Home ព័ត៌មានជាតិ សេដ្ឋកិច្ច មន្ត្រី​កម្ពុ...

មន្ត្រី​កម្ពុជា​និង​អឺរ៉ុប​ពិភាក្សាគ្នា​អំពី​សេចក្តីព្រាង​យុទ្ធសាស្ត្រ រួម​របស់​អឺរ៉ុប​ស្តីពី​កិច្ច​សហ ប្រតិបត្តិ​ការអភិវឌ្ឍ​ន៍​សម្រាប់​កម្ពុជា​

ដោយៈ ជា សីហៈ​/​ភ្នំពេញៈ លោក ឈៀង យ៉ាណា​រ៉ា រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​អគ្គលេខាធិការ​គណៈកម្មាធិកា​រ នីតិសម្បទា និង​អភិវឌ្ឍន៍​កម្ពុជា​នៃ​ក្រុមប្រឹក្សា អភិវឌ្ឍន៍​កម្ពុជា និង​តំណាង​សហភាព​អឺរ៉ុប ព្រមទាំង​តំណាង​ដៃគូ​អឺរ៉ុប​ប្រចាំ​កម្ពុជា បានទទួល​ជួបពិភាក្សា​ការងារ​ជាមួយនឹង​មន្ត្រី​ជំនាញ​នៃ​ប្រទេស​ទាំងនេះ ដឹកនាំ​ដោយ លោក ហ្វ្រេ​ន ហ្វូ​ល ( Franck fault) អគ្គទីប្រឹក្សា និង​ជា​ប្រធាន​ទទួលបន្ទុក​ផ្នែក​កិច្ច សហប្រតិបត្តិការ​នៃ​សហភាព​អឺរ៉ុប​ប្រចាំ​កម្ពុជា ។​

​មន្ត្រី​នៃ​ក្រុមប្រឹក្សា​អ​ភ​វ​ឌ្ឈ​ន៍​កម្ពុជា​បាន​អះអាងថា គោលដៅ​ចម្បង​នៃ​ជំនួប​នេះ គឺ​ដើម្បី ពិភាក្សា​អំពី​ការត្រៀម​រៀបចំ​កិច្ច​ពិគ្រោះ​យោបល់ រវាង​រាជរដ្ឋាភិបាល​កម្ពុជា និង​សហភាព អឺរ៉ុប​-​ដៃគូ​អឺរ៉ុប លើ​សេចក្តីព្រាង​យុទ្ធសាស្ត្រ រួម​របស់​អឺរ៉ុប​ស្តីពី​កិច្ចសហប្រតិបត្តិការ អភិវឌ្ឍន៍​សម្រាប់​កម្ពុ​ជា ឆ្នាំ ២០២១-២០២៧​និង​សេចក្តីព្រាង​កម្មវិធី​ណែនាំ​ពហុ​ឆ្នាំ របស់​សហភាព​អឺរ៉ុប ឆ្នាំ​២០២១- ២០២៧ ។​

​នាឱកាស​នោះ លោក ឈៀង យ៉ាណា​រ៉ា បាន​សម្តែង​ការស្វាគមន៍​យ៉ាង​កក់ក្តៅ​ចំពោះ តំណាង​សហភាព​អឺរ៉ុប និង​ដៃគូ​អឺរ៉ុប​ទាំងអស់ ដែល​បាន​អញ្ជើញ​ចូលរួម​ក្នុងជំនួប​ពិភាក្សា ផ្ទាល់​នាពេលនោះ និង​បាន​វាយតម្លៃ​ខ្ពស់​ចំពោះ​សមិទ្ធផល សម្រេចបាន​ដ៏​ល្អប្រសើរ ក្នុងការ​អនុវត្ត​យុទ្ធសាស្ត្រ​រួម​របស់​អឺរ៉ុប​ស្តីពី​កិច្ចសហប្រតិបត្តិការ​អភិវឌ្ឍ​ន៍​សម្រាប់​កម្ពុជា ឆ្នាំ ២០១៤-២០២០ និង​កម្មវិធី​ណែនាំ​ពហុ​ឆ្នាំ​របស់​សហភាព​អឺរ៉ុប ឆ្នាំ​២០១៤-២០២០ ក៏ដូចជា​កិច្ចសហប្រតិបត្តិការ​អភិវឌ្ឍ​ន៍ កន្លងមក ដែល​បានរួម​ចំណែក​យ៉ាងសំខាន់​ក្នុង កិច្ចអភិវឌ្ឍន៍​ប្រកបដោយ​ចីរភាព និង​បរិ​យា​ប័ន្ន​នៅ​កម្ពុជា ឆ្លៀត​ក្នុង ។

​លោក រដ្ឋមន្ត្រី​ប្រតិភូ ក៏បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​សហភាព​អឺរ៉ុប និង​ដៃគូ​អឺ​រុ​ប​ទាំងអស់ ដែល​បានរួម​ចំណែក​ជាមួយ​រាជរដ្ឋាភិបាល​កម្ពុជា​ក្នុងការ​ឆ្លើយតប ទៅនឹង​ការទប់ស្កាត់​, ការប្រយុទ្ធ​ប្រឆាំងនឹង​ការរីក​រាល ដាល​នៃ​ជំងឺ​កូ​វី​៥-១៩ និង​ការ​កាត់ បន្ថយ​ផលប៉ះពាល់​ដល់​សង្គម សេដ្ឋកិច្ច​នៅ​ប្រទេស​កម្ពុជា​នាពេល​កន្លងមក ។​

​តំណាង​ដៃគូ​អឺរ៉ុប បាន​វាយតម្លៃ​ខ្ពស់​ចំពោះ​វឌ្ឍនភាព​ល្អប្រសើរ​ដែល​សម្រេចបាន​តាម រយៈ​វឌ្ឍនភាព​នៃ​វិស័យ អាទិភាព​ចំនួន ៤ រួមមាន ៖ ១) ការអភិវឌ្ឍ​វិស័យ​សង្គមកិច្ច ចីរភាព , ២) ការជំរុញ​កំណើនសេដ្ឋកិច្ច​ប្រកបដោយ​សមធ​ម៍ ៣, ការអភិវឌ្ឍ​ហេដ្ឋារចនាសម្ព័ន្ធ នៅ​ទីក្រុង និង​ជនបទ និង ៤ ) អភិបាលកិច្ច និង​អន្តរ​វិស័យ ។

​លោក​បាន​មានប្រសាសន៍ថា សមិទ្ធផល ទាំងនេះ គឺជា​សក្ខីភាព​នៃ​ការប្តេជ្ញា​បន្ត​គាំទ្រ​របស់ សហភាព​អឺរ៉ុប និង​ប្រទេស​ជា​សមាជិក​សហភាព​អឺរ៉ុប និង​សហព័ន្ធ​ស្វី​ស​សម្រាប់​ដំណើរការ នៃ​កិច្ចអភិវឌ្ឍន៍​នៅ​កម្ពុជា តំណាង​ដៃគូ​អឺរ៉ុប ក៏បាន​កោតសរសើរ និង​វាយតម្លៃ​ខ្ពស់​ចំពោះ ភាពជា ដៃគូ និង​កិច្ចសហប្រតិបត្តិការ​ដ៏​ល្អប្រសើរ​រវាង​គ្រប់​ដៃគូ​អឺរ៉ុប​ទាំងអស់​ប្រចាំ​នៅ កម្ពុជា និង​ក្រុមប្រឹក្សា​អភិវឌ្ឍន៍​កម្ពុជា កន្លងមក ។

​ទន្ទឹមនឹងនេះ តំណាង​ដៃគូ​អឺរ៉ុប ក៏បាន​ជម្រាបជូន លោក​រដ្ឋមន្ត្រី​ប្រតិភូ អំពី​វឌ្ឍនភាព​នៃ​ការ រៀបចំ សេចក្តីព្រាង​យុទ្ធសាស្ត្រ​រួម​របស់​អឺរ៉ុប ស្តីពី​កិច្ចសហប្រតិបត្តិការ​អភិវឌ្ឍ​ន៍​សម្រាប់ កម្ពុជា ឆ្នាំ​២០២១-២០២៧ និង​សេចក្តីព្រាង​កម្មវិធី​ណែនាំ​ពហុ​ឆ្នាំ​របស់​សហភាព​អឺរ៉ុប ឆ្នាំ​២០២១-២០២៧ គឺ​នឹងត្រូវ​បញ្ចប់​នា​ចុងខែ​មករា ឆ្នាំ​២០២១ នេះ ដើម្បី​ត្រៀម​សម្រាប់​ដាក់ ពិភាក្សា និង​ប្រមូល​ធាតុ​ចូល និង​អនុសាសន៍ ក្នុង​កិច្ច​ពិគ្រោះ​យោបល់​រវាង​រាជរដ្ឋាភិបាល កម្ពុជា និង​សហភាព​អឺរ៉ុប​-​ដៃ​គួ​អឺរ៉ុប​ប្រចាំ​កម្ពុជា ដែល​គ្រោង​នឹង​ប្រព្រឹត្តទៅ​ក្នុងអំឡុង​ខែកុម្ភៈ ឆ្នាំ​២០២១ ខាងមុខនេះ ។​

​គួរបញ្ជាក់​ផងដែរ​ថា ក្នុង​ចន្លោះ​ឆ្នាំ​១៩៩២-២០២០ ដៃគូ​អឺរ៉ុប (​សហភាព​អឺរ៉ុប និង​ប្រទេស សមាជិក​ចំនួន ១០ ព្រមទាំង​សហព័ន្ធ​ស្វី​ស បានផ្តល់​ហិរញ្ញប្បទាន​សហប្រតិបត្តិកា​រ សរុប​ប្រមាណ ៤.២០០ លាន​ដុល្លារ​អាមេរិក សមមូល ១៩% នៃ​ហិរញ្ញប្បទាន​សរុប​ដែល ផ្តល់​ដោយ​ដៃគូ​អភិវឌ្ឍន៍​ទាំងអស់​បានផ្តល់​ដល់ក​ម្ពុ​ជា ៕​/PC

ទីតាំងផ្សាយពាណិជ្ជកម្ម

- Advertisment -

Most Popular