Home ព័ត៌មានជាតិ សន្តិសុខ ឃាត់ខ្លួន​ក្រ...

ឃាត់ខ្លួន​ក្រុម​បង្ក​ហិង្សា​ដោយ​ចេតនា​មាន​អាវុធ​នៅ​ក្រុង​បាត់ដំបង​៣​នាក់​

ដោយ​:​គ្រញូង​/​បាត់ដំបង​:កាលពី​រសៀល​ថ្ងៃទី​១៤ ខែមករា ឆ្នាំ​២០២១ កម្លាំង​ការិយាល័យ​ព្រហ្មទណ្ឌ​កម្រិត​ស្រាល​ខេត្ត​បាន​បញ្ជូន​ជនដៃដល់​បីនាក់ ទៅ​តុលាការ​ពីបទ​បង្ក​ហិង្សា ដោយ​ចេតនា​មាន​អាវុធ​នៅ​ក្រុង​បាត់ដំបង​។​

​ជនសង្ស័យ​ទាំងបី​នាក់​ត្រូវបាន​ឃាត់ខ្លួន​បាន​កាលពី​រសៀល​ថ្ងៃទី​១៣ ខែមករា ឆ្នាំ​២០២១ នៅ​ចំណុច​បន្ទប់​ជួល​ស្ថិត​ក្នុងភូមិ​អូរ​តា​គាំ​១ សង្កាត់​ទួល​តា​ឯក ក្រុង​បាត់ដំបង​។ លោក​វរសេនីយ៍ឯក ឈឿង គឹម​សុង នាយ​ការិយា​ល័យ​​​នគរបាល​ព្រហ្មទណ្ឌ​កម្រិត​ស្រាល នៃ​ស្នងការ​នគរបាល​ខេត្ត​បាន​ឲ្យ​ដឹងថា ជនដៃដល់​ប្រុស​ទាំងបី​នាក់​មាន​៖ ១-​ឈ្មោះ​ហ៊ាង គឹម​ហាង ហៅ​ជ្រុ​យ អាយុ​២៤​ឆ្នាំ​, ២-​ឈ្មោះ​ចាយ ដូ អាយុ​២១​ឆ្នាំ​។ ទាំង​២​នាក់​នេះ រស់​នៅ​ភូមិ​ព្រែក​ខ្ពប ឃុំ​ព្រែក​ខ្ពប ស្រុក​ឯក​ភ្នំ ។ និង​ទី​៣-​ឈ្មោះ​ឆាំ សំបូរ ហៅ​ទីន អាយុ​២៥​ឆ្នាំ នៅ​ភូមិ​ស្វាយស ឃុំ​ត្រែង ស្រុក​រតនៈ​​មណ្ឌល ខេត្តបាត់ដំបង ។​

​លោកនាយ​ការិយាល័យ​បាន​បញ្ជាក់ថា កាលពី​រសៀល​ថ្ងៃទី​១២ មករា នៅក្នុង​បរិវេណ ស្ថានីយ៍​រថភ្លើង ស្ថិត​ក្នុងភូមិ​កម្មករ សង្កាត់​ស្វាយប៉ោ ក្រុង​បាត់ដំបង ខេត្តបាត់ដំបង ក្រុម​ជនសង្ស័យ​ខាងលើ បានធ្វើ​សកម្មភាព​ប្រើ​ហិង្សា​កាប់​ដោយ​កាំបិត​លើ​ជន​​រងគ្រោះ​ឈ្មោះ ឡុង ញើ​ង ភេទ​ប្រុស អាយុ​៤២​ឆ្នាំ នៅ​ភូមិ​កំពង់ក្របី សង្កាត់​ស្វាយប៉ោ ក្រុង​បាត់ដំបង ខេត្តបាត់ដំបង បណ្តាលឱ្យ​រងរបួស​ធ្ងន់​។

​ក្រោយមក​ក្រុម​គ្រូ​សារ​ជនរងគ្រោះ​បានដាក់​ពាក្យបណ្តឹង​មក​សមត្ថកិច្ច​នគរបាល ទើប​មានការ​ស្រាវជ្រាវ និង​អនុវត្តតាម​បទបញ្ជា​របស់លោក ឧ​ត្ត​ម​សេនីយ៍​ទោ សាត គឹម​សាន ស្នងការ​នគរបាល​ខេត្តបាត់ដំបង​ឈានដល់​ការឃាត់ខ្លួន​ជនសង្ស័យ​ខាងលើ ដោយ​ដក​​ហូត​វត្ថុតាង​មួយចំនួន​រួមមាន​៖ កាំបិត​កែច្នៃ​១​ដើម ​ផ្លែ​រ៉​ណារ​សម្រាប់​អារ​ទឹកកក​១​ដើម និង ដែកឆាប​១​។​

​បច្ចុប្បន្ន កម្លាំង​ការិយាល័យ​ជំនាញ​កំពុង​កសាង​សំណុំរឿង​បញ្ជូនទៅ​សាលាដំបូង​ខេត្តបាត់ដំបង ចាត់ការ​បន្ត​តាម​នីតិវិធី​៕​

ទីតាំងផ្សាយពាណិជ្ជកម្ម

- Advertisment -

Most Popular