Home ព័ត៌មានអន្តរជាតិ អ៊ីរ៉ង់​រៀបចំ...

អ៊ីរ៉ង់​រៀបចំ​សមយុទ្ធ​បាញ់​មី​ស៊ី​ល​នៅ​ឈូង​សមុទ្រ​អូ​ម៉ង់​ចំ​ពេល​កំពុង​តានតឹង​

​ប្រែ​សម្រួល : កញ្ញា​ដា​លី​ស ៖ ទូរទស្សន៍​រដ្ឋ​រាយការណ៍​ថា កងទ័ពជើងទឹក​អ៊ីរ៉ង់​បាន​ចាប់ផ្តើម​ធ្វើ​សមយុទ្ធ​មី​ស៊ី​ល​រយៈ​ចម្ងាយ​ខ្លី​នៅ​ក្នុង​ឈូង​សមុទ្រ​អូ​ម៉ង់​នៅ​ថ្ងៃ​ពុធ​នេះ​និង​សម្ពោធ​នាវា​យោធា​ធំ​បំផុត​របស់​ខ្លួន ចំ​ពេល​មាន​ភាព​តានតឹង​កើនឡើង​ជុំវិញ​កម្មវិធី​នុយក្លេអ៊ែរ​របស់​រដ្ឋាភិបាល​ក្រុងតេអេ​រ៉ង់​និង​យុទ្ធនាការ​ដាក់​សម្ពាធរ​បស់​សហរដ្ឋ​អាម៉េរិក​ប្រឆាំង​នឹង​សាធារណរដ្ឋ​អ៊ីស្លាម​នេះ​។​

​សមយុទ្ធ​មី​ស៊ី​ល​រយៈពេល ២ ថ្ងៃ​ត្រូវបាន​ធ្វើឡើង​នៅក្នុង​ដែនទឹក​ភាគ​អាគ្នេយ៍​នៃ​ឈូង​សមុទ្រ​អូ​ម៉ង់​និង​នាវាចម្បាំង​ថ្មី​ផលិត​នៅ​អ៊ីរ៉ង់​ចំនួន ២ គ្រឿង​បាន​ចូលរួម​ក្នុង​សមយុទ្ធ​នេះ​។ នាវា​ទាំងពីរ​នោះ គឺ នាវា​បាញ់​មី​ស៊ី​ល​ឈ្មោះ Zereh និង​នាវា​យោធា​ធំ​បំផុត​របស់​ប្រទេស​ឈ្មោះ Makran ដែល​ជា​នាវា​ភស្តុភារ​។

​ប្រធានាធិបតី​ដូណាល់ ត្រាំ​ក្នុង​ឆ្នាំ ២០១៨ បាន​ដក​សហរដ្ឋ​អាម៉េរិក​ចេញពី​កិច្ចព្រមព្រៀង​នុយក្លេអ៊ែរ​អ៊ីរ៉ង់​ជា​ឯកតោភាគី​ដែល​ក្នុងនោះ​ទី​ក្រុងតេអេ​រ៉ង់​បាន​យល់ព្រម​រឹតត្បិត​ការ​ចម្រាញ់​សារធាតុ​​អ៊ុយ​រ៉ា​ញ៉ូម​របស់​ខ្លួន​ជា​ថ្នូរ​នឹង​ការបន្ធូរបន្ថយ​ទណ្ឌកម្ម​សេដ្ឋកិច្ច​។

​លោក​ត្រាំ​បាន​លើកឡើង​អំពី​កម្មវិធី​មី​ស៊ី​ល​ឆ្លង​ទ្វីប​របស់​អ៊ីរ៉ង់​ក្នុងចំណោម​បញ្ហា​ផ្សេង​ទៀត​ដើម្បី​ដក​អាម៉េរិក​ចេញពី​កិច្ចព្រមព្រៀង​នោះ​៕

​អ៊ីរ៉ង់​កំពុង​ធ្វើ​សមយុទ្ធ​បាញ់​មី​ស៊ី​ល​នៅ​ឈូង​សមុទ្រ​អូ​ម៉ង់​នៅ​ថ្ងៃ​ពុធ​នេះ​

ទីតាំងផ្សាយពាណិជ្ជកម្ម

- Advertisment -

Most Popular