ស្រុង , ទាំងស្រុង , សង់ទ្រយុង , សម្រុង , ស្រលុង​

​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ស្រុង​
​គុណសព្ទ​
​ស្លុយ​, ​ដែលមាន​សម្រុង​
​សំពត់​ស្រុង ។ ព​. ផ្ទ​. ​ខើច ។​
​ទាំងស្រុង ទាំងមូល​, ​ទាំងអស់​, ពេញទី​
​ខុស​ទាំងស្រុង ។​
​ទាំងស្រុង​ទាំង​កំរោល ដោយ​ដំណើរ​ជា​កំរោល​ទាំងអស់​
​រំលោភ​លើ​ទាំងស្រុង​ទាំង​កំរោល ។​

​ទាំងស្រុង​
​សព្វនាម​
​ទាំងអស់​; ទាំងមូល​
​ខុស​ទាំងស្រុង (​ម​. ព​. ទាំងពួង ផង ) ។​

​សង់ទ្រយុង​
​កិរិយាវិសេសន៍​
​ដែល​ធ្លាក់​ឬ​ដួល​ចំហុងក្បាលចុះ​ក្រោម​
​ធ្លាក់​សង់ទ្រយុង ។​

​សម្រុង​
(​សំ​-​រ៉ុង​)
​នាមសព្ទ​
​ភាគ​ឬ​ប៉ែក​ដែល​ស្រុង​ចុះ : សម្រុងសំពត់ ។​

​ស្រលុង​
(—​ល៉ុ​ង​)
​កិរិយាសព្ទ​
​លង់​ស្លុត​ស្មារតី​ចុះ​ជ្រៅ​សន្លឹម ដោយមាន​ជម្ងឺ​ធ្ងន់ ( ច្រើនតែ​បណ្ដាល​អំពី​ជំងឺ​គ្រុនក្ដៅ​ខ្លាំង )
​គ្រុនក្ដៅ​ស្រលុង​អស់​កន្លះ​ថ្ងៃ ។​