Home ព័ត៌មានអន្តរជាតិ ៤​នាក់​ស្លាប់...

៤​នាក់​ស្លាប់​ក្នុង​ព្យុះ​ទឹកកក​នៅអេ​ស្ប៉ាញ នៅពេល​ក្រុង​ម៉ា​ឌ្រី​ត​ជួប​ការធ្លាក់​ព្រិល​ខ្លាំង​បំផុត​

​ប្រែ​សម្រួលៈ​វាសនា​/​ម៉ា​ឌ្រី​ត​៖​មនុស្ស​៤​នាក់​បាន​ស្លាប់​នៅអេ​ស្ប៉ាញ​នៅពេល​ព្យុះ​Filomena បាន​បង្កចលាចល​នៃ​ការធ្វើដំណើរ​នៅ​ទូទាំង​ប្រទេស ដោយ​ព្រិល​ដ៏​ក្រាស់​គ្រប​ទីក្រុង​ម៉ា​ឌ្រី​ត​និង​ទាហាន​​ត្រូវ​បាន​ហៅ​ប្រមូល​មក​ជួយ​សង្គ្រោះ​អ្នកបើកបរ​ដែល​ជាប់​តាម​ដងផ្លូវ​។​

​ក្រុង​ម៉ា​ឌ្រី​ត​ធ្លាក់​ព្រិល​កម្រាស់​កន្លះ​ម៉ែត្រ​។​ក្នុង​រូប​អ្នកក្រុង​ដាក់​តុ​អង្គុយ​ផឹក​នៅ​កណ្តាលផ្លូវ​

​សេវា​ជួយសង្គ្រោះ​បាន​ជួយ​មនុស្ស​ប្រមាណ​១.៥០០​នាក់​ដែល​ជាប់​ក្នុង​រថយន្ត​តាំងពី​ថ្ងៃ​សុក្រ​ដល់​ថ្ងៃ​សៅរ៍ ។​

​ក្នុងពេល​ជាមួយគ្នា រដ្ឋមន្ត្រី​មហាផ្ទៃ​បាន​អំពាវនាវ​អោយ​ប្រជាជន​អេ​ស្ប៉ាញ​ជៀសវាង​ការធ្វើដំណើរ​មិនចាំបាច់ ដោយសារ​«​យើង​កំពុង​ជួប​ព្យុះ​ខ្លាំង​បំផុត​មួយ​នៅ​រយៈពេល​៥០​ឆ្នាំ​មកនេះ​»​។​

​ផ្លូវ​ជាង​៦៥០​ត្រូវ​បិទ​ដោយសារ​គំនរ​ព្រិល នាំ​អោយ​អ្នកបើកបរ​ខ្លះ​ជាប់​ក្នុង​រថយន្ត​តាំងពី​ថ្ងៃ​សុក្រ​ដល់​ថ្ងៃ​សៅរ៍​នៅពេល​សាលារៀន​ត្រូវ​បិទទ្វារ​រហូតដល់​ថ្ងៃ​ពុធ​សប្តាហ៍​ក្រោយ​។​

​ទីភ្នាក់ងារ​ឧតុនិយម​រដ្ឋ​បាន​និយាយថា​វា​ជា ការធ្លាក់​ព្រិល​ដ៏​អាក្រក់​បំផុត​ចាប់តាំងពី​ឆ្នាំ​១៩៧១​មក ។​ព្រិល​បាន​ធ្លាក់​កម្រាស់​០,២៥​ទៅ​កន្លះ​ម៉ែត្រ​នៅ​ក្រុង​ម៉ា​ឌ្រី​ត​។​ទីក្រុង​នេះ​និង​តំបន់​៤​ផ្សេងទៀត​បាន​​ស្ថិតក្រោម​ការប្រកាសអាសន្ន​កាលពី​ថ្ងៃ​សៅរ៍ នៅពេល​ការព្យាករណ៍​ថា​ព្រិល​នឹង​ធ្លាក់​បន្ថែមទៀត​៕

​ការធ្លាក់​ព្រិល​ខ្លាំង​បង្កឡើង​ដោយ​ព្យុះ Filomena​បង្កចលាចល​នៃ​ការធ្វើដំណើរ​ពាសពេញ​អេ​ស្ប៉ា​ញ​

ទីតាំងផ្សាយពាណិជ្ជកម្ម

- Advertisment -

Most Popular