បិសាច​ក្រហម Man U នឹង​ត្រូវ​ធ្វើតេស្តិ៍​សមត្ថភាព​ប្រជែ​ង​ពានជាមួយ​ហង្ស​ក្រហម Liverpool នៅ​ថ្ងៃអាទិត្យ​

​ប្រែ​សម្រួល : កញ្ញា​ដា​លី​ស​/​ឡុង​ដ៍ ៖ ការប្រឹងប្រែង​របស់​ក្រុម​បិសាច​ក្រហម Manchester United ដើម្បី​ឈ្នះ​ពាន Premier League ជា​លើកដំបូង​ក្នុង​រយៈពេល ៨​ឆ្នាំ​នឹង​ប្រឈម​មុខ​នឹង​ការ​​សាកល្បង​ដ៏​ធំ នៅពេលដែល​ពួកគេ​ត្រូវ​ជួប​ជាមួយ​ក្រុម​ហង្ស​ក្រហម Liverpool នៅ​ថ្ងៃអាទិត្យ​។​

​ដោយសារ​នឹង​មាន​ការ​ជ្រុះ​ពិន្ទុ​រវាង​ក្រុម​ទាំង​ពីរ​នៅឯ​ទឹកដី Anfield នា​ចុង​សប្តាហ៍​នេះ ច្បាស់​ណាស់​ក្រុម​លេខ ៣ Manchester City អាច​នឹង​ចូលមក​ប្រណាំងប្រជែង​ពាន​ម្តងទៀត​។​

​ក្រុម​តោ​ខៀវ​បាក់​ចង្កូម Chelsea ត្រូវ​បង្ខំចិត្ត​ផ្អាក​មហិច្ឆតា​ប្រជែង​ពាន​មួយរយៈ​សិន បន្ទាប់​ពី​ធ្លាក់ចុះ​ទម្រង់​លេង​យ៉ាង​ដុនដាប​និង​ត្រូវ​ស្តារ​វា​មក​វិញ​ឱ្យ​បាន​ឆាប់ៗ​ដើម្បី​សង្គ្រោះ​អាជីព​របស់​អ្នក​ចាត់ការ​ទូទៅ ហ្វ្រែង ឡាំ​ផាត​។​

​បន្ទាប់​ពី​ទម្លាយ​ទ្វារ​ដោយ​មិន​រំពឹង​ទុក​ចូល​មក​ប្រជែង​ពាន​នឹង​គេឯង​ជាមួយនឹង​ជ័យជម្នះ​៩​ប្រកួត​ជាប់​គ្នា​មិន​នឹកស្មាន​ដល់​ក្នុងអំឡុង​ការប្រកួត​មិន​ដែល​ចាញ់​សរុប ១១ លើក​ចុង​ក្រោយ​មក​នោះ ក្រុម​បិសាច​ក្រហម Man United នឹង​ធ្វើ​ដំណើរ​ទៅកាន់​ទឹកដី Anfield ដោយ​ដឹងថា ពួកគេ​មាន​ឱកាស​មាស​ក្នុង​ការបើក​ការនាំ​មុខដាច់ ៦ ពិន្ទុ​លើ​កូនក្រុម​របស់លោក ជួ​ហ្គិន ក្លប់​។​

​នេះ​ជា​លើកទីមួយ​ចាប់តាំងពី​រដូវ​កាល​ឈ្នះ​ពាន​ចុងក្រោយ​របស់​លោក​សឺ អា​ឡិច ហ្វើ​ហ្គោសុ​ន ក្នុង​រដូវ​កាល ២០១២-១៣ ដែល United ឈរ​នៅលើ​កំពូល​តារាង​នៅ​ដំណាក់កាល​បែបនេះ​នៃ​យុទ្ធនាការ Premier League​។​

​ពួកគេ​មាន ៣ ពិន្ទុ​លើស​ក្រុម​លេខ ២ Liverpool បន្ទាប់ពី​ទទួលបាន​ជោគជ័យ​កាលពី​ថ្ងៃ​អង្គារ​នៅឯ​ទឹកដី​របស់ Burnley ជា​គម្លាត​ពិន្ទុ​តិចតួច​ប៉ុណ្ណោះ បើ​ធៀប​នឹង​ការ​ដាច់​ពិន្ទុ​ដល់​ទៅ ៣០ របស់​ហង្ស​ក្រហម​លើ​កូន​ក្រុម​របស់​លោក​អូ​ឡេ ហ្គា​ន់​ន័​រ សូល​ក្យែរ នៅ​ពេល​ពួកគេ​ជួប​គ្នា​កាលពី​ខែ​មករា​ឆ្នាំ​មុន​។​

​ក្រោយ​ចាប់ផ្តើម​ការប្រកួត​ក្នុង​ទឹកដី​ដ៏​យ៉ាប់​បំផុត​នៅ​ដើម​រដូវ​កាល​ក្នុង​រយៈពេល ៤៨ ឆ្នាំ​មកនេះ United បាន​ស្ថិតក្នុង​ភាពច្របូកច្របល់​នៅពេលដែល​ពួក​គេ​ធ្លាក់​ចេញពី​វគ្គ​ចែក​ពូ​ល​នៃ​ក្របខ័ណ្ឌ Champions League ។​

​ប៉ុន្តែ​លោក​សូល​ក្យែរ ដែល​ប៊ិះ​នឹង​ត្រូវ​បណ្តេញចេញ​ហើយ​នោះ ស័ក្តិសម​នឹង​ទទួលបាន​ការកោតសរសើ​រ​សម្រាប់​ការ​អូស United ត្រឡប់​មក​ប្រជែង​ពាន​វិញ​បាន ហើយ​បើ​ឈ្នះ​ជា​លើកដំបូង​លើ​ក្រុម Liverpool ចាប់តាំងពី​ឆ្នាំ ២០១៨ នោះ​វា​គឺជា​វិធី​ដ៏​ល្អឥតខ្ចោះ​ដើម្បី​បង្ហាញ​ថា បិសាច​ក្រហម​មិនមែន​ចូល​មក​ប្រជែង​ពាន​លំៗ​នោះទេ​៕

ក្រុម​បិសាច​ក្រហម Manchester United នឹង​ត្រូវ​ទៅ​លេង​នៅ​ទឹកដី​របស់​ក្រុម​ហង្ស​ក្រហម Liverpool នៅ​ថ្ងៃអាទិត្យ

ទីតាំងផ្សាយពាណិជ្ជកម្ម

- Advertisment -

Most Popular