Home ព័ត៌មានសំខាន់ៗ សភា​អាម៉េរិក​...

សភា​អាម៉េរិក​​បោះឆ្នោត​លើ​សេចក្តីសំរេចចិត្ត​ស្នើ​សុំ​អោយអនុប្រធានាធិបតីដក​ប្រធានាធិបតី

ប្រែ​សម្រួលៈ​វាសនា​/​វ៉ាស៊ីនតោន​៖​ប្រធានសភា​អាម៉េរិក​លោកស្រី ណាន់​ស៊ី ផេ​ឡូ​ស៊ី បាន​ប្រាប់​សមាជិកសភា​កាល​ពី​យប់មិញ​ថា ពួកគេ​នឹង​ត្រូវ​បោះ​ឆ្នោត​លើ​សេចក្តីសំរេច​ចិត្ត​មួយ​នៅ​សប្តាហ៍​នេះ​ដើម្បី​សុំ​​អោយ​អនុ​ប្រធានាធិបតី ម៉ៃ ផេន និង​គណៈរដ្ឋមន្ត្រី​របស់លោក ដក​ប្រធានាធិបតី ត្រាំ ចេញ​ពី​មុខ​តំណែង​មុន​សភា​ចោទប្រកាន់​ប្រធានាធិបតី​ឆុងឆាំង​រូបនេះ​។​

​ផេ​ឡូ​ស៊ី បាន​និយាយ​នៅក្នុង​លិខិត​មួយ​ថា សភា​គ្រោង​បោះឆ្នោត​នៅ​ថ្ងៃ​ចន្ទ​ទី​១១​មករា​លើ​សេចក្តី​សំ​រេ​ចិត្ត​មួយ​ដែល​សុំអោយ​លោក​ផេន​យក​ច្បាប់​វិសោធនកម្ម​រដ្ឋធ​ម្មនុ​ញ្ញ​អាម៉េរិក​ទី​២៥​មក​ប្រើ ដើម្បី​អាច​​អោយ​រូបលោក​និង​គណៈរដ្ឋមន្ត្រី​ដក​ប្រធានាធិបតី បើសិនជា​ប្រធានាធិបតី​មិន​អាច​បំពេញ​ភារកិច្ច​ផ្លូវការ​របស់​ខ្លួន​។​

​លោកស្រី​បាន​បន្ថែមថា បើ​ផេន​មិន​ព្រម «​យើង​នឹង​ចាប់ផ្តើម​ដំណើរការ​ចោទ​ទោស​ទម្លាក់​តំណែង​នៅក្នុង​សភា​។​ក្នុង​ការការពារ​រដ្ឋ​ធម្មនុញ្ញ​និង​លទ្ធិប្រជាធិបតេយ្យ​របស់​យើង យើង​នឹង​ធ្វើ​សកម្មភាព​បន្ទា​​ន់ ដោយសារ​ប្រធានាធិបតី​បច្ចុប្បន្ន​តំណាងអោយ​ការ​គំរាម​បន្ទាន់​មួយ​ដល់​ទាំង​រដ្ឋ​ធម្មនុញ្ញ​និង​លទ្ធិប្រជាធិបតេយ្យ​…»​។​

​តាមពិត​ត្រាំ​ត្រូវបាន​សភា​ដែល​ត្រួតត្រា​ដោយ​ពួក​បក្ស​ប្រជាធិបតេយ្យ​ចោទប្រកាន់​ដើម្បី​ទម្លាក់​តំណែង​ម្តងមកហើយ កាលពី​ខែ​ធ្នូ​ឆ្នាំ​១០១៩ ចំពោះ​ការ​គាប​សង្គត់​មេដឹកនាំ​អ៊ុយ​ក្រែន​អោយ​ទម្លាយរឿង​​អាស្រូវ​នយោបាយ​របស់​គូ​ប្រជែង ចូ បៃ​ដិន​។​តែ​លោក​ត្រូវ​បាន​ព្រឹទ្ធសភា​ដែល​គ្រប់គ្រង​ដោយ​ពួក​សាធារណរដ្ឋ លើកលែង​ការចោទប្រកាន់​៕

​សភា​របស់​លោកស្រី​ផេ​ឡូ​ស៊ី គ្រោង​នឹង​បោះ​ឆ្នោត​លើ​សេចក្តីសំរេច​មួយ​ដោយ​ស្នើសុំ​អោយ​អនុ​ប្រធានាធីបតីបណ្តេ​ញ​ប្រធានាធិបតី​

ទីតាំងផ្សាយពាណិជ្ជកម្ម

- Advertisment -

Most Popular