បិទ​ការប្រកួត​កីឡាបាល់ទាត់ ជ្រើសរើស​ជើងឯក ដណ្ដើម​ពានរង្វាន់ ៧​មករា​

ដោយៈ សៅ​វ៉ាន់ឌី/ព្រះ​វិហារៈ ការប្រកួត​កីឡាបាល់ទាត់ ជ្រើសរើស​ជើងឯក ដណ្ដើមពាន រង្វាន់ ៧​មករា ក្នុងឱកាស​អបអរសាទ​រ​ខួប​លើក​ទី​៤២ ថ្ងៃជ័យ​ជំ​នៈ ៧​មករា បាន​ត្រូវ​ប្រកាស បិទ ក្នុង​ពិធី​ផ្លូវការ​មួយ កាលពី​រសៀល ថ្ងៃទី​១១ ខែមករា ឆ្នាំ​២០២១ ដោយបាន​រកឃើញ ម្ចាស់​ជ័យលាភី​លេខ​១ បាន​ទៅលើ​ក្រុម​ខ្លា​ព្រៃ ស៊ី​អេស​អូ​។​

​លោក នា​ន់ បូរ៉ា អនុប្រធាន​មន្ទីរអប់រំ យុវជន និង​កីឡា ខេត្តព្រះវិហារ បាន​អញ្ជើញ​ប្រគល់ ពានរង្វាន់ ដល់​ក្រុម​កីឡាករ ទទួលបាន​ជ័យលាភី នៃ​ការប្រកួត កីឡាបាល់ទាត់​ជ្រើសរើស ជើងឯក​ទូទាំង​ខេត្ត ប្រចាំឆ្នាំ​២០២១ ដែល​ការប្រកួត​នាពេលនេះ មាន​ចំនួន ៤ ពូ​ល ស្មើនឹង ១២ ក្រុម ដើម្បី​អបអរសាទរ​ខួប​លើក​ទី​៤២ នៃ​ថ្ងៃ​ជ័យជំនះ ៧ មករា ១៩៧៩ – ៧ មករា ២០២១ នៅ​មណ្ឌលកីឡា​ខេត្តព្រះវិហារ​។

​លោក នា​ន់ បូរ៉ា បាន​ថ្លែងថាៈ វិស័យ​កីឡា ត្រូវបាន​យកចិត្តទុកដាក់ យ៉ាងខ្លាំង​ពី រាជ​រដ្ឋា ភិ​បាល ក្នុងការ​ជំរុញ​វិស័យ​មួយ​នេះ ឆ្ពោះទៅរក​កិត្យានុភាព​ជាតិ សាមគ្គីភាព និង​មោទន ភាព​ជាតិ ព្រមទាំង​ជួយ​ពង្រឹង​សុខភាព និង​មិត្តភាព និង​ជួយ​ដល់​យុវជន គ្រប់​មជ្ឈដ្ឋាន ចៀស​ឆ្ងាយ​ពី​អំពើ​អបាយ មុខ​ផ្សេងៗ​។ ឆ្លងតាម​ការប្រកួត យ៉ាង​ស្វិតស្វាញ អស់​រយៈពេល ៧ ថ្ងៃ ដោយ​គិត​ចាប់ពី​ថ្ងៃទី​៥ ខែមករា ដល់​ថ្ងៃទី​១១ ខែមករា ឆ្នាំ​២០២១ និង​ដោយ​ឈរ លើ​ស្មារតី ចេះ​អធ្យាស្រ័យ​គ្នា មាន​សាមគ្គីភាព មិត្តភាព ហើយ​ប្រកាន់​បាន​យ៉ាង​ខ្ជាប់ខ្ជួន នូវ​គោលការណ៍​ច្បាប់ បញ្ញត្តិ បទបញ្ជា​បច្ចេកទេស​ផង​នោះ បានធ្វើឱ្យ​ការប្រកួត បញ្ចប់​ទៅដោយ​ភាពជោគជ័យ គួ​ជាទី​មោទនៈ​។​

​លោក​បាន​បញ្ជាក់ថាៈ ជា​លទ្ធផល នៃ​ការប្រកួត​បាល់ទាត់ នាពេលនេះ ចំណាត់ថ្នាក់​លេខ​១ បាន​ទៅលើ​ក្រុម​ខ្លា​ព្រៃ ស៊ី​អេស​អូ ទទួលបាន​ថវិកា ២ លាន​រៀល , លេខ​២ បាន​ទៅលើ ក្រុមព្រះ​វិហារ ស៊ី​ធី ទទួលបាន​ថវិកា ១​លាន ៦០​ម៉ឺន​រៀល និង​លេខ​៣ បាន​ទៅលើ​ក្រុម ព្រះវិហារ យូ​ណាយ​ធី​ត ទទួលបាន​ថវិកា ១​លាន ២០​ម៉ឺន​រៀល​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular