Home ព័ត៌មានសំខាន់ៗ ត្រាំ​ត្រូវ​ស...

ត្រាំ​ត្រូវ​សភា​ចោទប្រកាន់​ជា​លើក​ទី​ពីរ​

​ប្រែ​សម្រួល : កញ្ញា​ដា​លី​ស ៖ លោក​ដូណាល់ ត្រាំ​បាន​ក្លាយជា​ប្រធានាធិបតី​អាម៉េរិក​ដំបូង​គេ​ក្នុង​ប្រវត្តិសាស្ត្រ ដែល​ត្រូវបាន​ចោទប្រកាន់​ពីរដង​ខណៈ​ដែល​សភា​តំណាងរាស្ត្រ​បោះឆ្នោត​កាលពី​ថ្ងៃ​ពុធ​ទី​១៣​មករា​ដើម្បី​ចោទប្រកាន់​គាត់​ពី​បទ​ញុះញង់​ឱ្យ​ហ្វូង​មនុស្ស​លុកលុយ​វិមាន​រដ្ឋ​សភា​កាលពី​សប្តាហ៍​មុន​។​

​ប្រធានាធិបតីអាម៉េរិកទី១ ដែលត្រូវសភាចោទទោសទម្លាក់តំណែង២លើក

ព្រឹទ្ធសភា​នឹង​មិន​បើក​សវនាការ​ជំនុំជម្រះ​នៅមុន​ថ្ងៃទី ២០ ខែ​មករា​ទេ នៅពេល​បេក្ខជន​បក្ស​ប្រជាធិបតេយ្យ​លោកចូ បៃ​ដិន​ចូលកាន់​តំណែង​ប្រធានាធិបតី មានន័យថា​មហាសេដ្ឋី​អចលនៈទ្រព្យ​រូប​​នេះ​នឹង​រួចផុត​ពី​ហានិភ័យ​នៃ​ការបង្ខំ​ឱ្យ​ចាកចេញ​មុន​អាណត្តិ​។​

​ទោះ​យ៉ាងណា​លោក​នឹង​ចាកចេញ​យ៉ាង​អាម៉ាស់​និង​ប្រឈម​នឹង​ការកាត់ទោស​នៅ​ព្រឹទ្ធសភា​នៅពេល​ក្រោយ ហើយ​ប្រសិនបើ​ត្រូវបាន​ផ្តន្ទាទោស​នោះ​គាត់​ទំនងជា​នឹង​ត្រូវ​ហាមឃាត់​នៅក្នុង​ការបោះឆ្នោត​​សម្រាប់​មួយ​អាណត្តិ​ប្រធានាធិបតី​ម្តងទៀត​ក្នុង​ឆ្នាំ ២០២៤ ។​

​ព្រឹទ្ធ​សមាជិក​របស់​បក្ស​ប្រជាធិបតេយ្យ​លោកឆា​ក់ សូមឺ ដែល​ក្នុង​រយៈពេល​មួយ​សប្តាហ៍​ទៀត​នឹង​ក្លាយជា​ប្រធានព្រឹទ្ធសភា បាន​និយាយថា “​លោក​ដូណាល់​ត្រាំ​ក្លាយ​ជា​ប្រធានាធិបតីដំបូ​ង​គេ​ក្នុង​ប្រវត្តិ​​សាស្ត្រ​អាម៉េរិក ដែល​ប្រឡាក់​ស្នាម​នៃ​ការចោទប្រកាន់​ពី​រដង​។ ព្រឹទ្ធសភា​ត្រូវ​តម្រូវឱ្យធ្វើ​សកម្មភាព​ហើយ​នឹង​បន្តដំណើរ​ការជំនុំជម្រះ​រូបគាត់​”​។​

​នៅក្នុង​សភា​តំណាងរាស្ត្រ សំណួរ​តែមួយគត់​គឺ​ថា​តើ​សមាជិក​គណបក្ស​សាធារណរដ្ឋ​រូប​ណា​ខ្លះ​បាន​ចូលរួម​ជាមួយ​សមាជិក​បក្ស​ប្រជាធិបតេយ្យ​នៅក្នុង​ការបោះឆ្នោត​ក្នុង​សំឡេង ២៣២-១៩៧ ។​នៅ​ឯការ​​រាប់​ចុងក្រោយ សមាជិក​សភា​បក្ស​សាធារណរដ្ឋ​ចំនួន ១០ នាក់​បាន​បោះឆ្នោត​ចោទប្រកាន់​លោក​ត្រាំ ក្នុងនោះ​រួមមាន​ទាំង​សមាជិក​លេខ​៣​របស់​គណបក្ស​នៅក្នុង​សភាតំណាងរាស្ត្រ គឺ លោកស្រី លីហ្ស ចេន​នី​៕

​លោកស្រី​ណាន់​ស៊ី ប៉េ​ឡូ​ស៊ី ប្រធានសភា (​ឆ្វេង​)​ដឹកនាំ​សភា​ចោទ​ប្រកាន់ត្រាំ​កាលពី​ថ្ងៃ​១៣​មករា​

ទីតាំងផ្សាយពាណិជ្ជកម្ម

- Advertisment -

Most Popular