Home ព័ត៌មានសំខាន់ៗ លោកជា ចាន់តូទ...

លោកជា ចាន់តូទេសាភិបាលធនាគារជាតិ​នៃ​កម្ពុជា​បានជា​ប់ចំណាត់​ជាថ្នាក់ដឹកនាំ​ធនាគារកណ្តាល​ឆ្នាំ​២០២១ ប្រចាំ​តំបន់​អាស៊ី​ប៉ា​ស៊ី​ហ្វិ​ក

ដោយៈ​បញ្ញា​សាស្ត្រ​/​ភ្នំពេញៈធនាគារជាតិ​នៃ​កម្ពុជា​ក្រោម​ការដឹកនាំ​របស់លោក​ទេសាភិបាល ជា ចាន់តូ​បានជា​ប់​ជា​ធនាគារកណ្តាល ឆ្នាំ​២០២១ ប្រចាំ​តំបន់​អាស៊ី​ប៉ា​ស៊ី​ហ្វី​ក លើ​ការគ្រប់គ្រង​ប្រព័ន្ធ​ធនាគារ​បានល្អ​ប្រសើរ ដែល​បានរួម​ចំណែក​ជំរុញ​កំណើន​និង​រក្សា​ស្ថិរភាព សេដ្ឋកិច្ច ក្នុងស្ថានភាព​ដែល​កម្ពុជា​ទទួលរង​ផលប៉ះពាល់​ពី​ឥទ្ធិពល​នៃ​ការរីក​រាលដាល​នៃ​ជំងឺ​កូ​វីដ​-១៩​។​ការផ្តល់​ចំណាត់ថ្នាក់​នេះ ត្រូវបាន​ធ្វើឡើង​ដោយ The Banker ដែលជា​ភ្នាក់ងារ​ប្រមូលផ្តុំ​ទិន្នន័យ​និង​ផ្សព្វផ្សាយ​ព័ត៌មាន​ផ្នែក​សេដ្ឋកិច្ច​និង​ហិរញ្ញវត្ថុ​សកលលោក ក្រោយពី​បាន​វាយតម្លៃ​លើ​សមិទ្ធផល​ដែល​ធនាគារជាតិ​នៃ​កម្ពុជា​ទទួលបាន​នាពេល​កន្លងមក​។

The Banker បាន​វាយតម្លៃ​ខ្ពស់​ថា ក្រោម​ការដឹកនាំ​របស់​លោ​កក ជា ចាន់តូ ទេសាភិបាល​ធនាគារជាតិ​នៃ​កម្ពុជា​ទទួលបាន​ជោគជ័យ ក្នុងការ​គ្រប់គ្រង​ប្រព័ន្ធ​ធនាគារ​បាន​យ៉ាង​ល្អប្រសើរ ក្នុងដំណាក់កាល​ដែល​ក​ម្ពុ​ជា ក៏ដូចជា​ពិភពលោក​កំពុង​ជួបនឹង​វិបត្តិ នៅ​ឆ្នាំ​២០២០ កន្លងទៅ​។ The Banker បាន​កត់សម្គាល់ថា កម្ពុជា​បាន​គ្រប់គ្រង​ការរីក​រាលដាល​នៃ​ជំងឺ​កូ​វីដ​-១៩ ប្រកបដោយ​ប្រសិទ្ធភាព​។ ទោះយ៉ាងណា​កម្ពុជា​ក៏បាន​រង​ផលប៉ះពាល់​ដោយសារ​ការធ្លាក់ចុះ​យ៉ាងធ្ងន់ធ្ងរ​នៃ​ចំណូល​វិស័យ​ទេសចរណ៍​និង​ទទួលរង​គ្រោះទឹកជំនន់​រយៈពេល​ខ្លី​។ កំណើនសេដ្ឋកិច្ច​ត្រូវ​បា​រំពឹងថា​នឹង​អាច​ធ្លាក់ចុះ​ដល់ -១,៩​ភាគរយ នៅ​ឆ្នាំ​២០២០​។​

ដើម្បី​ចូលរួម​កាត់បន្ថយ​ផលប៉ះពាល់​នៃ​ការធ្លាក់ចុះ​និង​បញ្ហា​ប្រឈម​ទាំងនេះ​ធនាគារជាតិ​នៃ​កម្ពុជា​បានដាក់​ចេញ​នូវ​វិធានការ​គាំទ្រ​មួយចំនួន​ដល់​គ្រឹះស្ថាន​ធនាគារ​និង​ហិរញ្ញវត្ថុ ក្នុងនោះ​រួមមាន ការរៀបចំ​ឥណទាន​ឡើងវិញ​ដែល​បាន​ដាក់ឱ្យអនុវត្ត​កាលពី​ខែមីនា ឆ្នាំ​២០២០​កន្លងមក និង​បន្ត​អនុវត្ត​ដល់​ដំណាច់ខែ​មិថុនា ឆ្នាំ​២០២១​នេះ​។ ការរៀបចំ​ឥណទាន​ឡើងវិញ​ត្រូវបាន​អនុញ្ញាត​រហូតដល់​ទៅ​បី​ដង ដោយ​មិនមាន​ប៉ះពាល់​ដល់​ចំណាត់ថ្នាក់​ឥណទាន​នោះទេ​។ បទ​ប្បញ្ញត្តិ​បន្ថែម​រួមមាន​កាត់បន្ថយ​អត្រា​ការប្រាក់​និង​ការលើកលែង​ថ្លៃ​សេវា​ជាដើម​។​ការដាក់ចេញ​នេះ​បានធ្វើឱ្យ​ឥណទាន​មិន​ដំណើរការ​ស្ថិតក្នុង​កម្រិត​ទាប ២,៥%​។​

​កម្ពុជា​ក៏បាន​ជំរុញ​ការប្រើប្រាស់​ប្រព័ន្ធ​ធនាគារ​ឌីជីថល​ផងដែរ​។ ធនាគារជាតិ​នៃ​កម្ពុជា បាន​ដាក់ឱ្យ​ដំណើរការ​ជា​ផ្លូវការ​នូវ​ប្រព័ន្ធ​បាគង កាលពី​ខែតុលា​ឆ្នាំ​២០២០​ដែល​បានរួម​ចំណែក​លើកកម្ពស់​បរិ​យាប​ន្ន​ហិរញ្ញវត្ថុ​នៅ​កម្ពុជា​ដោយសារ​មាន​ក្រុមហ៊ុន​ឯកជន​ជាច្រើន​បើកប្រាក់​បៀវត្ស​ជូន​បុគ្គលិក​របស់ខ្លួន​ជា​សាច់ប្រាក់​នៅឡើយ​។ ប្រព័ន្ធ​បាគង​ត្រូវបាន​បង្កើតឡើង​ដោយ​ប្រើប្រាស់​បច្ចេកវិទ្យា​ប្លុក​ឆែ​ន និង​អាចធ្វើ​ប្រតិបត្តិ​ការទូទាត់​បាន​ទាំង​ជា​ប្រាក់រៀល​និង​ប្រាក់​ដុល្លារ​អាមេរិក តាមរយៈ​ទូរស័ព្ទដៃ ដោយ​អ្នកប្រើប្រាស់​អាច​ស្កេ​ន​លេខ​កូដ ឬ​វាយ​បញ្ចូល​លេខ​ទូរស័ព្ទ​របស់​អ្នកទទួល​ប្រាក់​។ ប្រព័ន្ធ​បាគង​មាន​សមាជិក​ប្រមាណ ២០​ធនាគារ​។

ម៉្យាងទៀត រូបិយវត្ថុជាតិក៏ត្រូវបានជំរុញឱ្យប្រើប្រាស់យ៉ាងខ្លាំងក្លាផងដែរ សំដៅជំរុញកំណើនប្រកបដោយចីរភាព និងអភិវឌ្ឍប្រព័ន្ធធនាគារប្រកបដោយប្រសិទ្ធភាព និងជាពិសេសកាត់បន្ថយការពឹងផ្អែកលើប្រាក់ដុល្លារអាមេរិក។ បច្ចុប្បន្ន ការទូទាត់ដែលមានទឹកប្រាក់តិចជាង១០០ដុល្លារអាមេរិកត្រូវបានធ្វើឡើងជាប្រាក់រៀល ខណៈដែលការប្រើប្រាស់ក្រដាសប្រាក់ដុល្លារអាមេរិកដែលមានទំហំទឹកប្រាក់តូចបានថយចុះជាបណ្តើរៗ៕​សរន​

ទីតាំងផ្សាយពាណិជ្ជកម្ម

- Advertisment -

Most Popular