Home ព័ត៌មានអន្តរជាតិ លោក​ផ​មផេវ​លុ...

លោក​ផ​មផេវ​លុបចោល​ដំណើរ​ទស្សន​កិច្ច​នៅ​បរទេស​ចុងក្រោយ ខណៈ​សភា​កំពុង​ធ្វើ​ចំណាត់ការ​ចោទប្រកាន់​លោក​ត្រាំ​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ រដ្ឋមន្ត្រី​ក្រសួង​ការបរទេស​អាម៉េរិក​លោក ម៉ៃ ផ​ម​ផេវ កាលពី​ថ្ងៃ​អង្គារ​ទី​១២​មករា​បាន​លុបចោល​ដំណើរ​ទស្សនកិច្ច​ចុងក្រោយ​របស់​លោក​នៅ​បរទេស​ដែល​​គ្រោង​ធ្វើ​នៅ​សប្តាហ៍​នេះ ខណៈ​ប្រធានាធិបតី​ដូណាល់ ត្រាំ​ប្រឈមមុខ​នឹង​ការបោះឆ្នោត​ចោទប្រកាន់​ជា​លើក​ទី ២ ។​

​អ្នកនាំពាក្យ​ក្រសួងការបរទេស​លោក​ស្រី ម័​រហ្គែ​ន អូ​ថេ​ហ្គេស និយាយថា លោក​ផ​មផេវ​នឹង​ជួយ​ដល់​ដំណើរការ​ផ្ទេរ​អំណាច​ដោ​យ​រលូន​និង​មាន​សណ្តាប់ធ្នាប់​ដល់​ប្រធានាធិបតី​ជាប់ឆ្នោត​ចូ បៃ​ដិន ដែល​រួម​មាន​ការកំណត់​អត្តសញ្ញាណ​មន្ត្រី​ណា​ដែល​នឹង​បន្ត​ស្ថិតនៅ​ជា​បណ្តោះអាសន្ន ខណៈ​រដ្ឋបាល​ថ្មី​ត្រៀម​ចូល​កាន់​អំណាច​។​

​លោកស្រី​បាន​និយាយ​នៅក្នុង​សេចក្តីថ្លែងការណ៍​មួយ​ថា “​ជា​លទ្ធផល យើង​លុបចោល​រាល់​ការ​ធ្វើ​ដំណើរ​ដែល​បានគ្រោង​ទុក​នៅ​សប្តាហ៍​នេះ​រួម​ទាំង​ដំណើរ​របស់​លោក​រដ្ឋមន្ត្រី​ទៅ​ទ្វីបអឺរ៉ុប​”​។​

​ក្រសួង​ការបរទេស​បាន​ប្រកាស​កាលពី​ថ្ងៃ​ចន្ទ​ថា លោក​ផ​មផេវ​នឹង​បំពេញ​ទស្សនកិច្ច​រយៈពេ​ល​ខ្លី​ទៅ​កាន់​ទីក្រុង​ព្រុច​សែល​ដើម្បី​ជួប​ជាមួយ​អគ្គលេខាធិកា​រ​អង្គការ​ណា​តូ​លោក​ជេន​ស្តូល​ធិន​បឺ​កនិង​​មេដឹកនាំ​បែលហ្ស៊ិក​។​

​ការលុបចោល​នេះ​កើតឡើង​នៅពេលដែល​សមាជិក​សភា​បក្ស​ប្រជាធិបតេយ្យ​ជំរុញ​ឱ្យ​លោក​អនុ​ប្រធានាធិបតី​ម៉ៃ ផេនដក​លោកត្រាំ​ចេញពី​តំណែង​តាមរយៈ​ការ​យក​មក​ប្រើ​ឡើងវិញ​នូវ​វិសោធនកម្ម​លើក​ទី ២៥ ចំពោះ​ការ​ញុះញង់​ឱ្យមាន​លុកលុយ​ដ៏​សាហាវ​នៅ​វិមាន​កា​ពី​តូ​ល​អាម៉េរិក​កាលពី​សប្តាហ៍​មុន​ពី​សំណាក់​អ្នកគាំទ្រ​របស់លោក ដែល​ព្យាយាម​ក្រឡាស់​ជ័យជម្នះ​របស់​លោកបៃ​ដិន​។​

​លោក​ផ​ម​ផេវ ដែល​បន្ទាប់ពី​ការបោះឆ្នោត​បាន​លើកឡើង​ថា​លោក​ត្រាំ​នឹង​បន្ត​អាណត្តិ​ទី​២​នោះ បាន​ថ្កោលទោស​អំពើហិង្សា ប៉ុន្តែ​គាំទ្រ​ប្រធានាធិបតី​យ៉ាង​មុតមាំ​៕

លោក​ផ​មផេវ​លុប(ឆ្វេង)ចោល​ទស្សនកិច្ច​នៅ​បរទេស​ខណៈ​ត្រាំ​ប្រឈម​ការចោទប្រកាន់​ជា​លើក​ទី​២

ទីតាំងផ្សាយពាណិជ្ជកម្ម

- Advertisment -

Most Popular