Home ព័ត៌មានជាតិ សង្គម ប្រតិភូ​ក្រសួ...

ប្រតិភូ​ក្រសួងសុខាភិបាល និង​អង្គការ WHO ពិនិត្យ​វាយតម្លៃ​លើ​សេវា​សុខាភិបាល លើ​ការធ្វើ​ច​ត្តា​ឡី​ស័ក​ពលករ​ខ្មែរ​

ដោយ​: ភ្នំ​ស្វាយ / បន្ទាយមានជ័យ​: ប្រតិភូ​ក្រសួងសុខាភិបាល​និង​អង្គការ WHO កាលពី​ថ្ងៃទី​១១​ខែមករា​ឆ្នាំ​២០២១ ពិនិត្យ​វាយតម្លៃ​លើ​សេវា​សុខាភិបាល​លើ​ការធ្វើ​ច​ត្តា​ឡី​ស័ក​ពលករ​ខ្មែរ​នៅ​មណ្ឌល និង​នៅ​មន្ទីរពេទ្យ​។​

​លោកស្រី​វេជ្ជបណ្ឌិត ឱ វណ្ណឌី​ន រដ្ឋលេខាធិការ​ក្រសួង​សុខ​ភិ​បាល និង​ជា​អ្នកនាំពាក្យ លោកស្រី​លី អៃ​ឡាន Li Ailan តំណាង អង្ក​ការ​សុខភាព​ពិភពលោក​(WHO) ប្រចាំ​នៅ​កម្ពុជា បាន​ដឹកនាំ​គណៈប្រតិភូ​បាន​ចុះមក​ពិនិត្យ វាយតម្លៃ និង​ផ្តល់​ការណែនាំ​ការងារ​បច្ចេកទេស លើ​ការ​ពិន​ត្យ និង​ព្យាបាល​អ្នក​វិជ្ជមាន​កូ​វីដ​១៩ ដែល​កំពុង​សម្រាក​ព្យាបាល​ឲ្យ​មានបាន​ល្អប្រសើរ និង​បានផ្តល់​ជា​ម៉ាស៊ីន​វាស់​ចង្វាក់បេះដូង​ចំនួន​០១​គ្រឿង ជា​អំណោយ​ដ៏​ថ្លៃថ្លា​របស់​វេជ្ជបណ្ឌិត​លោក​សាស្ត្រ​ចា​រ្យ​រដ្ឋមន្ត្រី ប្រគល់ជូន​មន្ទីរពេទ្យ​ខេត្ត​មិត្តភាព​កម្ពុជា ជប៉ុន មង្គល​បូរី នៅ​ស្រុក​មង្គល​បូរី​។​

​បន្ទាប់ពី​ចុះ​ពិនិត្យ​ការងារ​នៅ​មន្ទីរពេទ្យ​ខេត្ត ប្រតិភូ​បាន​ចុះ​ពិនិត្យ​ការងារ​នៅ​ម​ព្ឌ​ល​ច​ត្តា​ឡី​ស័ក​ក​ម្រឹត​២ (QC2) កង​វ៉ា របស់​រដ្ឋាភិបាល​ខេត្តបន្ទាយមានជ័យ​។​

​នាឱកាស​នោះ ប្រតិភូ​ត្រូវ​បានទទួល​ការស្វាគមន៍ ពី​សំណាក់​លោក អ៊ុ រាត្រី អភិបាលខេត្ត និង​ជា​ប្រធាន​គណៈកម្មាការ​ប្រយុទ្ធ​នឹង​ជំងឺ​កូ​វីដ​១៩​ខេត្ត​។ តំណាង​ស្ថាប័ន​សុខាភិបាល​ទាំង​២​និង​រដ្ឋបាលខេត្ត ព្រមទាំង​បាន​ពិភាក្សា​ការងារ​សំខាន់ៗ លើ​រៀបចំ​ទីកន្លែង​ព្យាបាល​អ្នកជំងឺ​កូ​វីដ​១៩ ការគាំទ្រ និង​ការធ្វើ​ច​ត្តា​ឡី​ស័ក របស់​បងប្អូន​ប្រជាពលរដ្ឋ​ឲ្យ​បានល្អ​ប្រសើរ​៕​

ទីតាំងផ្សាយពាណិជ្ជកម្ម

- Advertisment -

Most Popular