អនុ​ប្រធានាធិបតី​ម៉ៃ ផេ​ននឹងចូលរួម​ពិធីស្បថ​កាន់តំណែងរ​បស់​លោកចូ បៃ​ដិន​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រព័ន្ធ​ផ្សព្វផ្សាយ​ជាច្រើន​បាន​និយាយ​កាលពី​ថ្ងៃ​សៅ​រ៍ថា លោក ម៉ៃ ផេន នឹង​ចូលរួម​ពិធី​សម្ពោធ​កាន់​តំណែង​របស់​លោក ចូ បៃ​ដិន នាពេល​ខាងមុខ​នេះ​ខណៈ​​ដែល​អនុ​ប្រធានាធិបតី​រូបនេះ​បាន​ក្លាយជា​មនុស្ស​ស្មោះត្រង់​បំផុត​ចុង​ក្រោយ​ម្នាក់​ដែល​បោះបង់ចោល​ប្រធានាធិបតី​ដូណាល់ ត្រាំ ដែល​កាន់តែ​ឯកោ​ទៅៗ​។​

​ទំនាក់ទំនង​រវាង​លោក​ត្រាំ​និង​លោក​ផេន ដែលជា​អ្នក​ការពារ​ជំហរ​យ៉ាង​មុតមាំ​របស់​ប្រធានាធិបតី បាន​បែក​បាក់​មួយ​រំពេច​កាលពី​ថ្ងៃ​ពុធ​សប្តាហ៍​មុន​នៅពេលដែល​លោក​អនុ​ប្រធានាធិបតី​ប្រកាស​​ជា​ផ្លូវការ​អំពី​ជ័យជម្នះ​របស់​លោកបៃ​ដិន​នៅក្នុង​ការបោះឆ្នោតខែវិ​ច្ឆិកា​។​

​ហ្វូង​បាតុករ​ស្តាំនិយម​បាន​សម្រុកចូល​វិមាន​កា​ពី​តូ​ល​អាម៉េរិក​នៅ​ថ្ងៃ​ដដែល​ក្នុង​ការប៉ុនប៉ង​បញ្ឈប់​សភា​ពី​ការបញ្ជាក់​ជ័យជម្នះ​របស់​លោកបៃ​ដិន​នៅក្នុង​កុបកម្ម ដែល​គេ​ស្តីបន្ទោស​ទៅ​លើ​លោក​ត្រាំ ដែល​បណ្តាលឱ្យ​មនុស្ស​ស្លាប់ ៥ នាក់​។​

​របាយការណ៍​ប្រព័ន្ធ​ផ្សព្វផ្សាយ​ជាច្រើន​កាលពី​ថ្ងៃ​សៅរ៍​បាន​ដកស្រង់​សម្តី​ក្រុមមន្ត្រី​រដ្ឋបាល​ជាន់​ខ្ពស់​ដោយ​និយាយថា លោក​ផេន​ដែល​ត្រូវ​បង្ខំចិត្ត​ជ្រកកោន​ក្រោម​លេណដ្ឋាន​ពី​អ្នក​លុកលុយ​ក្នុងអំឡុង​​ពេល​កុបកម្ម បាន​សម្រេចចិត្ត​ចូលរួម​ពិធី​សម្ពោធ​កាន់​តំណែង​របស់​លោកបៃ​ដិន​នៅ​ថ្ងៃទី ២០ ខែ​មករា​។​

​ប្រធានាធិបតី​ជាប់ឆ្នោត​ចូ បៃ​ដិនបាន​និយាយថា លោក​ផេន​នឹង​ត្រូវ​ស្វាគមន៍​នៅ​ពិធី​ស្បថ​កាន់​តំណែង​របស់​លោក​៕

​លោក​ផេន​ឥឡូវក៏​កំពុងរង​សម្ពា​ធអោយ​បណ្តេញ​ត្រាំ​ចេញពី​តំណែង​មុន​កាលកំណត់​ផងដែរ​

ទីតាំងផ្សាយពាណិជ្ជកម្ម

- Advertisment -



Most Popular