Home កីឡា Tottenham នឹង...

Tottenham នឹង​ត្រូវ​ប៉ះ Fulham ជំនួស​ឱ្យ Aston Villa បន្ទាប់​ពី​ផ្ទុះ​កូវី​ដ​១៩​នៅ​ជំរំ​របស់ Villa

​ប្រែ​សម្រួល : កញ្ញា​ដា​លី​ស ៖ ក្រុម​មាន់​ខ្នាយ​មាស Tottenham នឹង​ត្រូវ​ជួប​ក្រុម Fulham នៅ​រាត្រី​ថ្ងៃ​ពុធ​ទី​១៣​មករា បន្ទាប់​ពី​ការប្រកួត​របស់​ពួកគេ​នៅ​ឯ​ក្លិប Aston Villa ត្រូវបាន​ពន្យារពេល ខណៈ​ដែល​ក្របខ័ណ្ឌ Premier League បាន​ប្រកាស​ពី​ករណី​ថ្មី​ចំនួន ៣៦ នៅក្នុង​ការធ្វើតេ​ស្តិ៍​រក​មេរោគ​កូរ៉ូណា​ចុងក្រោយ​របស់​ខ្លួន​។​

​ដំណើរ​របស់ Fulham ទៅកាន់​ទឹកដី Spurs ត្រូវបាន​គ្រោង​ធ្វើឡើង​នៅ​ថ្ងៃទី ៣០ ខែ​ធ្នូ ប៉ុន្តែ​ត្រូវបាន​ពន្យារពេល​ដោយសារ​ការឆ្លង​វីរុស​កូរ៉ូ​ណា​នៅ​ឯ​ទឹកដី Craven Cottage ។​

​ការប្រកួត​របស់​ក្លិប​នៅ​ភាគ​ខាងលិច​នៃ​ទីក្រុង​ឡុង​ដ៍​ទល់​នឹង​ក្រុម​តោ​ខៀវ Chelsea ក៏​ត្រូវបាន​លើក​ពេល​ពី​រាត្រី​ថ្ងៃ​សុក្រ​ទៅ​ល្ងាច​ថ្ងៃ​សៅរ៍​ផងដែរ​។​

​ការប្រកួត​របស់ Spurs ទល់នឹង Villa បាន​ស្ថិតក្នុង​ភាពស្រពេចស្រពិល ចាប់តាំងពី​លេច​ឮ​ដំណឹង​កាលពី​សប្តាហ៍​មុន​ថា​មាន​ការ​ផ្ទុះឡើង​នៃ​កូវី​ដ​១៩ នៅឯ​ក្លឹប​ភាគ​កណ្តាល​ប្រទេស​នេះ ដោយ​មាន​កីឡាករ​ឈុត​ធំ ១០ នាក់​តេស្តិ៍​វិជ្ជមាន​។​

​ទោះយ៉ាងណា ការយល់ព្រម​ទទួល​យក​របស់ Fulham ក្នុងការ​ប្រកួត​ជា​មួយ Tottenham នៅ​សប្តាហ៍​នេះ​មានន័យថា កាលវិភាគ​ប្រកួត​ស្មុគស្មាញ​របស់ Spurs គឺ​នៅ​ដដែល តែ​មិន​យ៉ាប់​ជាង​មុន​នោះ​ទេ​។​

Villa ត្រូវ​បង្ខំចិត្ត​បិទ​កន្លែង​ហ្វឹកហាត់​របស់​ពួកគេ​និង​ដាក់​ក្រុម​យុវជន​ឱ្យ​លេង​នៅក្នុង​ការប្រកួត​ពានរ​ង្វាន់ FA Cup ក្នុង​ជុំ​ទី ៣ ទល់​នឹង​ក្រុម​ហង្ស​ក្រហម Liverpool កាលពី​ថ្ងៃ​សុក្រ​សប្តាហ៍​មុន ដោយសារ​តែ​កូវី​ដ​១៩​ផ្ទុះ​ពេញបន្ទុក​ក្នុង​ជំរំ​របស់ខ្លួន​៕

Spurs នឹង​ត្រូវ​ជួប Fulham នៅ​ថ្ងៃ​ពុធ ជំនួស​ឱ្យ Aston

ទីតាំងផ្សាយពាណិជ្ជកម្ម

- Advertisment -

Most Popular