បុរាណ​វិទូ​រកឃើញ​គំនូរ​សត្វ​ក្នុង​រូងភ្នំ​ចាស់​បំផុត​លើ​ពិភពលោក នៅ​ឥណ្ឌូនេស៊ី​

​ប្រែ​សម្រួល : កញ្ញា​ដា​លី​ស ៖ សារព័ត៌មាន​ប៊ី​ប៊ីស៊ី​ផ្សាយ​នៅ​ថ្ងៃ​ព្រហស្បតិ៍​នេះ​ថា បុរាណ​វិទូ​បាន​រកឃើញ​ផ្ទាំងគំនូរ​គុហា​រូប​សត្វ​ចាស់​ជាងគេ​បំផុត​នៅលើ​ពិភពលោក​នៅ​ប្រទេស​ឥណ្ឌូនេស៊ី គឺ​ជ្រូកព្រៃ ដែល​គេ​ជឿ​ថា​គូរ​តាំងពី ៤៥.៥០០ ឆ្នាំមុន​។​

​គូរ​ដោយ​ប្រើ​សារធាតុ​ពណ៌​ក្រហម រូបភាព​ជ្រូកព្រៃ​នៃ​ខេត្ត​ស៊ូ​ឡាវេ​ស៊ី​ប៉ុន​សត្វជ្រូក​មែនទែននេះ ហាក់ដូចជា​ផ្នែក​មួយ​នៃ​ឈុត​ឆាក​រឿងនិទាន​។​

​រូបគំនូរ​នេះ​ត្រូវបាន​រកឃើញ​នៅក្នុង​រូង​លៀង​តេ​ដុង​នៅ​ជ្រលង​ភ្នំ​ដាច់ស្រយាល​មួយ​នៅ​លើ​កោះ​ស៊ូ​ឡាវេ​ស៊ី​។​

​វា​ផ្តល់​នូវ​ភស្តុតាង​ដំបូង​បំផុត​នៃ​ការតាំង​ទី​លំនៅ​របស់​ម​នុស្ស​ក្នុង​តំបន់​នេះ​។​

​លោក​ម៉ាក់​ស៊ីម អូ​បឺត ជា​សហ​អ្នកនិពន្ធ​នៃ​របាយការណ៍​ដែល​បាន​បោះពុម្ពផ្សាយ​ក្នុង​ទស្សនា​វ​ដ្តី​វិទ្យាសាស្ត្រ​ជឿនលឿន បាន​និយាយថា “​អ្នក​ដែល​បង្កើត​គំនូរ​នេះ​គឺ​មាន​លក្ខណៈ​ទំនើប​ពេញលេញ​ពួកគេ​គឺ​​ដូច​ពួកយើង​ដែរ ពួកគេ​មាន​សមត្ថភាព និង ឧបករណ៍​ទាំងអស់​ដើម្បី​គូរគំនូ​រណា​ដែល​ពួកគេ​ចូលចិត្ត​”​។​

​អ្នកឯកទេស​ផ្នែក​កំណត់​ពេលវេលា​ពី​អតីតកាល​រូបនេះ​បានកំណត់​អត្តសញ្ញាណ​សារធាតុ Calcite ដែល​ប្រើ​ដើម្បី​គូរគំនូរ​នេះ និង​ប្រើ​វិធីសាស្ត្រ Uranium-series isotope​ដើម្បី​កំណត់​ដឹង​ថា​គំនូរ​​មាន​អាយុ ៤៥.៥០០ ឆ្នាំ​៕

គំនូរ​ជ្រូកព្រៃ​ត្រូវបាន​រកឃើញ​នៅ​រូងភ្នំ​លៀង​តេ​ដុង​នៅ​កោះ​ស៊ូ​ឡាវេ​ស៊ី​របស់​ឥណ្ឌូនេស៊ី​

ទីតាំងផ្សាយពាណិជ្ជកម្ម

- Advertisment -



Most Popular