Home ព័ត៌មានសំខាន់ៗ ​ការងារ​ក្រាល...

​ការងារ​ក្រាលកម្រាល សន្លឹក​ថ្ម​ក្រា​នី​ត ចិញ្ចើមផ្លូវ និង​សួន អនុវត្ត បានជាង៩៣ភាគរយ​


​ដោយៈ ប​.​ខុន / ភ្នំពេញៈ គម្រោង​សាងសង់​ផ្លូវ ៣៤ ខ្សែ នៅ​ខេត្ត​ព្រះសីហនុ សម្រាប់​ការងារ ក្រាលកម្រាល​សន្លឹក ថ្ម​ក្រា​នី​ត អនុវត្ត ៩៣,៤២ ភាគរយ នៃ​គម្រោង​ហើយ​។​

​លោក គួច ចំរើន អភិបាលខេត្ត​ព្រះសីហនុ បាន​ប្រាប់​ឱ្យ​រស្មី​កម្ពុជា ដឹង​នៅ​ថ្ងៃទី​៩ ខែមករានេះថាៈ ការងារ​រៀបចំ​កម្រាល​ក្រា​នី​ត គិត​មកដល់​ត្រឹម​ថ្ងៃទី​៨ ខែ មករា សម្រេចបាន ៩៣,៤២ ភាគរយ ហើយ​។​

​តាម​របាយការណ៍ នៃ​ការស្ថាបនា​ផ្លូវ ៣៤ ខ្សែ នៅ​ខេត្ត​ព្រះសីហនុ គិត​ត្រឹម​ថ្ងៃទី​៩ មករា សម្រេចបាន​លទ្ធផល ដូចជា ការងារ​ចាក់​បេតុង​ផ្លូវ សម្រេចបាន ១០០ ភាគរយ​, ការងារ​ដាក់លូ​តាមផ្លូវ សម្រេចបាន ១០០ ភាគរយ​, ការងារ​រៀបចំ​ប្រព័ន្ធ​លូ​រណប សម្រេចបាន ១០០ ភាគរយ , ការងារ​រៀប​ខឿន​ក្រា​នី​ត សម្រេចបាន ៩៣,៨៣ ភាគរយ​, ការងារ​រៀបចំ​កម្រាល សន្លឹក​ថ្ម​ក្រា​នី​ត សម្រេចបាន ៩៣,៤២ ភាគរយ​, ការងារ​ដំឡើង​បង្គោល​ភ្លើង តាម​ដងផ្លូវ​សម្រេចបាន ៩៨,០៥ ភាគរយ​, ការងារ​បំពាក់​អំពូល​ភ្លើង តាម​ដងផ្លូវ សម្រេចបាន ៩១,២៥ ភាគរយ ការងារ​ដាំ​ដើមឈើ និង​ផ្កាក្រដាស សម្រេចបាន ៨៦,១៩ ភាគរយ​។​

​រំលឹក​ឱ្យដឹងថាៈ ផ្លូវ​ចំនួន ៣៤ ខ្សែ ដែល​កំពុង​បន្ត​សាងសង់ នៅក្នុង​ខេត្ត​ព្រះសីហនុ មាន​ប្រវែង សរុប​ជាង ៨០ គីឡូម៉ែត្រ ធ្វើការ​សាងសង់ ដោយ​ក្រុមហ៊ុន ចំនួន ៨ រួមមាន ក្រុមហ៊ុន​ហេង​សម្បត្តិ ក្រុមហ៊ុន SCE ក្រុមហ៊ុន​សាជីវកម្ម ពិស្ណុការ​អន្តរជាតិ ក្រុមហ៊ុន K.B.H Construction Co.,LTD ក្រុមហ៊ុន VT Engineering Construction ក្រុមហ៊ុន​រ៉ូយ៉ាល​មេគង្គ ខន​ស្ត្រា​ក់សិន & ឌី​វើ​ឡុ​ប​មែន កងវិស្វកម្ម​សម្តេច​តេ​ជោ ហ៊ុន សែន សៀមរាប និង​កងវិស្វកម្ម លេខ ១៧៨ ស្ពាន ថ្នល់ នៃ​ក្រសួងការពារជាតិ​។​

​គម្រោង​ខាងលើនេះ បាន​បើក​ការដ្ឋាន ជា​ផ្លូវការ ក្រោម​អធិបតីភាព ដ៏​ខ្ពង់ខ្ពស់​របស់ សម្តេច​អ​គ្ក​មហា​សេនាបតី​តេ​ជោ ហ៊ុន សែន នាយករដ្ឋមន្ត្រី កាលពី​ថ្ងៃទី​១៦ ខែវិច្ឆិកា ឆ្នាំ​២០១៩ ជា​គម្រោង​លើកឡើង ដោយ​គណៈកម្មាធិការ​ជាតិ​គ្រប់គ្រង និង​អភិវឌ្ឍន៍ តំបន់ឆ្នេរ​សមុទ្រ​កម្ពុជា ដែលមាន​លោក ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និង​សំណង់ ជា​ប្រធាន​តាំងពី​ឆ្នាំ​២០១៨ ៕/V​/សរន

ទីតាំងផ្សាយពាណិជ្ជកម្ម

- Advertisment -

Most Popular