គណៈបញ្ជាការ​ឯកភាព រដ្ឋបាលខេត្ត​បាត់ដំបង បើក​កិច្ចប្រជុំ​ប្រចាំ​ខែធ្នូ ឆ្នាំ​២០២០

ដោយៈ គ្រញូង/បាត់ដំបងៈ នៅ​សាលសន្និសីទ​មិត្តភាព បាត់ដំបង ដា​ណាំង កាលពី​ព្រឹក ថ្ងៃទី​១៤ ខែមករា ឆ្នាំ​២០២១ គណៈបញ្ជាការ ឯកភាព​រដ្ឋបាល ខេត្តបាត់ដំបង បាន​បើក កិច្ចប្រជុំ ប្រចាំ​ខែធ្នូ ឆ្នាំ​២០២០ ក្រោម​អធិបតីភាព​លោក ងួន រតនៈ អភិបាលខេត្ត និង​ជា​ប្រធាន​គណៈបញ្ជាការ ឯកភាព​រដ្ឋបាល ខេត្តបាត់ដំបង​។​

​ក្នុង​កិច្ចប្រជុំ​នេះ បាន​ផ្តោតលើ​បញ្ហា​មួយចំនួន មានដូចជាៈ បញ្ហា​ស្ថានីយ៍​ប្រេងឥន្ធនៈ និង​ដេប៉ូ​ប្រេង​មួយចំនួន ក្នុង​ខេត្ត ចាក់​មិន​គ្រប់​បរិមាណ តាម​ខ្នាត​រង្វាស់រង្វាល់ ស្តង់ដារ ដែល​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ បានកំណត់ ដែល​រាយការណ៍​ដោយ​លោក តូច ឈួន​សៅ​រិ​ទ្ធ ប្រធាន​មន្ទីរ​ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍​ខេត្ត ។ លោក អ៊ូ ដាវី មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី​ខេត្ត បានលើកឡើង​អំពី ការផ្សព្វផ្សាយ​អនុក្រឹត្យ ស្តីពី​លក្ខខណ្ឌ និង​និតិ​វិធី នៃ​ការត្រួតពិនិត្យ និង​បញ្ជាក់​សំណង់​។ លោក យី សុង​គី ប្រធាន​មន្ទីរអប់រំ យុវជន និង​កីឡា​ខេត្ត បាន​រាយការណ៍​សង្ខេប ស្តីពី​ការបើក​បវេសនកាល ឆ្នាំ​សិក្សា​ថ្មី ឆ្នាំ​២០២១ ។​

​នៅ​ចុងបញ្ចប់ លោក ងួន រតនៈ អភិបាលខេត្ត បាន​បូកសរុប​លទ្ធផល​កិច្ចប្រជុំ ប្រចាំ​ខែធ្នូ ឆ្នាំ​២០២០ ហើយ​បានដាក់​ទិសដៅ អនុវត្ត​ការងារ​បន្ត នៅ​ឆ្នាំ​២០២១ ៕/V-PC

លោក​អភិបាលខេត្ត​អញ្ជើញ​ជា​គណៈ​​អធិបតី​នៃ​កិច្ចប្រជុំ​ប្រចាំ​ខែធ្នូ​ឆ្នាំ​២០២០​របស់​ ​គណ​:​បញ្ជាការ​ឯកភាព​ខេត្ត

ទីតាំងផ្សាយពាណិជ្ជកម្ម

- Advertisment -

Most Popular