Home ព័ត៌មានសំខាន់ៗ បឹង​តាកែវ ចាប...

បឹង​តាកែវ ចាប់ផ្តើម​ខ្សត់​ត្រី ក្រោយ​មាន​ជនខិលខូច​លួច​ឆក់​

ដោយៈ តាកែវ / តាកែវៈ ប្រជាពលរដ្ឋ ជា​អ្នក​ស្ទូចត្រី​រស់ ក្នុង​ក្រុង​ដូន​កែវ ខេត្តតាកែវ បាននាំគ្នា​និយាយថាៈ បឹង​តាកែវ ចាប់ផ្តើម​ខ្សត់​ត្រី​ហើយ ពោលគឺ មិនមាន​ត្រី​ច្រើន ដូច​មុន​នោះទេ ដោយសារ​មាន​អ្នក​លួច​ឆក់​ត្រី ក្នុង​បឹង​តាម​ទូក នៅ​ពាក់​កណ្តាលអធ្រាត្រ ស្ទើរ​រៀងរាល់ថ្ងៃ ក្នុងនោះ ប្រជាពលរដ្ឋ ដែលជា​អ្នក​ស្ទូចត្រី (​បបក់ត្រី​) នៅក្នុង​ក្រុង​ដូន​កែវ បានស្នើ​សុំឱ្យ​មន្ត្រី​ជំនាញ ជួយ​អន្តរាគមន៍ ទប់ស្កាត់​ជាបន្ទាន់ ដើម្បី​រក្សា​ត្រី នៅក្នុង​បឹង​តាកែវ ដែលជា​តំបន់​អភិរក្ស​នេះ ឱ្យបាន​ដាច់ខាត​។

​ថ្លែងប្រាប់​អ្នក​សារ​ព​ត័​មាន តាមរយៈ​ទូរស័ព្ទ នៅ​ព្រឹក​ថ្ងៃទី​១២ ខែមករា ឆ្នាំ​២០២១ នេះ លោក សៅ កុស​ល្យ នាយ​ខ័​ណ្ឌ​រដ្ឋបាល​ជលផល ខេត្តតាកែវ បានឱ្យដឹងថាៈ ក្រោយ​មានការ​លើកឡើង ពី​បងប្អូន​ប្រជាពលរដ្ឋ​ថា មាន​សកម្មភាព​លួច​ឆក់​ត្រី ក្នុង​បឹង​តាកែវ ដែលជា​មូលហេតុ ធ្វើឱ្យ​ចំនួន​ត្រី ក្នុង​បឹង កាន់តែ​បាត់បង់​នោះ លោក​រួមជាមួយ​ក្រុមមន្ត្រី​ជំនាញ បាន​លួច​ឃ្លាំមើល ក៏​ឃើញ​មាន​សកម្មភាព លួច​ឆក់​ត្រី ក្នុង​បឹង ពិតប្រាកដ​មែន ហើយ​ក្នុងនោះ មន្ត្រី​ជំនាញ​យើង បាន​ឃាត់ខ្លួន​បាន​ជនល្មើស​ម្នាក់ រួមជាមួយ​វត្ថុតាង ហើយ​បាន​កសាង​សំណុំរឿង បញ្ជូន​ជនសង្ស័យ ខាងលើ ទៅ​សាលាដំបូង​ខេត្តតាកែវ រួចហើយ កាលពីដើម​ខែមករា ឆ្នាំ​២០២១ ថ្មីៗ​នេះ ។​

​គួរបញ្ជាក់​ថាៈ បឹង​តាកែវ មិន​ត្រឹមតែ​ជា​ប្រភពទឹក ដ៏​សំខាន់ សម្រាប់​ផ្គត់ផ្គង់​ទឹកស្អាត និង​ទឹក​សម្រាប់ ផលដំណាំ ស្រែចំការ​របស់​បងប្អូន​ប្រជាពលរដ្ឋ ក្នុង​ក្រុង​នោះទេ ថែមទាំង​ជា​ដែន​ជម្រក​ត្រី​ពង ថែមទៀត ហើយ​បឹង​នេះ ត្រូវបាន​ដាក់​ជា តំបន់​អភិរក្ស មិន​ឱ្យមាន​សកម្មភាព​ឆក់​ត្រី ឬ​នេសាទ ទ្រង់ទ្រាយ​ធំ​នោះឡើយ ព្រោះ​ល្មើ​សនឹង​ច្បាប់​៕/V​

បឹង​តាកែវ ចាប់ផ្តើម​ខ្សត់​ត្រី ក្រោយ​មាន​ជនខិលខូច​លួច​ឆក់​

បឹង​តាកែវ ចាប់ផ្តើម​ខ្សត់​ត្រី ក្រោយ​មាន​ជនខិលខូច​លួច​ឆក់​

បឹង​តាកែវ ចាប់ផ្តើម​ខ្សត់​ត្រី ក្រោយ​មាន​ជនខិលខូច​លួច​ឆក់​

បឹង​តាកែវ ចាប់ផ្តើម​ខ្សត់​ត្រី ក្រោយ​មាន​ជនខិលខូច​លួច​ឆក់​

ទីតាំងផ្សាយពាណិជ្ជកម្ម

- Advertisment -

Most Popular