អភិបាលខេត្ត​កំពង់ឆ្នាំងៈ សូម​បន្ត​លើកកម្ពស់ សុខភាព​អនាម័យ ក្នុង​បរិបទ​កូ​វីដ ១៩ ដោយ​អនុវត្តតាម​អភិក្រម ៣

ដោយៈ រិ​ទ្ធិ​សែន/កំពង់ឆ្នាំងៈ ចូលរួម​ក្នុង​ពិធី​បើក​បវេសនកាល ឆ្នាំ​សិក្សា​ថ្មី ២០២០-២០២១ នៅ​ព្រឹក​ថ្ងៃទី​១១ ខែមករា ឆ្នាំ​២០២១ លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង បាន​មានប្រសាសន៍ ដោយ​ការ​ក្រើន​រំលឹកថា សូម​បន្ត​លើកកម្ពស់ សុខភាព​អនាម័យ ក្នុង​បរិបទ​កូ​វីដ ១៩ ដោយ​អនុវត្តតាម​អភិក្រម ៣ ការពារ ៣ កុំ ជាពិសេស​ចូលរួម​ទប់ស្កាត់ ការឆ្លង​កូ​វីដ​១៩ ក្នុង​គ្រឹះស្ថានសិក្សា ការអប់រំ​ពី​សុវត្ថិភាព សុខភាព សិក្សា ការរក្សា​គម្លាត ១,៥ ម៉ែត្រ និង​សុវត្ថិភាព​ចំណីអាហារ ។​

​ពិធី​បើក​បវេសនកាល ឆ្នាំ​សិក្សា​ថ្មី ២០២០-២០២១ បាន​ត្រូវ​រៀបចំ​ដោយ មន្ទីរអប់រំ យុវជន និង​កីឡា ខេត្តកំពង់ឆ្នាំង នៅ​ព្រឹក​ថ្ងៃទី​១១ មករា នេះ នៅ​សាលា​អនុវិទ្យាល័យ និង​សាលា បឋមសិក្សា គិរី​សុវណ្ណ​វង្ស ។

​ក្រោយពី​លោក គិត មុនី​រិ​ទ្ធ អនុប្រធាន​មន្ទីរអប់រំ យុវជន និង​កីឡា បាន​អាន​សារ​របស់ សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា រួចមក​លោក​អភិបាល ខេត្តកំពង់ឆ្នាំង បាន​មានប្រសាសន៍ ក្រើន​រំលឹកថាៈ សូម​បន្ត​លើកកម្ពស់ សុខភាព​អនាម័យ ក្នុង​បរិបទ​កូ​វីដ ១៩ ដោយ​អនុវត្តតាម​អភិក្រម ៣ ការពារ ៣ កុំ ជាពិសេស​ចូលរួម​ទប់ស្កាត់ ការឆ្លង​កូ​វីដ​១៩ ក្នុង​គ្រឹះស្ថានសិក្សា ការអប់រំ​ពី​សុវត្ថិភាព សុខភាព សិក្សា ការរក្សា​គម្លាត ១,៥ ម៉ែត្រ និង​សុវត្ថិភាព​ចំណីអាហារ ។​

​លោក ឈួ​រ ច័ន្ទ​ឌឿ​ន បានបញ្ជាក់​ថាៈ ឆ្នាំ​សិក្សា​ថ្មី​នេះ គឺ​សូម​លោកគ្រូ អ្នកគ្រូ ក៏ដូចជា សិ​ស្សា​នុស្ស ខិតខំ​បង្ការ ទប់ស្កាត់ ការរីក​រាលដាល នៃ​ជំងឺ​កូ​វីដ ១៩ ដោយ​អនុវត្ត​អោយបាន នូវ​វិធានការ​អនាម័យ ការពាក់​ម៉ាស លាង​សម្អាត​ដៃ កំចាត់​មេរោគ និង​វិធានការ​ដទៃ ទៀត​របស់ ក្រសួងសុខាភិបាល ឱ្យបាន​ជាប្រចាំ​។

​លោក​អភិបាលខេត្ត ក៏បាន​ផ្តាំផ្ញើ ដល់​សិស្សានុសិស្ស​ទាំងអស់ អោយ​បន្ត​ការខិតខំ​រៀនសូត្រ ជៀសវាង​អោយ​ឆ្ងាយ ពី​ការសេព​គ្រឿងញៀន ក្មេង​ទំនើង អប់រំ​ខ្លួន ឱ្យក្លាយ​ជា​កូន​ល្អ សិស្ស​ល្អ និង​មិត្ត​ល្អ ជា​ធនធានមនុស្ស​ដ៏​ប្រពៃ បន្តវេន​កសាង​សង្គមជាតិ​ឱ្យ​រីកចំរើន​ទៅ ថ្ងៃ​អនាគត​។

​នៅក្នុង​ឱកាស​នោះដែរ លោក​អភិបាលខេត្ត និង​លោកស្រី បាន​ឧបត្ថម្ភ​ថវិកា ចំនួន ១ លាន​រៀន រួម​នឹង​ម៉ាស់ សម្ភារ​សិក្សា និង​សារុង ជូន​ដល់​លោកគ្រូ អ្នកគ្រូ និង​សិ​ស្សា​នុ សិស្ស​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular