Home ព័ត៌មានសំខាន់ៗ ​បវេសនកាល​ឆ្ន...

​បវេសនកាល​ឆ្នាំ​សិក្សា​ថ្មី​មាន​សិស្ស​ប្រមាណ​ជិត ៤ លាន​នាក់​បាន​ចូលសាលា

ដោយៈ​តារា​រិ​ទ្ធ​/​ភ្នំពេញ​៖​លោក​បណ្ឌិតសភា​ចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ​យុវជន​និង​កីឡា​បាន​ថ្លែងឱ្យដឹងថា​ឆ្នាំ​សិក្សា​ថ្មី​ឆ្នាំ​២០២០- ២០២១ នេះ​មាន​សិ​ស្សា​នុសិស្ស​ជិត​៤ លាន​នាក់​បាន​ចូល​សិក្សា​នៅតាម​គ្រឹះស្ថានសិក្សា​ទាំង​រដ្ឋ​និង​ឯកជន​។ ក្នុងនោះ​សិស្ស​ថ្នាក់​ម​ត្តេ​យ្យ​និង​ចំណេះដឹង​ទូទៅ​មាន​ប្រមាណ ៣.៥ លាន​នាក់ ។​ដោយឡែក​ថ្នាក់​ឧ​ត្ត​ម​សិក្សា​មាន​ប្រមាណ ២១​ម៉ឺន​នាក់ ។​

​លោក​បណ្ឌិតសភា​ចា​រ្យ ហង់​ជួន ណា​រ៉ុ​ន បាន​ថ្លែង​ឱ្យដឹង​បែបនេះ​ក្នុងឱកាស​អញ្ជើញ​បើក​បវេសនកាល​ឆ្នាំ​សិក្សា​ថ្មី​ដែល​ធ្វើឡើង​នៅ​ព្រឹក​ថ្ងៃទី ១១ ខែ មករា ឆ្នាំ​២០២១​នេះ នៅ​វិទ្យាល័យ​អប់រំ​ពិសេស​កំពង់ចាម ខេត្តកំពង់ចាម ។​

​លោក​រដ្ឋមន្ត្រីក្រសួង​អប់រំ​បានឱ្យដឹង​ផងដែ​រថា​បច្ចុប្បន្ន​មាន​គ្រឹះស្ថាន​ម​ត្តេ​យ្យ​សិក្សា​និង​គ្រឹះស្ថានសិក្សា​ចំណេះ​ទូទៅ​ទាំង​រដ្ឋ​និង​ឯកជន​មាន​ប្រមាណ ១៨,០០០ កន្លែង ។ ក្នុងនោះ​ម​ត្តេ​យ្យ​សិក្សា​សហគមន៍​ ៣,០០០ កន្លែង​គ្រឹះស្ថានសិក្សា​ចំណេះ​ទូទៅ​របស់​រដ្ឋ​១៣,៥០០ កន្លែង​និង​គ្រឹះស្ថានសិក្សា​ឯកជន​១,៥០០​កន្លែង​។​គ្រឹះស្ថាន​ឧ​ត្ត​មសិ​ក្សា ទូទាំងប្រទេស​មាន ១២៥ កន្លែង​ក្នុងនោះ​គ្រឹះស្ថាន​ឧ​ត្ត​ម​សិក្សា​រដ្ឋ ៤៨ និង​ឯកជន ៧៧ ។

​នៅក្នុង​ការ​ថ្លែង​បើក​បវេសនកាល​ឆ្នាំ​សិក្សា ២០២០-២០២១ លោក​បណ្ឌិតសភា​ចា​រ្យ ហង់​ជួន ណា​រ៉ុ​ន បាន​ជំរុញ​ឱ្យ​គ្រឹះស្ថានសិក្សា​រដ្ឋ​ទាំងអស់​បន្ត​យកចិត្តទុកដាក់​លើ ការអនុវត្ត​វិធានការ​សុវត្ថិភាព​សុខភាព​សិក្សា​តាមរយៈ​ការអនុវត្ត​គោលការណ៍​ប្រតិបត្តិ​ស្តង់ដារ​(SOP) សម្រាប់​ដំណើរការ​សាលារៀន​ឡើងវិញ​ក្នុង​បរិបទ​កូ​វីដ​-១៩​និង​គោល ការណ៍​ប្រតិបត្តិ​ស្តង់ដារ​(SOP)​ស្ដីពី​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ​ និង ​កីឡាសកម្ម ភាព​សិល្បៈ​និង​សេវា​អាហា​រដ្ឋា​ន​នៅតាម​គ្រឹះស្ថានសិក្សា រដ្ឋ​និង​ឯកជន​ក្នុង​បរិបទ​ជំងឺ​កូ​វីដ​-១៩ ។ ស្តង់ដា​SOP​គឺ ជា​សំណុំ​នៃ​ការណែនាំ​ជា​ជំហានៗ​ដែល​ត្រូវបាន​ចងក្រង​ដោយ​ក្រសួង​អប់រំ​ដើម្បី​ជួយ​ឲ្យ​គ្រឹះស្ថានសិក្សា​ធ្វើ​ប្រតិបត្តិការ​ដើម្បី​សម្រេចបាន​នូវ​ប្រសិទ្ធភាព​និង​គុណភាព​បង្កា​ការឆ្លង​កូ​វីដ​១៩ ។

​លោក​រដ្ឋមន្ត្រី​អប់រំ​បានបញ្ជាក់​ទៀតថា​ដើម្បី​ធានាបាន​ការអប់រំ​មួយ​ល្អប្រសើរ​ក្នុង​បរិបទ​កូ​វីដ​១៩​នេះ​ក្រសួង​បានចេញ​សេចក្ដីណែនាំ​ស្ដីពី​ការអនុវត្ត​កម្មវិធីសិក្សា​បង្រួញ​និង​កា ល​វិភាគ​សិក្សា​សម្រាប់​ម​ត្តេ​យ្យ​សិក្សា ម​ត្តេ​យ្យ​សិក្សា​សហគមន៍ បឋមសិក្សា និង មធ្យមសិក្សា​រដ្ឋ សម្រាប់​ឆ្នាំ​សិក្សា ២០២០-២០២១ ដោយ​ផ្តោតលើ​រៀបចំ​សិស្ស​ក្នុង​ថ្នាក់ ការបែងចែក​កម្មវិធី​សិក្សា​និង​មេរៀន​សិក្សា​និង​ការអនុវត្ត​កម្មវិធីសិក្សា​បង្រួញ​។​

​ថ្ងៃទី​១១ ខែមករា ឆ្នាំ​២០២១ គឺជា​ថ្ងៃ​បើក​ទំព័រ​ថ្មី​នៃ​ការចាប់ផ្តើម​ជីវិត​សិក្សា​ដំបូង​របស់​សិស្សានុសិស្ស​ដែល​ទើបនឹង​ដល់​អាយុ​ត្រូវ​ចូល​សាលារៀន និង ជា​ថ្ងៃ​ត្រឡប់​មកកាន់ សាលារៀន​វិញ​ក្នុង​ឆ្នាំ​សិក្សា​ថ្មី​របស់​សិស្សានុសិស្ស និស្សិត បន្ទាប់ពី​បាន​ឆ្លងកាត់​និង​ទទួល​នូវ​បទពិសោធន៍​នៃ​ការអប់រំ​ក្នុងសម័យ​កូ​វីដ​-១៩ ក្នុង​ឆ្នាំ​សិក្សា ២០១៩-២០២០ កន្លងមកនេះ​ទោះបី​ក្នុង​រូបភាព​ខុសៗ​គ្នា​យ៉ាងណាក៏ដោយ ។ ថ្វី​ត្បិត​ឆ្នាំនេះ​ព្រះរាជាណាចក្រ​កម្ពុជា​ក៏ដូចជា​ពិភព លោក​ទាំងមូល​កំពុង​តែ​ប្រយុទ្ធ​ប្រឆាំងនឹង​ជំងឺ​កូ​វីដ​-១៩ និង​មិនទាន់មាន​ភាពច្បាស់លាស់​ពាក់ព័ន្ធ​នឹង​កូ​វីដ​-១៩ យ៉ាងណាក៏ដោយ​ក៏​រាជរដ្ឋាភិបាល​កម្ពុជា​នៅតែ​ប្រារព្ធ​ពី​ធី​បើក​បវេសនកាល​ឆ្នាំ​សិក្សា​ថ្មី២០២០-២០២១ដ៏​មានសារៈ សំខាន់​នេះ​ក្រោម​ទស្សនាទាន​ថ្មី​គឺ​គន្លង​ជីវិត​ថ្មី​ក្នុង​វិស័យ​អប់រំ ។ ចំពោះ​វិស្សមកាល​ក្នុង​ឆ្នាំ​សិក្សា​ថ្មី​នេះ​ត្រូវ​បានកំ ណត់​ចំនួន ២ ដង​ក្នុង ១ ឆ្នាំ​គឺ​វិស្សមកាល​តូច​ចាប់ពី​ថ្ងៃទី ៦ ដល់ ១៩ ខែមេសា និង​មហា​វិស្សមកាល​ចាប់ពី​ថ្ងៃទី ១​ដល់ទី ៣០ខែវិច្ឆិកា ឆ្នាំ ២០២១​។ នេះ​បើតាម​សេចក្តីជូនដំណឹង​របស់​ក្រសួង​អប់រំ យុវជន​និង​កីឡា​កាលពី​សប្តាហ៍​មុន ៕

ទីតាំងផ្សាយពាណិជ្ជកម្ម

- Advertisment -

Most Popular