Home ព័ត៌មានសំខាន់ៗ ស្នងការ​នគរបា...

ស្នងការ​នគរបាល​រាជធានី​ថា​មិនបាន​ណែនាំ​ឲ្យ​សមត្ថកិច្ច​ទៅ​ឃាត់​ម៉ូតូ​បំពាក់​បំពង់​ស៊ី​ម៉ាំង​ដល់ផ្ទះ​ប្រជាពលរដ្ឋ​ទេ​

ដោយៈ​ស​រិ​ទ្ធ​/​ភ្នំពេញៈលោក​ឧ​ត្ត​ម​សេនីយ៍​ឯក ស ថេត អគ្គស្នងការ​រង​និង​ជា​ស្នងការ​នគរបាល​រាជធានី​ភ្នំពេញ នៅ​ថ្ងៃទី​១១ ខែមករា ឆ្នាំ​២០២១ នេះ បាន​បញ្ជា​ឲ្យ​សមត្ថកិច្ច​ទាំង​១៤​ខណ្ឌ ផ្អាក​ការឃាត់​ម៉ូតូ​ធំ ដែល​បំពាក់​បំពង់​ស៊ី​ម៉ាំង សិន​រង់ចាំ​បទបញ្ជា​សារជាថ្មី ពី​ថ្នាក់លើ ។​

​យោងតាម​សារ​សំឡេង​របស់លោក​ស្នងកា​រ​រាជធានី​ភ្នំពេញ បាន​ឲ្យ​ដឹងថា សូម​ឲ្យ​សមត្ថកិច្ច​ផ្អាក​សិន​រង់ចាំ​បទបញ្ជា​ថ្នាក់លើ ។ លោកស្នងការ​បន្តថា ការដែល​សមត្ថកិច្ច​ទៅ​ឃាត់​ម៉ូតូ​ដល់ផ្ទះ​ប្រជាពលរដ្ឋ​គឺ មិន​ត្រឹមត្រូវ​នោះទេ ដោយ​លោកស្នងការ​មិនបាន​ណែនាំ ឲ្យ​ធ្វើ​ដូច្នេះ​ទេ ។​

​លោក​ឧ​ត្ត​ម​សេនីយ៍​ឯក ស ថេត ថ្លែង​ទៀតថា លោក​គ្រាន់តែ​ឲ្យ​ស្រង់​ស្ថិតិ ដើម្បី​ធ្វើការ​អប់រំ ណែនាំ ប៉ុណ្ណោះ​។​
​បទបញ្ជា​របស់លោក​ឧ​ត្ត​ម​សេនីយ៍​ឯក​នាពេលនេះ គឺ ក្រោយ​ពេលដែល​សមត្ថកិច្ច បាន​ចុះ​ចាប់​ម៉ូតូ​ធំ​ដល់ផ្ទះ​របស់​ប្រជាពលរដ្ឋ ដែល​នាំ​ឲ្យ​មានការ​រិះគន់​យ៉ាងខ្លាំង​ក្លា ៕​សរន​

រូបថត ប៉ូលិស

ទីតាំងផ្សាយពាណិជ្ជកម្ម

- Advertisment -

Most Popular