Home ព័ត៌មានអន្តរជាតិ ថៃ​ធ្វើតេស្តិ...

ថៃ​ធ្វើតេស្តិ៍​រក​វីរុស​លើក​ម្មករ​នៅ​៤០០​រោងចក្រ​នៅ​សាមុត សា​ខន​

​ប្រែ​សម្រួលៈ​វាសនា​/​សាមុត សា​ខន​៖​អាជ្ញាធរ​សុខាភិបាល​នឹង​ពន្លឿន​ការធ្វើតេ​ស្តិ៍​រក​កូវី​ដ​១៩​សំរាប់​កម្មករ​ជាង​៣៥.០០០​នាក់​នៅ​រោងចក្រ​ប្រមាណ​៤០០​នៅក្នុង​ខេត្ត​សាមុត សា​ខន​អោយបាន​ចប់សព្វគ្រប់​​នៅ​ត្រឹម​ថ្ងៃ​២៤​មករា នៅពេល​ខេត្ត​ជាប់​សមុទ្រ​នេះ ត្រូវ​បើក​មន្ទីរពេទ្យ​បណ្តោះអាសន្ន​កណ្តាលវាល​ទី​៤​នៅ​ថ្ងៃស្អែក​ដើម្បី​ទទួល​អ្នក​កើតកូ​វីដ​១៩​។​

​ប្រធាន​សុខាភិបាល​ខេត្ត បាន​និយាយថា មន្ត្រី​សុខាភិបាល​កំពុង​បង្កើន​ការងារ​ស្វែង​អ្នក​ឆ្លងកូវី​ដ​១៩​និង​ត្រួតពិនិត្យ ដោយ​បាន​ចាប់ផ្តើម​យុទ្ធនាការ​ធ្វើតេស្តិ៍​រក​វីរុស​ទ្រង់ទ្រាយ​ធំ​មួយ ក្រោយ​ការផ្ទុះ​ជំងឺ​​កូវី​ដ​១៩​នៅ​ផ្សារ​បង្គារ​មួយ​កាលពី​ពាក់កណ្តាល​ខែ​ធ្នូ​ឆ្នាំ​មុន​។​

​សាមុត សា​ខន ជា​ជម្រក​រោងចក្រ​និង​កម្មករ​ចំណាកស្រុក​ដ៏​ច្រើន ភាគច្រើន​មក​ពី​មី​យ៉ាន់​ម៉ា​។​

​ការផ្ទុះ​ជំងឺ​នៅ​សាមុត សា​ខន បាន​រាលដាល​ទៅកាន់​ជាង​៥០​ខេត្ត​នៅ​ទូទាំង​ប្រទេស​ថៃ​។​

​ប្រធាន​សុខាភិបាល​ខេត្ត​លោក​វេជ្ជបណ្ឌិត ណា​រ៉េ​ទ្រី​ត​បាន​និយាយថា ការផ្ទុះ​ជំងឺ​នេះ​ត្រូវបាន​ទប់ស្កាត់​និង​ការឆ្លង​ក៏​ត្រូវបាន​កំហិត​អោយនៅ​ទាប​ដោយសារ​យុទ្ធនា​ការស្វែងរក​និង​ធ្វើតេស្តិ៍​នេះ​៕

​កម្មករ​មី​យ៉ាន់​ម៉ា​ប្រមាណ​២.០០០​នាក់​រង់ចាំ​ធ្វើតេស្តិ៍​រក​កូវី​ដ​១៩​នៅមុខ​កន្លែង​ស្នាក់នៅ​របស់​គេ​ក្នុង​ខេត្ត​សាមុត សា​ខន​កាលពី​ខែ​មុន​

ទីតាំងផ្សាយពាណិជ្ជកម្ម

- Advertisment -

Most Popular