នេះ​សរុប​កើន​ដល់​១០.០៥៣​នាក់​។​

​ថៃ​កាលពី​ថ្ងៃ​សុក្រ​បាន​អះអាង​ថា​មនុស្ស​ឆ្លងកូវី​ដ​១៩​ថ្មី​មាន​ចំនួន​២០៥​នាក់ ក្នុងនោះ​១៣១​នាក់​ជា​ការឆ្លង​ក្នុងស្រុក​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩​ថៃ លោក ថា​វី​ស៊ី​ល វី​សានុ​យ៉ូ​ធី​ន បាន​និយាយថា ក្នុងចំណោម​អ្នក​ឆ្លង​ក្នុងស្រុក​ថ្មី​១៨៧​នាក់ ខេត្ត​សាមុត ប្រា​កាន មាន​អ្នក​ឆ្លង​ថ្មី​ច្រើនជាងគេ​គឺ​១២៤​នាក់ ខេត្ត​សាមុត សា​ខន​៤៦​នាក់ បន្ទាប់​មក​ក្រុង​បាងកក​មាន​២៧​នាក់ និង​ឈុន ប៊ូ​រី រក​ឃើញ​អ្នក​ឆ្លង​២៦​នាក់​។​

​លោក ថា​វី​ស៊ី​ល វី​សានុ​យ៉ូ​ធី​ន ក្នុងពេល​ជាមួយគ្នា​បាន​អំពាវនាវ​អោយ​ប្រជាជន​ថៃ​នាំ​គ្នា​ដោ​ន​ឡូត​(download)​ប្រើ​កម្មវិធី​តាមដាន​ចលនា​មនុស្ស Mor Chana​ដើម្បី​ជួយ​អាជ្ញាធរ​ក្នុង​ការគ្រប់គ្រង​វី​​រុស​កូរ៉ូណា​។​

​គិត​មក​ត្រឹម​ថ្ងៃ​សៅរ៍ ប្រជាជន​ថៃ​សរុប​១,៦៨​លាន​នាក់​បាន​ដោ​ន​ឡូត​ប្រើ​កម្មវិធី​នេះ​លើ​ស្មា​ត​ហ្វូន​របស់គេ​។​ការ​ដោ​ន​ឡូត​ប្រើ​កម្មវិធី​(app)​នេះ​ជា​កាតព្វកិច្ច​តំរូវ​នៅ​ខេត្ត​ឆ្លង​ខ្លាំង​ចំនួន​៥​។​

​ក្នុងចំណោម​ការឆ្លង​ជាង​មួយ​ម៉ឺន​នាក់​នេះ ៥.៥៤៦​នាក់​បាន​ជា រួមមាន​២៩១​នាក់​បាន​ជា​នៅ​២៤​ម៉ោង​កន្លងទៅ និង​៤.៤៤០​នាក់​ទៀត​កំពុង​នៅក្នុង​មន្ទីរពេទ្យ​ឬ មន្ទីរពេទ្យ​បណ្តោះអាសន្ន​។​អ្នកស្លាប់​​ដោយកូវី​ដ​១៩​នៅ​ថៃ នៅ​៦៧​នាក់​ដដែល​។​

​នៅ​ទូទាំង​ពិភពលោក កូវី​ដ​១៩​បាន​បន្ថែម​អ្នក​ឆ្លង​៨២៦.៣៦៥​នាក់​ទៀត​នៅ​២៤​ម៉ោង​មក​នេះ រហូត​ដល់​ចំនួន​៨៩,៣៥​លាន​នាក់ នៅពេល​ចំនួន​ស្លាប់​សរុប​កើន​ដល់​១,៩២​លាន​នាក់​បន្ទាប់​ពី​មាន​អ្នក​​ស្លាប់​ថ្មី​១៤.៧៨៨​នាក់​ទៀត​។​

​អាម៉េរិក​មាន​អ្នក​ឆ្លង​២២,៤៥​លាន​នាក់ ក្រោយ​កើន​ថែម​៣០១.៦៥៥​នាក់ និង​អ្នកជំងឺ​កូវី​ដ​១៩​ស្លាប់​ជា​មធ្យម​៤.០០០​នាក់​ក្នុង​មួយថ្ងៃ​។​ឥណ្ឌា​ជាប់​ចំណាត់ថ្នាក់​ទី​២ ជាមួយ​នឹង​អ្នក​ឆ្លង​សរុប​១០,៤៣​លាន​​នាក់​៕

​បុគ្គលិក​ពេទ្យ​ធ្វើតេស្តិ៍​រក​កូវី​ដ​១៩​លើ​កម្មករ​ចំណាកស្រុក​នៅ​ខេត្ត ផា​ធូ​ម ថា​នី កាលពី​ថ្ងៃ​សុក្រ​

ទីតាំងផ្សាយពាណិជ្ជកម្ម

- Advertisment -

Most Popular