YouTube ផ្អាក​ឆា​នែ​ល​របស់លោក​ត្រាំ ដោយសារ​រំលោភ​គោលការណ៍​ស្តីពី​ការ​ញុះញង់​ហិង្សា​

​ប្រែ​សម្រួល : កញ្ញា​ដា​លី​ស ៖ វេបសាយ YouTube របស់​ក្រុមហ៊ុន Alphabet Inc បាន​និយាយ​កាលពី​ថ្ងៃ​អង្គារ​ទី​១២​មករា​ថា ខ្លួន​បាន​ផ្អាក​ឆា​នែ​ល​របស់​លោក​ដូណាល់ ត្រាំ​ដោយសារតែ​វា​បាន​រំលោភ​​គោលនយោបាយ​ក្រុមហ៊ុន​សម្រាប់​ការ​ញុះញង់​ហិង្សា បន្ទាប់​ពី​ការ​លុកលុយ​កាលពី​សប្តាហ៍​មុន​ទៅ​លើ​វិមាន​កា​ពី​តូ​លពី​សំណាក់​អ្នកគាំទ្រ​របស់​ប្រធានាធិបតី​។​

​វេទិកា​អន​ឡាញ​និង​ក្រុមហ៊ុន​បណ្តាញ​សង្គម​នានា​កំពុង​ដក​ខ្លួន​ឆ្ងាយ​និង​ចាត់​វិធានការ​ប្រឆាំង​នឹង​អ្នក​ដែល​លើកទឹកចិត្ត​ឬ​ចូលរួម​ក្នុង​អំពើ​ហិង្សា​នៅ​ទីក្រុង​វ៉ាស៊ីនតោន​ឌី​ស៊ី​។​

​ឆា​នែ​ល​របស់​លោក​ត្រាំ​ឥឡូវ​ត្រូវបាន​រារាំង​មិនឱ្យ​បញ្ចូល​វីដេអូ​ថ្មី​ឬ​ផ្សាយ​ផ្ទាល់​រយៈពេល​យ៉ាងតិច ៧ ថ្ងៃ ដែល​អាច​ត្រូវបាន​បន្លាយពេល​បន្ថែម​ទៀត​។​

​ក្រុមហ៊ុន​ក៏បាន​បិទ​ការបញ្ចេញមតិ​ដោយ​គ្មាន​កាល​កំណត់​នៅ​ក្រោម​វីដេអូ​នៅលើ​ឆា​នែ​ល​ផងដែរ​។​

​ក្រុមហ៊ុន​បាន​និយាយថា ការផ្អាក​ឆា​នែ​ល​របស់លោក​ត្រាំ​ធ្វើឡើង​បន្ទាប់​ពី​មតិ​ដែល​លោក​បាន​លើកឡើង​នៅក្នុង​សន្និសីទ​សារព័ត៌មាន​មួយ ដែល​បាន​ចាក់​ផ្សាយ​នៅ​លើ YouTube កាលពី​ព្រឹក​ថ្ងៃ​អង្គារ​។​

​ចំណាត់ការ​របស់ You Tube ប្រឆាំង​នឹង​ប្រធានាធិបតី​ធ្វើឡើង​បន្ទាប់​ពី​ក្រុម​អង្គការ​សិទ្ធិមនុស្ស​អាម៉េរិក​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រ​ថា​ពួកគេ​នឹង​រៀបចំ​ការផ្សព្វផ្សាយ​ស្តីពី​ការធ្វើ​ពិ​ហ​ការ​​ប្រឆាំង​នឹង​ក្រុមហ៊ុន ប្រសិន​បើ​ក្រុមហ៊ុន​មិន​ព្រម​ដកចេញ​នូវ​ឆា​នែ​ល​របស់លោក​ត្រាំ​៕

​ឆា​នែ​ល YouTube របស់​លោក​ត្រាំ​ត្រូវបាន​ផ្អាក ៧ ថ្ងៃ គិត​ចាប់ពី​ថ្ងៃ​អង្គារ​ទី​១២​មករា​

ទីតាំងផ្សាយពាណិជ្ជកម្ម

- Advertisment -

Most Popular