Home ព័ត៌មានជាតិ នយោបាយ លោក​ កឹម សុខា...

លោក​ កឹម សុខា​ និង​ក្រុមការងារ​សួរសុខទុក្ខ​ និង​ចែក​អំណោយ​ដល់​មណ្ឌល​ច​ត្តា​ឡី​ស័ក​កង​វ៉ា​ខេត្តបន្ទាយមានជ័យ​

ដោយ​: ភ្នំ​ស្វាយ / បន្ទាយមានជ័យ​: លោក កឹម សុខា អតីត​ប្រធាន​អតីត​គណបក្ស​សង្គ្រោះ​ជាតិ និង​ប្រតិភូ​ក្រុមការងារ​សួរសុខទុក្ខ និង​ចែក​អំណោយ​ដល់​មណ្ឌល​ច​ត្តា​ឡី​ស័ក​កង​វ៉ា របស់​រដ្ឋបាលខេត្ត​បន្ទាយមានជ័យ នៅ​ផ្លូវជាតិ​លេខ​៥៦ ភូមិ​កង​វ៉ា​សង្កាត់​កំពុងស្វាយ ក្រុង​សិរីសោភ័ណ នៅ​រសៀល​ថ្ងៃទី​១៤​ខែមករា​ឆ្នាំ​២០២១​។​

​ក្នុងនោះ បាន​សួរសុខទុក្ខ​ពលករ​និង​នាំ​អំណោយ​ពី​សប្បុរសជន​នៅ​ប្រទេស​បារាំង សរ​អា ប្រទេស​ផ្សេងទៀត និង​ក្នុងប្រទេស​ដល់​គណៈកម្មកា​រ​ខេត្ត​ប្រយុទ្ធ​ប្រឆាំងនឹង​កូ​វីដ​១៩ រួមមាន​ថវិកា​១០​លាន​រៀល សាប៊ូ​ប្រូ​ថិ​ច​៥​កេះ​តូច​និង​ម៉ា​សមុខ ២​កេះ​ធំ​។​

​លោក អ៊ុ រាត្រី អភិបាលខេត្ត​បន្ទាយមានជ័យ​បាន​ជម្រាបជូន​ប្រតិភូ​ថា​៖ មាន​ពលករ​ខ្មែរ​ប្រមាណ​៤.០០០​នាក់ បាន​ចូល​ពិនិត្យ និង​ធ្វើ​ច​ត្តា​ឡី​ស័ក​នៅ​មណ្ឌល​ច​ត្តា​ឡី​ស័ក​ទាំង​១៣​កន្លែង​។ តែ​ក្នុងនោះ មាន​១.០០០​នាក់ បាន​ចេ​ញៅ​វិញ ក្រោយ​ធ្វើ​ច​ត្តា​ឡី​ស័ក​រួច​ចំនួន​១៤​ថ្ងៃ​។ ចំពោះ​អ្នក​កូ​វីត ១៩ កើន​ដល់​២០​នាក់​។ ក្នុងនោះ​ឆ្លង​ថែម​កាលពី​ថ្ងៃទី​១៣​ខែមករា មាន​៨​នាក់​, ដែល​ក្នុងនោះ អ្នក​បន្ទាយមានជ័យ​៥​នាក់​។

​លោក​បាន​បន្តថា ចំពោះមុខ ក្រុមការងារ​នៃ​គណៈកម្មការ បាននិងកំពុង​ទ្រោល​លើ​ការងារ​ទទួល​ត្រួតពិនិត្យ​សុខភាព យក​វត្ថុ​សំណាក​រក​មេរោគ​កូ​វីដ​១៩ និង​ធ្វើ​ច​ត្តា​ឡី​ស័ក​។ ចំពោះ អ្នក​វិជ្ជមាន​កូ​វីត ១៩​ចំនួន​២០​នាក់ ត្រូវបាន​បញ្ជូនទៅ​សម្រាក​ថែទាំ​និង​ព្យ​បាល​សុខភាព​។​

​លោក កឹម សុខា អតីត​ប្រធាន​អតីត​គណបក្ស​សង្គ្រោះ​ជាតិ​បាន​និយាយថា​៖ តាម​ការទាក់ទង​នឹង​សម្តេចនាយក​រដ្ឋមន្ត្រី ហ៊ុន សែន លោក​ត្រូវ​ទទួលបាន​ការអនុញ្ញាត​ឲ្យ​ចូលជួប​ផ្តល់​ការលើកទឹកចិត្ត​ដល់​ក្រុមការងារ និង​សួរសុខទុក្ខ​ពលករ ដែល​បាន​នឹង​កំពុង​ធ្វើ​ច​ត្តា​ឡី​ស័ក នៅតាម​មណ្ឌល​ខ្លះ នៃ​ខេត្ត​ជាប់​បណ្តោយ​ព្រំដែន​កម្ពុជា ថៃ​។ ក្នុងនោះ នៅ​ខេត្តបន្ទាយមានជ័យ ដែលមាន​មាន​ច្រើន​និង​គ្រប់គ្រង ចាត់ចែង​បានល្អ​ប្រសើរ​ផងដែរ ។

​លោក កឹម សុខា បាន​បន្តថា ៖ តាមពិត​រាជរដ្ឋាភិបាល​និង​អាជ្ញា​ធរមាន​សមត្ថកិច្ច​គ្រប់ផ្នែក​បាន​ខិតខំ​បំពេញការងារ​ប្រយុទ្ធ​ប្រឆាំងនឹង​ជំងឺ​កូ​វីដ​១៩ នេះ បានល្អ​និង​មាន​ប្រសិទ្ធិភាព​អស់ហើយ​។​

​ប៉ុន្តែ​ដោយសារ​បញ្ហា​នេះ ជា​រឿង​រួម​របស់​ខ្មែរ របស់​ជាតិ​យើង ហេតុនេះ​លោក​និង​ក្រុមការងារ ក៏​ដូច​ជន​រួម​ឈាម​ខ្មែរ​នៅក្នុង​និង​ក្រៅប្រទេស សូម​មក​មក​ចូលរួមចំណែក​លើកទឹកចិត្ត​ដល់​បងប្អូន​ទាំងអស់ ដែល​បំពេញ​ពលិកម្ម​ការងារ​។​

​លោក​ក៏​ផ្តល់​កម្លាំងចិត្ត​និង​ផ្តល់​កម្លាំងចិត្ត​ដល់​បងប្អូន​ពលករ​ឲ្យ​គោរព​វិន័យ​និង​អនុវត្តតាម​ការណែនាំ របស់​ក្រសួងសុខាភិបាល ដើម្បី​បាន​ឆាប់​វិលត្រឡប់​ទៅផ្ទះ​សម្បែង ហើយ​ក្លាយជា​កម្លាំង​ពលកម្ម​ដ៏​រឹងមាំ មាន​សុខ​ភាពល្អ​សម្រាប់​កសាង​ជីវភាព​គ្រួសារ និង​សេដ្ឋកិច្ចជាតិ​អោយ​រីកចម្រើន​ថែ​ទៀត​៕​

ទីតាំងផ្សាយពាណិជ្ជកម្ម

- Advertisment -

Most Popular