យប់​នេះ និង​យប់​ស្អែក ត្រជាក់​ជាង​យប់មិញ​

ដោយៈ ប​.​ខុន / ភ្នំពេញៈ យប់​នេះ និង​យប់​ស្អែក ត្រជាក់​ជាង​យប់មិញ ជាមួយនឹង​ខ្យល់មូសុង​ឦសាន ខ្លាំង​រហូតដល់ ថ្ងៃទី​១៥ ខែមករា ទើប​សីតុណ្ហភាព អប្បបរមា ចាប់ផ្តើម​ងើបឡើង​វិញ​។​

​លោក ចាន់ យុ​ត្ថា អ្នកនាំពាក្យ និង​ជា​រដ្ឋលេខាធិការ ក្រសួង​ធនធានទឹក និង​ឧតុនិយម បានឱ្យ​រស្មី​កម្ពុជា ដឹង​នៅ​ថ្ងៃទី​១២ ខែមករា ឆ្នាំ​២០២១​ថាៈ យប់​នេះ (១២ មករា​) និង​យប់​ស្អែក ធាតុអាកាស​ត្រជាក់ ជាង​យប់មិញ នៅ​គ្រប់​រាជធានី ខេត្ត ជាមួយនឹង​ខ្យល់មូសុង​ឦសាន​ខ្លាំង រហូតដល់​ថ្ងៃទី​១៥ ខែមករា ទើប​សីតុណ្ហភាព​អប្បបរមា ចាប់ផ្តើម​ងើបឡើង​វិញ​បន្តិច ប៉ុន្តែ​នៅតែ​ត្រជាក់ រហូតដល់​ថ្ងៃទី​១៩ មករា​។​

​ក្រសួង​ធនធានទឹក និង​ឧតុនិយម បាន​ជូនដំណឹង នៅ​ថ្ងៃទី​១២​ខែ មករា​នេះ ស្តីពី​ការ​ព្យាករ ស្ថានភាព​អាកាសធាតុ សម្រាប់​ពីថ្ងៃ​ទី​១៣ ដល់​ថ្ងៃទី​១៩ ខែមករា ឆ្នាំ​២០២​ថាៈ ទ្រនុង​សម្ពាធ​ខ្ពស់ ពី​ភាគ​ខាងជើង បាននិងកំពុង​ធ្លាក់ចុះ​មកក្រោម គួបផ្សំ​ជាមួយនឹង​ខ្យល់មូសុង​ឦសាន​ខ្លាំង ពីថ្ងៃ​ទី​១៣-១៥ ខែមករា​។​

យប់​នេះ និង​យប់​ស្អែក ត្រជាក់​ជាង​យប់មិញ​

​ក្នុង​សេចក្តីជូនដំណឹង បាន​សរសេរ​ទៀតថាៈ ស្ថានភាព​បែបនេះ ធ្វើ​ឲ្យ​បណ្តា​ខេត្ត​នៅ​តំបន់​វាលទំនាប​កណ្តាល នា​ថ្ងៃទី​១៣-១៤ ខែមករា មាន​សីតុណ្ហភាព អប្បបរមា​ពី ១៣-១៦ អង្សា​សេ​, សីតុណ្ហភាព​អតិបរមា មាន​ពី ២៣-២៦ អង្សា​សេ និង​ចាប់ផ្តើម​ងើបឡើង​វិញ ចាប់ពី​ថ្ងៃទី​១៥ ខែមករា​។​

​សម្រាប់​ខេត្ត ជាប់​ជួរ​ភ្នំ​ដងរែក និង​ខ្ពង់រាប​ឦសាន នៅ​ថ្ងៃទី​១៣-១៤ ខែមករា មាន​សីតុណ្ហភាព​អប្បបរមា ពី ១១-១៤ អង្សា​សេ , សីតុណ្ហភាព​អតិបរមា មាន​ពី ២៣-២៦​អង្សា​សេ នៅ​ថ្ងៃទី​១៥-១៩​ខែមករា សីតុណ្ហភាព​អប្បបរមា មាន​ពី ១៦-១៩ អង្សា​សេ និង​សីតុណ្ហភាព​អតិបរមា មាន​ពី ២៧-៣០ អង្សា​សេ​។

យប់​នេះ និង​យប់​ស្អែក ត្រជាក់​ជាង​យប់មិញ​

​នៅ​តំបន់​មាត់សមុទ្រ នា​ថ្ងៃទី​១៣-១៤ ខែមករា មាន​សីតុណ្ហភាព​អប្បបរមា ពី ២២-២៤ អង្សា​សេ , សីតុណ្ហភាព​អតិបរមា មាន​ពី ២៩-៣១ អង្សា​សេ ។ នៅលើ ផ្ទៃសមុទ្រ មាន​ខ្យល់ និង​រលក​សមុទ្រ​ខ្ពស់ៗ នៅ​ថ្ងៃទី​១២ ខែមករា​។ ពីថ្ងៃ​ទី ១៥-១៩ ខែមករា សីតុណ្ហភាព​អប្បបរមា មាន​ពី ១៩-២២ អង្សា​សេ និង សីតុណ្ហភាព​អតិបរមា មាន​ពី ២៧-៣០ អង្សា​សេ​។​

​ក្រសួង​ធនធានទឹក និង​ឧតុនិយម បាន​អំពាវនាវ នៅក្នុង​សេចក្តីជូនដំណឹង​នេះ ទៅ​ប្រជាពលរដ្ឋ និង​ជាពិសេស​វីរៈ​កងទ័ព រស់នៅ និង​ឈរជើង​នៅ តំបន់​ជួរ​ភ្នំ​ដងរែក និង​ខ្ពង់រាប​ភាគ​ឦសាន សូម​បន្ត​បង្កើន​យកចិត្តទុកដាក់ ថែរក្សា​សុខភាព ចំពោះ​ធាតុអាកាស ដែល​បន្ត​ត្រជាក់ នៅ​តំបន់​នោះ ៕/V​

យប់​នេះ និង​យប់​ស្អែក ត្រជាក់​ជាង​យប់មិញ​

ទីតាំងផ្សាយពាណិជ្ជកម្ម

- Advertisment -

Most Popular