ថ្នាក់ដឹកនាំ​ក្រសួងការពារជាតិ ចុះសួរសុខទុក្ខ និង​ចែក​ស្បៀង ដល់​កម្លាំង​ការពារ​តំបន់ ព្រំដែន នៅ​រដូវ​ធ្លាក់​ខ្យល់​រងា​

​ដោយៈ ភ្នំ​ខៀវ​/​ប៉ៃលិនៈ ថ្នាក់ដឹកនាំ​ក្រសួងការពារជាតិ បាន​ចុះសាកសួរ​សុខទុក្ខ និង​នាំ ស្បៀងអាហារ ទៅ​ចែកជូន​ដល់ កងកម្លាំង​ឈរជើង នៅតាម​បន្ទាត់​ព្រំដែន​ស្របពេល ដែល​អាកាសធាតុ ចុះ​ត្រជាក់​ខ្លាំង​។​

​ក្នុង​ពិធី​សំណេះសំណាល សួរសុខទុក្ខ នៅ​ថ្ងៃទី​១២ ខែមករា ឆ្នាំ​២០២១ នេះ លោក អ៊ី ឈាន រដ្ឋលេខាធិការ ក្រសួងការពារជាតិ និង​ជា​ប្រធាន​ក្រុមការងារ រាជរដ្ឋាភិបាល ចុះជួយ មូលដ្ឋាន ខេត្ត​ប៉ៃលិន បាន​លើក​ការកោតសរសើរ និង​លើកទឹកចិត្ត ចំពោះ​វីរ​:​ភាពក្លាហាន និង​ឆន្ទៈ​លះបង់​ខ្ពស់ នូវ​កម្លាំងកាយ​ចិត្ត មិន​ខ្លាច​ការនឿយហត់ ដើម្បី​បុព្វហេតុ​ការពារជាតិ មាតុភូមិ និង​ប្រជាពលរដ្ឋ​។ ទោះ​ប្រទេស​ឋិត ក្នុងដំណាក់កាល ឆ្លងកាត់​នូវ​ជំងឺ​កូ​វីដ​-១៩ យ៉ាងណាក្តី គ្រប់​កងកម្លាំង​ទាំងអស់ នៅតែមាន​ស្មារតី​មុះ​មុត សាមគ្គីភាព ឯកភាព​ផ្ទៃក្នុង បានល្អ រួមគ្នា​បំពេញភារកិច្ច បានសម្រេច​តាម​ផែនការ​គ្រោងទុក ពិសេស​ការរួម​គ្នា​ទប់​ស្កាត់ ការរីក​រាលដាល នៃ​វីរុស​កូ​វីដ​-១៩ ដែល​កំពុងតែ​បៀតបៀន នៅ​ប្រទេសជិតខាង​។​

​លោក អ៊ី ឈាន បាន​បន្តថាៈ ក្រៅពី​បេសកកម្ម រួមគ្នា​ប្រយុទ្ធប្រឆាំង​ទប់ស្កាត់​ជំងឺ​កូ​វីដ​-១៩ កងកម្លាំង​ទាំង​៣​ប្រភេទ ក៏ត្រូវ​ផ្តោត​ការតាមដាន យកចិត្តទុកដាក់ ជាសំខាន់​បន្ថែមទៀត ចំពោះ​ការរក្សា​សណ្តាប់ធ្នាប់ សន្តិសុខ តាម​ព្រំដែន និង​ទប់ស្កាត់ បង្ក្រាប​រាល់​បទល្មើស ឆ្លងដែន ក៏ដូចជា ការជួញដូរ​ខុសច្បាប់​ផ្សេងៗ​។​

​ក្នុង​ដំណើរ​សាកសួរ​សុខទុក្ខ​នេះដែរ ថ្នាក់ដឹកនាំ​នៃ​ក្រសួងការពារជាតិ បាន​នាំយក​នូវ ស្បៀងអាហារ និង​សម្ភារ​:​មួយចំនួន ប្រគល់ជូន​ដល់ កងកម្លាំង​ប្រចាំ គោលដៅ ទាំងអស់ រួមមានៈ ម៉ាស កៅស៊ូ​តង់ អង្ករ ទឹកស៊ីអ៊ីវ មី ទឹកត្រី ទឹក​សុទ្ធ ទឹកក្រូច ពង​ទា ជែ​ល អាល់កុល និង​ថវិកា​មួយចំនួនទៀត​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular