Home ព័ត៌មានសំខាន់ៗ ពង​ទា​កូន​ផលិ...

ពង​ទា​កូន​ផលិត​ក្នុង​សហគមន៍​ស្រែ​រនោង​នៅតែមាន​រសជាតិ​ឆ្ងាញ់​និង​មាន​ទីផ្សារ​ច្បាស់លាស់

​ដោយៈ​តាកែវ​/​តាកែវ​: ក្រៅពី​បង្កង​ទឹកសាប​ដែល​ល្បី​ថា​មានឱជារសឆ្ងាញ់​ពិសារ​នោះ សម្រាប់​ខេត្តតាកែវ​វិញ គឺ​នៅមាន​មុខម្ហូប​ពង​ទា​កូន «​ស្រែ​រនោង​» មួយទៀត​ដែលមាន​ភ្ញៀវ​ទេសចរណ៍ ក្រៅ​ស្រុក​ក៏ដូចជា​ភ្ញៀវ​នៅក្នុង​ស្រុក​និយម​ទទួលទាន និង​សរសើរ​ថា​ឆ្ងាញ់​គ្រប់ៗ​គ្នា មិនតែប៉ុណ្ណោះ ក៏​មានការ​កុម្ម៉ង់​នាំ​ចេញទៅ​លក់​នៅតាម​បណ្តា​ខេត្ត​នានា​ផងដែរ ។​

​ជាមួយនឹង​ភាពល្បីល្បាញ​នៃ​រស់ជាតិ​ពង​ទា​កូន​ស្រែ​រនោង​នេះ​ផងដែរ ក្នុង​ស​ន្និសីទ​សារព័ត៌មាន​ស្តីពី វឌ្ឍនភាព​និង​ទិសដៅ​ការងារ​បន្ត របស់​រដ្ឋបាល​ខេត្តតាកែវ កាលពី​ថ្ងៃទី​២៣ ខែកក្កដា ឆ្នាំ​២០២០ លោក អ៊ូច ភា អភិបាល​នៃ​គណៈ​អភិបាល​ខេត្តតាកែវ​ថ្លែងថា ពង​ទា​កូន​ស្រែ​រនោង ជា​ផលិតផល​កសិកម្ម​រប​ស់​ខេត្តតាកែវ ដែលមាន​ភាពល្បីល្បាញ​ទូទាំងប្រទេស ព្រមទាំង​ជា​ផ​លិ​ផល​សម្គាល់​តំបន់​ភូមិសាស្ត្រ​ថែមទៀត​ផង​។

​លោក​អភិបាលខេត្ត​បាន​បញ្ជាក់ថា ពង​ទា​កូន​ស្រែ​រនោង គឺ​ត្រូវបាន​ផលិតឡើង​ដោយ​កសិករ​នៅ​ឃុំ​ស្រែ​រនោង ស្រុក​ត្រាំកក់ ខេត្តតាកែវ រួមគ្នា​បង្កើតជា​សហគម​ន៍ ពង​ទា​កូន ដើម្បី​ផ្គត់ផ្គង់​នៅលើ​ទីផ្សារ ដែល​បច្ចុប្បន្ន​បាន​ចងក្រង​រួមគ្នា​ជា​សហគមន៍​ផលិត​ពង​ទា​កូន​ច្បាស់លាស់​មួយ និង​មានការ​យកចិត្តទុកដាក់ ព្រមទាំង​ប្រើប្រាស់​បច្ចេកទេស​ចិញ្ចឹម​ទាយ​កពង​ថែទាំ​តាម​លក្ខណៈ​ធម្មជាតិ​សុទ្ធសាធ ចាប់តាំងពី​ការផ្តល់​ចំណី​មេ​ទា រហូតដល់​ផលិត​ជា​ពង និង​បញ្ចេញ​លក់​នៅលើ​ទីផ្សារ​។ ​ហើយ​បច្ចុប្បន្ននេះ​ពង​ទា​កូន​ស្រែ​រនោង​ត្រូវបាន​ផ្គត់​ផ្គង​លើ​ទីផ្សារ​ទូទាំងប្រទេស ដោយបាន​ចូលរួម​បង្កើត​ការងារ និង​ចំណូល​ជាច្រើន​ព្រមទាំង​លើកកម្ពស់​កម្រិតជីវភាព​កសិករ​នៅ​ឃុំ​ស្រែ​រនោង​កាន់តែ​ធូរធារ​ឡើងជា​លំដាប់​។​

​លោក​បាន​បង្ហើប​ថា នៅ​ទូទាំង​ខេត្តតាកែវ​មាន​មេ​ទា ចំនួន​១.៦១២.៩៧០​ក្បាល ចិញ្ចឹម​ជា​លក្ខណៈ​គ្រួសារ និង​មាន​កសិដ្ឋាន​ចំនួន​១៧២​កន្លែង និង​កន្លែង​ភ្ញាស់ពងទា​ចំនួន​៧២​កន្លែង​។​

​ដោយឡែក​សម្រាប់​តម្លៃ​បោះ​ដុំ​ពង​ទា​កូន​ឲ​ម៉ូយ​ធំៗ នៅ​ទូទាំងប្រទេស​នៅ​ថ្ងៃទី​១១ ខែមករា ឆ្នាំ​២០២១ នេះ លោក សូត្រ សុផល ប្រធាន​សហគមន៍​ពង​ទា​កូន​ស្រែ​រនោង បាន​ឲ​ដឹងថា ពង​ទា​កូន​មានតម្លៃ ចាប់ពី​៥០០​រៀល ទៅ​៥៥០​រៀល​ក្នុង​មួយ​គ្រាប់ ចំពោះ​តម្លៃ​លក់រាយ​វិញ ក្នុង​១​គ្រប់ ៧០០​រៀល
​ក្នុងនោះ​សហគមន៍​យើង បាន​ផ្គត់ផ្គង់​ការនាំចេញ​ពង​ទារ​កូន​ក្នុង​មួយថ្ងៃ ១០​ម៉ឺន​គ្រាប់ សម្រាប់​នាំចេញ​ទៅតាម​បណ្តា​ខេត្ត និង​រាជធានី​ភ្នំពេញ​៕​

ទីតាំងផ្សាយពាណិជ្ជកម្ម

- Advertisment -

Most Popular