Home ព័ត៌មានអន្តរជាតិ ឥណ្ឌូនេស៊ី​ប្...

ឥណ្ឌូនេស៊ី​ប្រើ​មនុស្ស​យន្ត​ចុះ​ទៅ​បាតសមុទ្រ​ដើម្បី​រក​ជនរងគ្រោះ​និង​ប្រអប់​ខ្មៅ​

​ប្រែ​សម្រួលៈ​វាសនា​/​ហ្សា​ការតា​៖ ឥណ្ឌូនេស៊ី​កំពុង​ប្រើ​យាន​ប្រតិបត្តិការ​ក្រោម​ទឹក​បញ្ជា​ពី​ចម្ងាយ​ដើម្បី​ជួយ​អ្នក​មុជទឹក​ក្នុង​ការស្វែងរក​សាកស​ព​ជនរងគ្រោះ​ពី​ការធ្លាក់​យន្តហោះ​និង​ប្រអប់​ថត​ទិន្នន័យ​​ហោះហើរ​របស់​យន្តហោះ​Boeing 737-500​ដែល​បាន​ធ្លាក់​ចូល​ក្នុង​សមុទ្រ​កាលពី​៣​ថ្ងៃមុន​។​

​យន្តហោះ​នៃ​ក្រុមហ៊ុន​អាកាសចរណ៍​Sriwijaya Air ជាមួយនឹង​មនុស្ស​៦២​នាក់​នៅក្នុង​វា បាន​ធ្លាក់​ចូល​ក្នុង​សមុទ្រ​ចា​វ៉ា​កាលពី​រសៀល​ថ្ងៃ​សៅរ៍ នៅ​៤​នាទី​ក្រោយ​ចេញដំណើរ​ពី​ក្រុង​ហ្សា​ការតា​។​វា​ជា​គ្រោះថ្នាក់​​យន្តហោះ​ធំ​ទី​២​នៅ​ឥណ្ឌូនេស៊ី​ចាប់តាំងពី​អ្នកដំណើរ​និង​នាវិក​យន្តហោះ​១៨៩​នាក់​បាន​ស្លាប់​នៅពេល​យន្តហោះ​Boeing 737 MAX​របស់​ក្រុមហ៊ុន​អាកាសចរណ៍​ឥណ្ឌូនេស៊ី​មួយទៀត​បាន​ធ្លាក់​ចូល​ក្នុង​​សមុទ្រ​ចា​វ៉ា ក្រោយ​ចេញដំណើរ​បាន​បន្តិច​កា​លពី​ឆ្នាំ​២០១៨​។​

​ពួក​អ្នក​មុជទឹក​ស្វែងរក​កាលពី​ថ្ងៃ​ចន្ទ​បាន​បំ​ព្រួញតំបន់​ស្វែងរក​ប្រអប់​ខ្មៅ​តែ​ការងារ​របស់​គេ​ត្រូវ​រំខាន​ដោយ​អាកាសធាតុ​មិនល្អ​និង​កំទេចកំទី​យន្តហោះ​នៅ​រាយប៉ាយ​ពេញ​បាតសមុទ្រ​។​

​យាន​ប្រតិបត្តិការ​ក្រោម​ទឹក​(​មនុស្ស​យន្ត​គ្មាន​មនុស្ស​បើក​)​ដែល​បញ្ជា​ពី​ចម្ងាយ​ក៏​ត្រូវបាន​បញ្ជូន​ចុះ​ទៅ​ស្វែងរក​នៅ​បាតសមុទ្រ នៅពេល​នាវា​កងទ័ពជើងទឹក​ប្រើ​ឧបករណ៍​ស្ទង់​ចាប់​ពី​លើ​ផ្ទៃ​ទឹក​ទៅ​។​

​នៅពេល​គេ​រកឃើញ​ប្រអប់​ខ្មៅ នោះ​គណៈកម្មាធិការ​សុវត្ថិភាព​គមនាគមន៍​ជាតិ​ឥណ្ឌូនេស៊ី នឹង​អាច​អាន​ព័ត៌មាន​មាន​តាំងពី​កំពស់​ហោះ ល្បឿន​និង​ការសន្ទនា​ដែល​វា​ថត​ទុក​ក្នុង​យន្ត​រយៈពេល​៣​ថ្ងៃ​។​

​នៅពេល​មិន​ទាន់​មាន​ដាន​អំពី​មូលហេតុ​បណ្តាលអោយ​យន្តហោះ​ធ្លាក់ ពួក​អ្នក​ស៊ើបអង្កេត​នឹង​នៅតែ​ពឹង​លើ​ប្រអប់​ខ្មៅ​ដើម្បី​កំណត់​បញ្ហា​៕

​នាវា​កងទ័ពជើងទឹក​ប្រើ​ឧបករណ៍​ស្ទង់​ចាប់​ពី​លើ​ផ្ទៃ​ទឹក នៅ​ពេល​អ្នក​មុជទឹក​និង​យាន​ប្រតិបត្តិការ​ក្រោម​ទឹក​ចុះ​ទៅ​រក​ប្រអប់​ខ្មៅ​នៅ​បាតសមុទ្រ​

 

កំទេចកំទីយន្តហោះនៅរាយប៉ាយពេញបាតសមុទ្រត្រង់កន្លែងយន្តហោះធ្លាក់

ទីតាំងផ្សាយពាណិជ្ជកម្ម

- Advertisment -

Most Popular