តារាចម្រៀង សាយ ចំណាយពេល​៩៩​ថ្ងៃ​ដើម្បី​បញ្ចប់​បេសកកម្ម​«​រត់​ដើម្បី​សប្បុរសធម៌​ជាមួយ​សាយ​»

ដោយ​: បញ្ញា​សាស្ត្រ / ភ្នំពេញ​: កម្មវិធី​រត់​ដើម្បី​សប្បុរសធម៌ របស់​តារាចម្រៀង សាយ ក្រោម​ពាក្យស្លោក «​រត់​ដើម្បី​សប្បុរសធម៌​ជាមួយ​សាយ​» បាន​ដល់ទី​បញ្ចប់​ហើយ ក្រោយពេល​ប្រើ​រយៈពេល​រត់​៩៩ ថ្ងៃ ប៉ុន្តែ កម្មវិធី​រ៉ៃ​អង្គាស​ថវិកា​ជួយ​ដល់​មន្ទីរពេទ្យ​កុមារ​អង្គរ​គឺ​នៅតែ​បន្ត​។

​យោងតាម​ហ្វេ​ស​ប៊ុ​ក​ផេ​ក​ផ្លូវការ​របស់​តារាចម្រៀង Original សាយ បាន​បង្ហោះ​សារ​ដ៏​រំភើប​នៃ​ថ្ងៃ​រត់​ចុងក្រោយ និង​បាន​មកដល់​គោលដៅ​មុន​កំណត់ «​ថ្ងៃ​ចុងក្រោយ​នៃ​កម្មវិធី រត់​ដើម្បី​សប្បុរសធម៌​ជាមួយ​សាយ បានមក​ដល់ទី​បញ្ចប់​ហើយ ថ្ងៃទី ៩៩​នៃ​កម្មវិធី ពួកយើង​ពិតជា​សប្បាយរីករាយ និង​រំភើប​សម្រាប់​ការគាំទ្រ រាល់​ការឧបត្ថម្ភ រាល់​ការជួយ ការសម្របសម្រួល ការគោរព​ស្រឡាញ់​រាប់អាន ដែល​បានមកពី​អ្នក​ទាំងអស់គ្នា ពួកយើង​សូម​អរគុណ​យ៉ាង​ក្រៃលែង ពួកយើង​នឹង​ចងចាំ​កម្មវិធី​នេះ ចងចាំ​រាល់​សកម្មភាព ចងចាំ​ស្នាមញញឹម ចងចាំ​ការទទួល​រាក់ទាក់ ការផ្ដល់​កិត្តិយស​ឱ្យ​តម្លៃ ពីរ​អ្នក​រាល់គ្នា​ទូទាំងប្រទេស ហើយ​ពួកយើង​ចង់​និយាយថា ពួកយើង​គោរព​ស្រឡាញ់​អ្នក​ទាំងអស់គ្នា​ខ្លាំងណាស់ ការចូលរួម​របស់​អ្នក​ទាំងអស់គ្នា​បានធ្វើអោយ​កម្មវិធី​ពួកយើង​ទទួលជោគជ័យ នឹងធ្វើ​ដំណើរ​មកដល់​គោលដៅ​វិញ​យ៉ាង​សុវត្ថិភាព សង្ឃឹមថា​ពួកយើង​នឹង​បាន​ជួបគ្នា​ទៀត​នៅពេល​ក្រោយ និង​បាន​ចូលរួម​ធ្វើ​ការងារ​ល្អៗ​ជួយ​ដល់​សង្គមជាតិ​រួមគ្នា ជា​ចុងក្រោយ​ពួកយើង​សូម​ជូនពរ​ដល់​អ្នក​ទាំ​ង​អស់​គ្នា​ទទួលបាន​នូវ​សុខភាព​ល្អ សុភមង្គល និង​សម្រេចបាន​គ្រប់​ភារកិច្ច​។ ជាថ្មី​ម្ដងទៀត អរគុណ អរគុណ អរគុណ អរគុណ​មែនទែន ស្រឡាញ់​អ្នក​ទាំងអស់គ្នា #​រត់​ដើម្បី​សប្បុរសធម៌​ជាមួយ​សាយ #​រត់​ដើម្បី​កុមារ​កម្ពុជា #RUNWITHSAI #SaiRunCharityKH #PhnomPenhArrival #Day99 #crossthefinishline @ Phnom Penh»​។

​សូម​រំលឹកថា លោក អ៊ួ​ន បឋម ហៅ សាយ ស្ថាបនិក របស់​បេសកកម្ម រត់​ដើម្បី​សប្បុរសធម៌​តារាចម្រៀង សាយ ប្រើ​រយៈពេល​៩៩​ថ្ងៃ លើ​ចម្ងាយ​ផ្លូវ​ប្រមាណ​២៣០០​គីឡូម៉ែត្រ ឆ្លងកាត់​២១ ខេត្ត​ក្រុង និង​រក​ថវិកា​បាន ប្រមាណ​ជិត​៥០​ម៉ឺន​ដុល្លារ​អាមេរិក​៕

ទីតាំងផ្សាយពាណិជ្ជកម្ម

- Advertisment -

Most Popular