ដោយៈ ដកស្រង់ពីវចនានុក្រម សម្តេចសង្ឃរាជ ជួន ណាត
ពងក្រពើ
គុណសព្ទ
( ព. ប្រ. ) ដែលមានទ្រង់ទ្រាយស្រដៀងនឹងពងក្រពើ
ទ្រង់ពងក្រពើ, រាងពងក្រពើ ។
នាមសព្ទ
ឈ្មោះប្រអប់ឬស្មុគដែលមានរាងស្រដៀងនឹងពងក្រពើ
ប្រអប់ពងក្រពើ,ស្មុគពងក្រពើ ។
ពងក្អុក
គុណសព្ទ
( ព. ប្រ. ) ពាក្យសម្រាប់ហៅផ្លែក្រសាំង, ផ្លែខ្វិត, ផ្លែត្របែក, ពោតជាដើមដែលនៅខ្ចីមានសាច់ឬគ្រាប់សណ្ឋានស្រដៀងនឹងពងត្រីក្អុកឬពងខ្យង
ក្រសាំងពងក្អុក ឬ ក្រសាំងពងខ្យង, ពោតពងខ្យង ។
នាមសព្ទ
( ព. ប្រ. ) ពាក្យសម្រាប់ហៅផ្លែក្រសាំង, ផ្លែខ្វិត, ផ្លែត្របែក, ពោតជាដើមដែលនៅខ្ចីមានសាច់ឬគ្រាប់សណ្ឋានស្រដៀងនឹងពងត្រីក្អុកឬពងខ្យង
ក្រសាំងពងក្អុក ឬ ក្រសាំងពងខ្យង, ពោតពងខ្យង ។
ពងខ្យង
គុណសព្ទ
( ម. ព. ពងក្អុក ) ។
នាមសព្ទ
( ម. ព. ពងក្អុក ) ។
ពងចាប
នាមសព្ទ
( សព្ទអារក្ស ) ពាក្យមេមត់ហៅកូនខ្ចីឬកូនតូច ( ម. ព. ផ្កាឈូក និង ប្រាក្រឹត ផង ) ។
ពងត្រង
នាមសព្ទ
ឈ្មោះស្វាយមួយប្រភេទ ផ្លែរាងត្រមុលបន្តិច កាលនៅខ្ចីមានរសជូរខ្លាំង
ស្វាយពងត្រង ។
