Home ព័ត៌មានជាតិ សេដ្ឋកិច្ច រថយន្ត​ធំ​បី​...

រថយន្ត​ធំ​បី​គ្រឿង​នាំ​ត្រី​លោតឆ័ត្រ​ចូល​ស្រុក​ត្រូវបាន​ឃាត់​

ដោយ​: ប​.​ខុន / ភ្នំពេញ​: ត្រី​ការ​ហែ ឆ្ពិន កាប ទី​ឡា​ព្យា​ក្រហម និង ត្រី​ទាំ​ឡា​ព្យា​ខ្មៅ​ចំនួន​បី រថយន្ត​ធំ​ដែល​គេ​បាន​នាំចូល​ដោយ​គ្មាន​លិខិតអនុញ្ញាត ត្រូវបាន​ចាប់​ទុក​ដោយ រដ្ឋបាល​ជល​ផ​ផល​នៅ​រាជធានី​ភ្នំពេញ ក្នុងពេល​យុទ្ធនាការ​ទប់ស្កាត់​ការផ្អាក​នាំ ចូល​ផល​ផលិតផល​ជលផល តាម​ការសម្រេច​របស់​ក្រសួងកសិកម្ម រុក្ខាប្រមាញ់ និង​នេសាទ​។​

​លោក ងិន ឌី នាយ​ខណ្ឌ​រដ្ឋបាល​ជល​ផលរាជ​ធានី​ភ្នំ​បាន​ប្រាប់​ឱ្យ​រស្មី​កម្ពុជា ដឹង​នៅ​ថ្ងៃទី​១២​ខែមករា​ឆ្នាំ​២០២១​ថា នៅក្នុង​យុទ្ធនា​ការចុះ​ទប់ស្កាត់​ការផ្អាក នាំ ចូល​ផល ផលិត ផល​ជលផល​(​ត្រី​ប្រា ត្រី​ពោ ត្រី​អណ្តែង​និង​ត្រី​ឆ្តោ​) ដឹក នាំ ដោយ នាយកដ្ឋាន​និតិ​កម្ម​និង​វិវាទ​នៃ​រដ្ឋបាល​ជលផល​កាល​ពី​យប់​ថ្ងៃទី​១១​ខែមករា​បាន ឃាត់ទុក​រថយន្ត​ធំ​ចំនួន​បី​គ្រឿង​ដែល​បាន​ដឹក​ត្រី​នាំចូល​(​ពី​វៀតណាម​)​ដោយ​មិនមាន ច្បាប់​។​

​រថយន្ត​ធំ​ទាំងបី​គ្រឿង​ដែល​ត្រូវបាន​ឃាត់​និង​រក្សាទុក​នៅ​រដ្ឋ​បាលជ​ល​ផល​នេះ លោក ងិន ឌី និយាយថា​មាន​ដឹក​ត្រី​ការ​ហែ ឆ្ពិន កាប ទី​ឡា​ព្យា​ក្រហម​និង​ត្រី ទាំ​ឡា​ព្យា​ខ្មៅ ដែល​មិន​ស្ថិតនៅក្នុង​បញ្ជី​ដែល​ត្រូវឱ្យ​ផ្អាក​ទេ តែ​ការដឹកជញ្ជូន​នាំ គ្មាន​ច្បាប់​។ យុទ្ធនាការ​ទប់ស្កាត់​ការផ្អាក នាំចូល​ផល​ផលិតផល​ជលផល​បានចាប់ផ្តើម​អនុវត្ត​នៅ​យប់​ថ្ងៃទី​១១​ខែមករា នៅ​ទូទាំងប្រទេស​។​

​លោក ហេង សុធា​រិ​ទ្ធ នាយ​ខណ្ឌ​រដ្ឋបាល​ជល​ផល​ខេត្តកណ្តាល បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​១២​ខែមករា​ឆ្នាំ​២០២១​ថា ក្រុម​របស់លោក​បានចេញ​ធ្វើការ​ហើយ ដោយ​សហការ​ជាមួយនឹង​អធិការដ្ឋាន​រដ្ឋ​បាលជ​ល​ផល​ចតុមុខ តែ​មិនទាន់មាន​ចាប់បាន​ការដឹកជញ្ជូន​ត្រី​ត្រូវឱ្យ​ផ្អាក​នោះ​នៅឡើយ​ទេ ថ្ងៃនេះ​បានដាក់​កម្លាំង​បន្ថែមទៀត ទៅតាម​គោលដៅ និង​បញ្ជូន​ទៅដល់​មាត់ច្រក​ព្រំដែន ដើម្បី​ស្កាត់​ការ​នាំចូល​ប្រភេទ​ត្រី​ដែល​បានឱ្យ​ផ្អាក​នាំចូល​។​

​យុទ្ធនាការ​ទប់ស្កាត់​ការផ្អាក នាំចូល​ផល​ផលិតផល​ជលផល (​ត្រី​ប្រា ត្រី ពោ ត្រី​អណ្តែង​និង​ត្រី​ឆ្តោ​)​នេះ បាន​ធ្វើឡើង​បន្ទាប់ពី​ក្រសួងកសិកម្ម រុក្ខាប្រមាញ់ និង​នេសាទ ចេញ​សេចក្តីប្រកាស​ព័ត៌មាន ស្តី​ការផ្អាក​នាំចូល (​ត្រី​ប្រា ត្រី ពោ​ត្រី​អ ណ្តែ ង និង​ត្រី​ឆ្តោ​) ជា​បណ្តោះអាសន្ន កាលពី​ថ្ងៃទី​៨​ខែមករា​ឆ្នាំ​២០២១​រួចមក​។​

​ក្រសួងកសិកម្ម រុក្ខាប្រមាញ់​និង​នេសាទ កាលពី​ថ្ងៃទី​៨​ខែមករា​ឆ្នាំ​២០២១ បានប្រកាស​ព័ត៌មាន​ថា​អនុវត្តតាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នា​ថ្ងៃទី​១៨ ខែកុម្ភៈ ឆ្នាំ​២០២០ ក្នុង​ពិធី​ប្រគល់​សញ្ញាប័ត្រ​ដល់​គរុ​សិស្ស គរុ​និស្សិត​បញ្ចប់ ការសិក្សា ឆ្នាំ​២០១៨-២០១៩ នៅ​វិទ្យាស្ថាន​ជាតិ​អប់រំ និង​ថ្ងៃទី​១៤ ខែកក្កដា ឆ្នាំ​២០២០ ក្នុងឱកាស​ជួប​សំណេះសំណាល​ជាមួយ​បងប្អូន​ប្រជាកសិករ វា​រី​វប្បករ នៅ​មជ្ឈមណ្ឌល​ស្រាវជ្រាវ​និង​អភិវឌ្ឍន៍​ត្រី​ទឹកសាប​បាទី ខេត្តព្រៃវែង​ដែល សម្តេច​តេ​ជោ​បាន​ណែនាំ​ហើយ​ណែនាំ​ទៀត​ឱ្យប្រើ​ប្រាស់​ឱកាស​មាស ក្នុង​ការដាំដុះ ចិញ្ចឹម​ត្រី​និង​សត្វ ដើម្បី​ឈានទៅដល់​ការកាត់បន្ថយ​ការនាំ​ចូល និង​ផ្អែក​តាម​សំណូមពរ​របស់​សមាគម​ន​វា​រី​វប្បករ​នៅ​កម្ពុជា​ផង ក្រសួងកសិកម្ម រុក្ខា ប្រមាញ់ និង​នេសាទ បានធ្វើការ​ពិនិត្យ​និង​ពិចារណា​ក្នុងការ​ផ្អាក​ជា​បណ្តោះអាសន្ន​នូវ​ការ​នាំចូល​ផលិតផល​ជលផល ដែល​វា​រី​វប្បករ​ក្នុងស្រុក​អាច​ផលិត​បាន​ដូចជា​ត្រី ប្រា ត្រាំ​ពោ ត្រី​អណ្តែង និង​ត្រី​ឆ្តោ​ជាដើម ដើម្បី​ជួយ​ដោះស្រាយ​បញ្ហា​ប្រឈម ទីផ្សារ​ផលិតផល​វារីវប្បកម្ម​នាពេល​បច្ចុប្បន្ន រួមចំណែក​ក្នុងការ​ផលិត​ក្នុងស្រុក​ឱ្យ បាន ខ្លាំង ក្លា​និង​ឈានទៅរក​ការនាំចេញ​ពេលខាងមុខ​។​

​ក្នុង​សេចក្តីប្រកាស​ព័ត៌មាន​សរសេរ​ទៀតថា ថ្មីៗ​នេះ ក្រសួងកសិកម្ម រុក្ខា ប្រមាញ់​និង​នេសាទ សង្កេតឃើញថា​មាន​ក្រុម អាជីវករ​នាំចេញ​នាំចូល​ផល​ផលិតផល​ជលផល​មួយចំនួន មាន​ការមិន​ពេញចិត្ត​ចំពោះ​ចំណាត់ការ នៃ​ការផ្អាក​ជា​បណ្តោះអាសន្ន​នូវ​ការ​នាំចូល​ផលិតផល​ជលផល ដែល​អាច​ផលិត​បាន​នៅក្នុង​ស្រុក​នាពេល​កន្លងមក​។ ដូចនេះ​ដើម្បី​ដោះស្រាយ​បញ្ហា​ខាងលើ នៅ​ព្រឹក​ថ្ងៃទី​៨ ខែមករា ឆ្នាំ​២០២១ ក្រសួងកសិកម្ម រុក្ខាប្រមាញ់ និង​នេសាទ បានរៀបចំ​កិច្ចប្រជុំ​ពិភាក្សា​ជាមួយ​ភាគី​ពាក់ព័ន្ធ រួមមាន​សមាគមន​វា​រីករ​នៅ​កម្ពុជា និង​តំណាង​អាជីវករ​នាំចេញ​នាំចូល​ផល​ផលិតផល​ជលផល និង​បាន​ព្រមព្រៀងគ្នា​អនុវត្ត​នូវ​វិធាន ការ​បន្ទាន់​មួយចំនួន​ដូចខាងក្រោម​៖
​ ​- សមាគមន​វា​រី​វប្បករ​នៅ​កម្ពុជា​ត្រូវ​រៀបចំ​ផ្តល់នូវ​ពត៍​មាន​ដែល​ទាក់ ទង​ទៅ នឹង ប្រភេទ​បរិមាណ​ផល​ផលិតផល​វារីវប្បកម្ម​ដែល​ត្រូវ​ដល់ពេល​ប្រមូល​ផល​នៅ តាម​ខែ​នីមួយៗ​ដល់​អាជីវករ​ប្រមូល​ទិញ​នាំចេញ​នាំចូល​ផល​ផលិតផល​ជលផល​ដើម្បី​ចុះ​ប្រមូល​ទិញ​ផល​ផលិតផល ជលផល ដែល​ផលិត​បាន​នៅក្នុង ស្រុក​ទាំង នោះ សម្រាប់​ផ្គត់ផ្គង់​ទីផ្សារ​ក្នុងស្រុក​។​
​ ​- តំណាង​អាជីវករ​នាំចេញ នាំចូល​ផល​ផលិតផល​ជលផល​បាន​យល់ព្រម ផ្អាក​នូវ​ការស្នើសុំ​នាំចូល​ប្រភេទ​ត្រី​ដែល​វា​រី​វប្បករ​ផលិត​បាន​ច្រើន​ដូចជា ត្រី​ប្រា ត្រី​ពោ ត្រី​អណ្តែង​និង​ត្រី​ឆ្តោ ព្រមទាំង​ប្រភេទ​ត្រី​មួយចំនួនទៀត ដែល​អាច​ច​ញ្ចឹ​ម បាន​ក្នុងស្រុក​តាម​ការជូនដំណឹង​របស់​សមាគមន​វា​រី​វប្បករ​នៅ​កម្ពុជា​។​
​ ​- តំណាង​អាជីវករ​នាំចេញ​នាំចូល​ផល​ផលិតផល​ជលផល បាន​ឯកភាព ក្នុងការ​បង្កើត​នូវ​សមាគមន និង​បណ្តុំ​អ្នកប្រមូល​ទិញ​ផល​ផលិតផល​ជលផល នៅតាម​តំបន់​ដើម្បី​ប្រមូល​ទិញ​ផល​ផលិតផល​ជលផល ដែល​ផលិត​បាន​។​

​នៅក្នុង​សេចក្តីប្រកាស​ព័ត៌មាន​បាន​សរសេរ​ទៀតថា ចំពោះ​ការនាំ​ចូល​ឆ្លង កាត់​ផល​ផលិតផល​ជលផល​តំណាង​អាជីវករ​នាំចេញ​នាំចូល​ផល​ផលិតផល​ជលផល​ធានាថា នឹងមាន​ការចុះបញ្ជី​ទទួលស្គាល់​នៅ​ដើមទី និង​ចុង​ទី​ពី​មន្ត្រីជលផល​មាន​សមត្ថកិច្ច និង​ធានាថា មិនមាន​ទម្លាក់​ចែកចាយ​ផល​ផលិតផល ជលផល ឆ្លងកាត់​នេះ​ចូលទៅក្នុង​ទីផ្សារ ក្នុងស្រុក​ឡើយ​៕​

ទីតាំងផ្សាយពាណិជ្ជកម្ម

- Advertisment -

Most Popular