Home ព័ត៌មានសំខាន់ៗ ក្រសួងបរិស្ថា...

ក្រសួងបរិស្ថាន​ខិតខំ​រួមចំណែក​ជំរុញ​ទាក់ទាញ​ទេសចរបែប​ធម្មជាតិ​

ដោយៈ​បូព៌​ព្រឹក្ស​/​ភ្នំពេញៈ​ជំនួប​ដែលមាន​សារសំខាន់​មួយ​បាន​ធ្វើឡើង​នៅ​ទីស្តីការ​ក្រសួងបរិស្ថាន​កាលពី​ព្រឹក​ថ្ងៃ​សុក្រ​ទី​១៥ ខែមករា ឆ្នាំ​២០២១ ក្រោម​វត្តមាន​ផ្ទាល់​របស់លោក សាយ សំ​អាល់ រដ្ឋមន្ត្រី​ក្រសួងបរិស្ថាន​ជាមួយ​សមាគម និង​ក្រុម​មគ្គុទ្ទេសក៍​ទេសចរណ៍ ដើម្បី​បង្ហាញ​ពី​សក្ដានុពល​ទេសចរណ៍​នៅតាម​តំបន់ការពារធម្មជាតិ​បង្កើន​កិច្ចសហការ​ជាមួយគ្នា​ក្នុង​គោលបំណង​គ្រប់គ្រង​ទេសចរណ៍ធម្មជាតិ​ឱ្យ​កាន់តែ​ប្រ​ល្អប្រសើរ​។

លោក សាយ សំអាល់ រដ្ឋមន្រ្តីបរិស្ថាននៅក្នុងជំនួបជាមួយសមាគម និង​ក្រុម​មគ្គុទ្ទេសក៍​ទេសចរណ៍(រូបថតក្រសួងបរិស្ថាន)

​ប្រភព​ផេ​ក​ផ្លូវការ​របស់​ក្រសួងបរិស្ថាន​នា​រសៀល​នេះ​បាន​បញ្ជាក់ថា​ក្នុងជំនួប​នេះ​លោក​រដ្ឋមន្ត្រី​បានបង្ហាញ​អំពី​តំបន់​ដែលមាន​សក្ដានុពល​ទេសចរណ៍ នៅតាម​តំបន់ការពារធម្មជាតិ​នានា​នៅ​ប្រទេស​កម្ពុជា ដែល​អាច​រៀបចំ​ឱ្យ​ភ្ញៀវទេសចរ​ធ្វើដំណើរ​កម្សាន្ត​។​ក្នុងនោះ​សមាគម និង​ក្រុម​មគ្គុទ្ទេសក៍​ត្រូវ​ស្វែងយល់​ផងដែរ​អំពី​តំបន់​មួយចំនួន​នៅតាម​តំបន់ការពារធម្មជាតិ​ដែលមាន​តម្លៃ​ខ្ពស់​សម្រាប់​ការអភិរក្ស​ជីវៈចម្រុះ និង​មួយចំនួន​មិនទាន់មាន​សុវត្ថិភាព​គ្រប់គ្រាន់​នៅឡើយ ដែល​ត្រូវការ​សហការគ្នា​រៀប​ដំណើរ​ទេសចរ​ឱ្យបាន​ល្អ​ទាំង​សុវត្ថិភាព សុខភាព និង​អនាម័យ​បរិស្ថាន​។​

​លោក​រដ្ឋមន្ត្រី​បាន​បន្ថែម​ទៅកាន់​អ្នកចូលរួម​ថា​ការរីកចម្រើន​ទេសចរណ៍ធម្មជាតិ​ជា​និន្នាការ​ថ្មី​របស់​សង្គម​កម្ពុជា​និង​ជួយ​កសាង​សេដ្ឋកិច្ច​មូលដ្ឋាន​។ ក្រសួងបរិស្ថាន​នឹង​យកចិត្តទុកដាក់​បន្ថែម​សុខ​សុវត្ថិភាព សុខភាព ការសង្គ្រោះ​បន្ទាន់ ការគ្រប់គ្រង​អនាម័យ និង​សំអាត​បរិស្ថាន​ឱ្យ​បានល្អ​នៅតាម​តំបន់ការពារធម្មជាតិ ដើម្បី​ជា​ប្រយោជន៍​យូរអង្វែង​ដល់​កូនចៅ​ត​ជំនាន់​។​

លោក សាយ សំអាល់ រដ្ឋមន្រ្តីបរិស្ថាននៅក្នុងជំនួបជាមួយសមាគម និង​ក្រុម​មគ្គុទ្ទេសក៍​ទេសចរណ៍(រូបថតក្រសួងបរិស្ថាន)

​ក្នុងឱកាស​នេះ​លោក​រដ្ឋមន្ត្រី សាយ សំ​អាល់ ក៏បាន​ស្តាប់​នូវ​សំណូមពរ​ដែល​បានលើកឡើង​ដោយ​សមាគម និង​ក្រុម​មគ្គុទ្ទេសក៍ ដើម្បី​ស្វែងយល់​ពី​តម្រូវការ និង​ភាពចាំបាច់ សំដៅ​រួមគ្នា​រៀបចំ​ទេសចរណ៍ធម្មជាតិ​ឱ្យបាន​ល្អប្រសើរ​។​

​លោក​រដ្ឋមន្ត្រី បានធ្វើការ​កត់សម្គាល់​ថា កន្លងទៅ​ប្រជាជន​កម្ពុជា​បាន​ផ្លាស់ប្តូរ​ផ្នត់គំនិត​ស្រឡាញ់​បរិស្ថាន​ច្រើនជាង​មុន តាមរយៈ​ការធ្វើដំណើរ​កម្សាន្ត​នៅតាម​តំបន់ការពារធម្មជាតិ​កាន់តែច្រើន​។​ការធ្វើដំណើរ​កម្សាន្ត​នៅតាម​តំបន់​ធម្មជាតិ​ទាំងអស់នេះ បាន​ជួយ​លើកទឹកចិត្ត​ដល់​មន្ត្រី​ឧ​ទ្យា​នុ​រក្ស និង​សហគមន៍ ឱ្យ​បង្កើន​ការយកចិត្តទុកដាក់​លើ​ការការពារ និង​អភិរក្ស​ធ​ធាន​ធម្មជាតិ និង​ចូលរួមចំណែក​សំខាន់​ដល់​ការបង្កើន​សេដ្ឋកិច្ច​គ្រួសារ​របស់​ប្រជា​ពល​ដ្ឋ​នៅតាម​សហគមន៍​៕​សរន​

លោក សាយ សំអាល់ រដ្ឋមន្រ្តីបរិស្ថាននៅក្នុងជំនួបជាមួយសមាគម និង​ក្រុម​មគ្គុទ្ទេសក៍​ទេសចរណ៍(រូបថតក្រសួងបរិស្ថាន) លោក សាយ សំអាល់ រដ្ឋមន្រ្តីបរិស្ថាននៅក្នុងជំនួបជាមួយសមាគម និង​ក្រុម​មគ្គុទ្ទេសក៍​ទេសចរណ៍(រូបថតក្រសួងបរិស្ថាន) លោក សាយ សំអាល់ រដ្ឋមន្រ្តីបរិស្ថាននៅក្នុងជំនួបជាមួយសមាគម និង​ក្រុម​មគ្គុទ្ទេសក៍​ទេសចរណ៍(រូបថតក្រសួងបរិស្ថាន)

ទីតាំងផ្សាយពាណិជ្ជកម្ម

- Advertisment -

Most Popular