Home ព័ត៌មានអន្តរជាតិ ចិន​អនុញ្ញាតអ...

ចិន​អនុញ្ញាតអោយ​អ្នកជំនាញការ​វីរុស​កូរ៉ូណា​របស់​WHO ចូល​ក្នុងប្រទេស​ខ្លួន​នៅ​ថ្ងៃ​ព្រហស្បតិ៍​

​ប្រែ​សម្រួលៈ​វាសនា​/​ប៉េកាំង​៖​អាជ្ញាធរ​បាន​អះអាង​កាលពី​ថ្ងៃ​ចន្ទ​ទី​១១​មករា​ថា អ្នកវិទ្យាសាស្ត្រ​១០​នាក់​មកពី​អង្គការ​សុខភាព​ពិភពលោក​(WHO)​នឹង​មកដល់​ចិន​ចាប់ពី​ថ្ងៃ​ព្រហស្បតិ៍​ដើម្បី​ស៊ើបអង្កេត​​រក​ប្រភព​ផ្ទុះ​ជំងឺ​កូវី​ដ​១៩ នៅ​ពេល​ជាង​១​ឆ្នាំក្រោយ​ជំងឺឆ្លង​សកល​នេះ​បានចាប់ផ្តើម​និង​ចំ​ពេល​មាន​ការចោទប្រកាន់​ថា រដ្ឋាភិបាល​ក្រុង​ប៉េកាំង​ង​ព្យាយាម​រារាំង​ការស៊ើបអង្កេត​នេះ​។​

​បេសកកម្ម​រង់ចាំ​ដ៏​យូរ​នេះ មាន​សារសំខាន់​ខាង​នយោបាយ​ខ្លាំង​ចំ​ពេល​វីរុស​កូរ៉ូណា​បាន​និង​កំពុង​បំផ្លិចបំផ្លាញ​ពិភពលោក នាំ​អោយ​ស្លាប់​មនុស្ស​ជិត​២​លាន​នាក់​និង​រុញ​សេដ្ឋកិច្ច​ពិភពលោក​អោយ​ជាប់​​គាំង​។​

​ក្រុម​WHO នឹង​ធ្វើ​ការស៊ើបអង្កេត​រួមគ្នា​ជាមួយ​អ្នកវិទ្យាសាស្ត្រ​ចិន​អំពី​ប្រភព​កូវី​ដ​១៩ នេះ​បើ​តាម​ការបញ្ជាក់​របស់​ស្នងការ​សុខាភិបាល​ជាតិ​ចិន​។​

​សូមបញ្ជាក់​ថា ការបដិសេធ​មិនអោយ​អ្នកវិទ្យាសាស្ត្រ​ទាំងនេះ​ចូល​នៅ​នាទីចុងក្រោយ​កាលពី​ពេល​មុនេះ​ក្នុង​ខែ​មករា​នេះ នាំអោយ​មាន​ការរិះគន់​ដ៏​កម្រ​មាន​ពី​ប្រធាន​អង្គការ​WHO​។​អគ្គនាយក​អង្គការ​​នេះ​លោក តេ​ដ្រូ​ស អាត​ហាណូម ហ្គេ​ប្រេ​យេស៊ូ​ស បាន​និយាយថា លោក​«​ខកចិត្ត​ណាស់​» ដោយសារ​ចិន​មិន​ព្រម​អោយ​ពួកគេ​ចូល​។​

​ទោះជា​យ៉ាងណា អ្នកនាំពាក្យ​ក្រសួងការបរទេស​ចិន​បាន​ហៅ​វា​ជា​ការយល់ច្រឡំ​។​

​ពួក​អ្នកជំនាញការ WHO​ទាំងនេះ​ត្រូវ​រំពឹងថា​នឹង​ទៅ​កាន់​ទីក្រុង​វូ​ហាន ទីក្រុង​ដែល​វីរុស​កូរ៉ូ​ណានេះ​ត្រូវបាន​គេ​ដឹង​ជា​ទូទៅ​ថា​ត្រូវបាន​រកឃើញ​នៅ​ទីនេះ កាលពី​ចុងឆ្នាំ​២០១៩​។​

​អាម៉េរិក​និង​អូស្ត្រាលី បាន​ដឹកនាំ​ការអំពាវនាវ​របស់​អន្តរជាតិ​អោយ​មាន​ការ​ស៊ើប​អង្កេ​ឯករាជ្យ​មួយ​លើ​ប្រភព​នៃ​ការផ្ទុះ​ចេញ​វីរុស​នេះ​ដោយ​បង្កើត​សម្ពាធ​ជា​ខ្លាំង​លើ​ចិន​ប៉េកាំង​។​មេដឹកនាំ​អាម៉េរិក​ថែម​​ទាំង​បាន​ចោទប្រកាន់ថា វីរុស​នេះ​ចេញពី​កន្លែង​ពិសោធន៍​វីរុស​មួយ​នៅ​វូ​ហាន តែ​មន្ត្រី​ចិន​បាន​និយាយថា ការតាមដាន​នៃ​ប្រភពដើម​នៃ​វីរុស​នេះ​ជា​«​បញ្ហា​វិទ្យាសាស្ត្រ​»​មួ​យ​និង​ថែម​ទាំង​លើក​ឡើង​អំពី​លទ្ធ​​ភាព​កកើត​វីរុស​នេះ​ដំបូង​នៅ​ក្រៅ​ប្រទេស​ចិន​៕

​អ្នកស្រុក​តម្រៀបជួ​រ​រង់ចាំ​ពិនិត្យរក​វីរុស​កូរ៉ូណា ក្នុង​ក្រុង​ប៉េកាំង​កាលពី​ថ្ងៃ​១១​មករា នៅពេល​ការឆ្លង​ថ្មី​កំពុង​កើន​ឡើង​នៅក្នុង​ទីក្រុង​ជិតៗ​នោះ​

ទីតាំងផ្សាយពាណិជ្ជកម្ម

- Advertisment -

Most Popular