រាជវាំង​ថៃ​បញ្ចេញ​រូបថត​ស្តេច​និង​អ្នក​ម្នាង​កំពុង​បោស​សំរាម​នៅ​ពន្ធនាគារ​

​ប្រែ​សម្រួល : កញ្ញា​ដា​លី​ស ៖ ព្រះបរមរាជវាំង​របស់​ថៃ​បានបញ្ចេញ​នូវ​រូបថត​របស់​ព្រះ​មហា​ក្សត្រ មហា វិជ្ជ​រ៉ា​ឡុងកន យាង​ធ្វើ​ទស្សនកិច្ច​នៅ​ពន្ធនាគារ​ជាមួយ​អ្នក​ម្នាង ស៊ី​នី​ណាត វង់​វិជ្ជរ៉ាភ​ក្តី​ខណៈ​ក្រុម​​គ្រួសារ​រាជវង្សានុវង្ស​បង្កើន​វត្ត​មាន​ជា​សាធារណៈ បន្ទាប់ពី​មាន​ការតវ៉ា​ទ្រង់ទ្រាយ​ធំ​ទាមទារ​ឱ្យ​ធ្វើ​កំណែទម្រង់​របប​រា​ជា​ធិបតេយ្យ​។​

​នៅក្នុង​រូប​មួយ​នៃ​ព្រឹត្តិប័ត្រ​រាជវង្ស​ចេញផ្សាយ​ពេលយប់​នៅលើ​ប៉ុស្តិ៍​ទូរទស្សន៍​រដ្ឋ​និង​ឯកជន​កាលពី​ថ្ងៃ​សៅរ៍ (៩ មករា​) ព្រះមហាក្សត្រ​និង​អ្នក​ម្នាង​ដែល​ព្រះអង្គ​ប្រគល់​តំណែង​ឱ្យ​វិញ​កាលពី​ឆ្នាំមុន​​បន្ទាប់ពី​ត្រូវ​ដកតំណែង​ចេញ​យ៉ាង​អាម៉ាស់​នោះ បានបង្ហាញ​ព្រះរាជ​វត្តមាន​យាង​ត្រួតពិនិត្យ​គម្រោង​នានា​នៅតាម​ពន្ធនាគារ​ទូទាំង​ប្រទេស​ថៃ​។​

​ក្នុង​រូបថត​គេ​ឃើញ​ពួក​ទ្រង់​កំពុង​បោស​សំរាម​និង​មានបន្ទូល​ទៅកាន់​មន្ត្រី​ក្នុងអំឡុងពេល​ពីរ​ខែ​ចុង​ក្រោយ​នៃ​ឆ្នាំ ២០២០​ហើយ​រូបថត​ក៏​បង្ហាញ​បទសម្ភាសន៍​របស់​ទ្រង់​ជា​មួយ​អ្នកទោស​អំពី​អត្ថប្រយោជន៍​​នៃ​គម្រោង​ទាំងនោះ​ផង​ដែរ​។​

​ការបង្ហាញ​រូបថត​បែប​នេះ​បាន​ក្លាយជា​រឿង​ធម្មតា​ទៅ​ហើយ​ចាប់តាំងពី​ព្រះមហាក្សត្រ​បាន​វិលត្រឡប់​មក​ប្រទេស​ថៃ​វិញ​ជាមួយ​មហាក្សត្រិយ៍​ស៊ូ​ធីតា​និង​បរិវារ​របស់​ព្រះអង្គ​ចំពេល​មាន​បាតុកម្ម​មិន​ធ្លាប់​មាន​ពីមុន​មក​អំពាវនាវ​ឱ្យ​មាន​ការផ្លាស់​កែ​ទំរង់​របប​រាជានិយម​និង​ការលាលែង​ពី​តំណែង​របស់​នាយក​រដ្ឋមន្ត្រី​ដែល​គាំទ្រ​ដោយ​យោធា​។​

​ការទាមទារ​ឱ្យ​ទម្លាក់​លោកនាយក​រដ្ឋមន្ត្រី​ប្រា​យុទ្ធ ចាន់​អូ​ចា​និង​ការ​រឹតត្បិត​អំណាច​ទើប​ពង្រីក​ថ្មីៗ​របស់​ព្រះមហាក្សត្រ​បាន​បំបែក​នូវ​បម្រាម​ជា​យូរ​ឆ្នាំ​មក​ហើយ​នៅក្នុង​ប្រទេស​មួយ​ដែល​ប្រពៃណី​អភិរក្ស​​ចាត់ទុក​ព្រះមហាក្សត្រ​ជា​ព្រះ​និង​ហាមឃាត់​ការរិះគន់​ជាដាច់ខាត​៕

​ព្រះមហាក្សត្រ មហា វិជ្ជ​រ៉ា​ឡុង​កននិង​អ្នក​ម្នាង​យាង​បោស​សំរាម​តាម​ពន្ធនាគារ និង​ពិនិត្យមើល​គំរោង​នានា​

ទីតាំងផ្សាយពាណិជ្ជកម្ម

- Advertisment -

Most Popular