Home ព័ត៌មានសំខាន់ៗ សត្វ​ទន្សោង​ន...

សត្វ​ទន្សោង​នៅ​កម្ពុជា​អាច​នៅ​សេសសល់​ប្រមាណ​ ៤០០០ ក្បាល

ដោយៈ ជា សីហៈ​/​ភ្នំពេញៈ សត្វ​ទន្សោង​នៅ​កម្ពុជា​ត្រូវបាន​អង្គការ​WCS​អះអាងថា អាច​មាននៅ​សេសសល់​ប្រមាណ​ជា ៤០០០ ក្បាល ។

​ប្រភព​ដដែល​បាន​អះអាងថា តាម​ការប៉ាន់ស្មាន ប្រទេស​កម្ពុជា​ទំនងជា មាន​ចំនួន សត្វ​ទន្សោង ច្រើនជាងគេ ប្រហែល ៤.០០០​ក្បាល​។​

​សត្វ​ទន្សោង ត្រូវបាន​កត់ត្រា​ក្នុង​បញ្ជី​ក្រហម​របស់​អង្គការ IUCN ជា​ប្រភេទ​ជិត​ពូជ​នៅលើពិភពលោក ហើយ ចំនួន​សត្វ​ទន្សោង​បាន​ថយចុះ​យ៉ាងច្រើន​ក្នុង​រយៈពេល​ពីរ​បី​ទសវត្សរ៍ ចុងក្រោយ​នេះ ដោយសារ​ការបាត់បង់​ទីជម្រក​និង​ការ​បរបាញ់​យក​សាច់​និង​ស្នែង ខណៈដែល​ជម្ងឺឆ្លង​មួយចំនួន​ដែល​កើតមាន​លើ​ពពួកសត្វ​ពាហនៈ​ក៏​ជា​កត្តា​គម្រាមកំហែង ចំពោះ​ប្រភេទ​សត្វ​នេះ​ផងដែរ​។ សត្វ​ប្រភេទ​នេះ​ចូលចិត្ត​រស់នៅ​ជា​ហ្វូង​តាម​តំបន់​ព្រៃរបោះ វាលស្មៅ ព្រៃ​គុម្ពោត និង​ចូលចិត្ត​រកស៊ី​នៅតាម​មាត់​អូរ​។​សត្វ​ទន្សោង​មាន​វត្តមាន​រាយប៉ាយ នៅ​ទូទាំងប្រទេស​កម្ពុជា ជាពិសេស​មាន​ច្រើន​នៅ​តំបន់​ភាគ​និរតី ភាគ​ខាងជើង និង​ភាគ​ពាយព្យ និង​មាន​ចំនួន​តិចតួច​នៅក្នុង​ប្រទេស​វៀតណាម​។

​យោង​មាត្រា​៥៨​នៃ​ច្បាប់​ស្តីពី តំបន់ការពារធម្មជាតិ​នៃ​ព្រះរាជាណាចក្រ​កម្ពុជា ជន​ទាំង ឡាយ​ណា​ដែល​ប្រព្រឹត្ត​បទល្មើស​សត្វព្រៃ ដូចជា ការចាប់ ដាក់​អន្ទាក់ ប្រមាញ់ បំពុល ប្រមូល​ពង កូន​សត្វព្រៃ​គ្រប់​ប្រភេទ ត្រូវ​ពិន័យ​ជា​ប្រាក់​ចាប់ពី ១០០.០០០​​៛ (​ដប់​ម៉ឺន​រៀល​) ដល់ ១.០០០.០០០៛ (១​លាន​រៀល​)​។​

​អង្គការ WCS សហការ​ជាមួយ​ក្រសួងបរិស្ថាន​បាន​ខិតខំ​ប្រឹងប្រែង​ការពារ​ទីជម្រក​របស់ សត្វ​ទន្សោង​នៅក្នុង​តំបន់ការពារធម្មជាតិ ក្រោម​ការគាំទ្រ​ថវិកា​ពី​ទីភ្នាក់ងារ​ជំនួយ​អាម៉េរិក USAID តាមរយៈ​គម្រោង​អភិរក្ស​ដែនជម្រកសត្វព្រៃ​កែវ​សីមា​ដើម្បី​ការពារ​សត្វ​ប្រភេទ​នេះ កុំឱ្យ​ផុត​ពូជ​៕/PC​/សរន

ទីតាំងផ្សាយពាណិជ្ជកម្ម

- Advertisment -

Most Popular